مہوش حیات نے برطانیہ میں پابندی کی خبروں کو جھوٹا قرار دے دیا
اشاعت کی تاریخ: 1st, July 2025 GMT
معروف پاکستانی اداکارہ اور ماڈل مہوش حیات نے سوشل میڈیا پر گردش کرنے والی ان خبروں کو جعلی قرار دے دیا ہے جن میں دعویٰ کیا جا رہا تھا کہ برطانیہ میں ان کے داخلے پر پابندی لگائی جا سکتی ہے یہ رپورٹس ایک میوزک ویڈیو کے حوالے سے سامنے آئیں جس میں مہوش حیات بھارتی ریپر یو یو ہنی سنگھ کے ساتھ نظر آ رہی ہیں اس ویڈیو کا نام جٹ محکمۂ ہے اور یہ یوٹیوب پر نومبر سے اب تک چار کروڑ سے زائد مرتبہ دیکھی جا چکی ہے رپورٹس کے مطابق برطانوی سیاستدانوں اور سماجی حلقوں نے اس ویڈیو پر اعتراض کیا ہے جس میں چند کم عمر بچوں کو مہوش حیات کے کردار کے ساتھ جعلی ہتھیاروں کے ذریعے فائرنگ کرتے دکھایا گیا ہے بتایا جا رہا ہے کہ برطانوی رکن پارلیمنٹ مینویلا پرٹیگیلا نے اس ویڈیو پر ہوم آفس سے باضابطہ شکایت کی ہے میڈیا میں چلنے والی خبروں میں یہ بھی کہا جا رہا ہے کہ برطانیہ کا ہوم آفس اس ویڈیو کے مناظر کو دیکھتے ہوئے مہوش حیات اور یو یو ہنی سنگھ پر ملک میں داخلے پر پابندی عائد کرنے پر غور کر رہا ہے تاہم اس حوالے سے نہ تو کوئی قانونی کارروائی کی گئی ہے اور نہ ہی کسی قسم کا باضابطہ اعلان سامنے آیا ہے مہوش حیات نے ان تمام خبروں کو بے بنیاد اور من گھڑت قرار دیتے ہوئے کہا ہے کہ میڈیا کو ذمہ داری کا مظاہرہ کرنا چاہیے اور کسی بھی خبر کو نشر کرنے سے پہلے اس کی مکمل تصدیق کرنی چاہیے اداکارہ کا کہنا تھا کہ ایسی افواہیں ان کی ساکھ کو متاثر کرنے کی ناکام کوشش ہیں جن کا حقیقت سے کوئی تعلق نہیں
.ذریعہ: Nawaiwaqt
پڑھیں:
خبردار! نادرا کے نام پر چلنے والی جعلی ویب سائٹ بے نقاب
اوورسیزپاکستانیوں کے ساتھ جعلسازی میں ملوث نادرا کارڈ سینٹرکے نام سے جعلی ویب سائٹ کا انکشاف ہوا ہے۔نیشنل ڈیٹابیس اینڈ رجسٹریشن اتھارٹی (نادرا) کے ترجمان کے مطابق نادرا کارڈ سینٹرکے نام سے جعلی ویب سائٹ کام کررہی ہے اور یہ ویب سائٹ اوورسیزپاکستانیوں خصوصاً برطانیہ میں مقیم شہریوں کے ساتھ جعلسازی میں ملوث ہے۔ترجمان نے بتایاکہ ویب سائٹ نادرا کے نام پر شناختی کارڈ، نائیکوپ کی خدمات کا جھوٹا دعویٰ کر رہی ہے، ویب سائٹ نادرا کے نام پرملازمتوں کی فراہمی کا جھوٹا دعویٰ کر رہی ہے۔ترجمان کا کہنا ہے کہ اس پلیٹ فارم پردی گئی ذاتی معلومات، دستاویزات یا ادائیگیاں غلط استعمال ہوسکتی ہیں۔ترجمان کے مطابق جعلی ویب سائٹ پر کارروائی کیلئے نیشنل سائبرکرائم ایجنسی کو شکایت جمع کرادی ہے۔
قومی اسمبلی میں 27 ویں آئینی ترمیم کی تمام 59 شقیں شق وار منظور