جماعت اسلامی کا وزیراعظم کو خط، K4 پروجیکٹ کیلئے فوری فنڈز مختص کرنے کا مطالبہ
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے وزیر اعظم شہباز شریف کو خط ارسال کرتے ہوئے شہر قائد میں پانی کے سنگین بحران اور K-4 منصوبے کے حوالے سے گہری تشویش کا اظہار کیا ہے۔
امیر جماعت اسلامی کراچی نے خط میں مطالبہ کیا ہے کہ وفاقی بجٹ میں K-4 منصوبے کے لیے مختص رقم کو فوری طور پر بڑھایا جائے اور مطلوبہ 40 ارب روپے مہیا کیے جائیں تاکہ کراچی کے عوام کو درپیش پانی کے بحران کا حل ممکن بنایا جا سکے۔
منعم ظفر خان نے وزیراعظم کو یاد دہانی کراتے ہوئے کہا کہ کراچی پاکستان کا معاشی مرکز اور سب سے زیادہ ٹیکس دینے والا شہر ہے، لیکن وفاقی بجٹ میں اسے مسلسل نظر انداز کیا جا رہا ہے، K-4 جیسے اہم منصوبے کے لیے صرف 3 ارب 20 کروڑ روپے رکھنا اس منصوبے کو ختم کرنے کے مترادف ہے، جو ساڑھے تین کروڑ آبادی کے ساتھ کھلی زیادتی ہے۔
اپنے خط میں انہوں نے شہباز شریف کو 30 اگست 2021ء کے کراچی دورے کا حوالہ بھی دیا، جس میں انہوں نے بانی پاکستان قائداعظم محمد علی جناحؒ کے مزار پر حاضری کے موقع پر کراچی کو پیرس بنانے کا وعدہ کیا تھا۔
منعم ظفر خان نے مزید کہا کہ قسمت نے آپ کو وزیراعظم کا موقع دیا ہے، اب وقت ہے کہ آپ اپنے وعدے کو سچ کر دکھائیں اور کراچی کو اس کا حق دیں، کراچی کو روزانہ کم از کم 1200 ملین گیلن پانی درکار ہے، مگر شہر کو صرف 650 ملین گیلن پانی فراہم کیا جا رہا ہے، یہ قلت شہر کے عوام کے لیے شدید مسائل پیدا کر رہی ہے۔
انہوں نے یاد دلایا کہ شہر کو پانی کی فراہمی کا آخری منصوبہ K-3 تھا جو سابق سٹی ناظم نعمت اللہ خان ایڈوکیٹ کے دور میں مکمل ہوا۔ اسی دور 2003ء میں K-4 منصوبے کا PC-II بھی منظور کیا گیا تھا۔
منعم ظفر خان نے کہا کہ اگرچہ K-4 منصوبہ طویل عرصے تک تعطل کا شکار رہا، لیکن گزشتہ دو برسوں میں اس میں کچھ پیش رفت ہوئی اور اُمید پیدا ہوئی تھی کہ 2026 کے وسط تک فیز 1 مکمل کر کے روزانہ 260 ملین گیلن پانی فراہم کیا جا سکے گا۔ مگر بدقسمتی سے نئے بجٹ میں مطلوبہ 40 ارب روپے فراہم کرنے کے بجائے صرف 3.
امیر جماعت اسلامی کراچی نے حکومت پر زور دیا کہ وہ کراچی کے ساتھ ہونے والی ناانصافیوں کا ازالہ کرے اور فوری طور پر K-4 منصوبے کے لیے درکار مکمل فنڈز جاری کرے تاکہ شہر قائد کے عوام کو پانی جیسی بنیادی سہولت فراہم کی جا سکے۔
انہوں نے مزید کہا کہ وفاقی حکومت اگر واقعی کراچی کو اقتصادی شہ رگ مانتی ہے تو اسے عملی اقدامات سے ثابت بھی کرے، ورنہ عوام کو مزید احتجاج پر مجبور ہونا پڑے گا۔
ذریعہ: Jasarat News
کلیدی لفظ: جماعت اسلامی منصوبے کے انہوں نے کراچی کو کے لیے کہا کہ
پڑھیں:
سرکاری اسکولوں کو 50کمپیوٹرز کی فراہمی گلبرگ ٹائون کا تحفہ ہے ، منعم ظفر خان
data-id="863a0a8" data-element_type="widget" data-widget_type="theme-post-content.default">
251118-08-27
کراچی(اسٹاف رپورٹر)امیر جماعت اسلامی کراچی منعم ظفر خان نے کہا ہے کہ تعلیم سے ترقی کا سفر جماعت اسلامی کا وژن ہے ، موجودہ دور انفارمیشن ٹیکنالوجی کا دور ہے ، گلبرگ ٹائون کی جانب سے سرکاری اسکولوں کے لیے 50کمپیوٹرز کی فراہمی ایک قیمتی تحفہ ہے ، ٹیکنالوجی امپاور منٹ کے نام سے گلبرگ ٹائون کی یہ کاوش لائق تحسین ہے اور اس پر ٹائون چیئر مین سمیت ٹائون کی پوری ٹیم مبارکباد کی مستحق ہے ، جماعت اسلامی کا عزم ہے کہ اختیارات سے بڑھ کر کام کریں گے اور تعلیم و صحت سمیت ہر شعبے میں اہل کراچی کی خدمت کرتے رہیں گے ، منعم ظفر خان نے وزیر اعظم کی کراچی آمد کا ذکر کرتے ہوئے کہا کہ 6 ماہ بعد شہباز شریف کراچی آئے ہیں جب وہ وزیر اعظم نہیں تھے توانہوں نے کہا تھا کہ میں کراچی کو پیرس بنا دوں گا ، ہم ان سے کہتے ہیں کہ آپ کراچی کو پیرس نہ بنائیں ، کراچی کو اس کا حق دیں ، کراچی جتنے وسائل دیتا ہے اسے وہ وسائل واپس لوٹا دیں ، ہم خود کراچی کو تعمیر بھی کریں گے اور ترقی بھی دیں گے ،اس کی رونقیں بحال کریں گے ، یہ شہرا ہمارا ہے ، ہم اس کے ہیں اور ہم اہل کراچی کو تنہا نہیں چھوڑیں گے ۔ ان خیالات کا اظہار انہوں نے فیڈل بی ایریا بلاک 17میں رابعہ بصری گورنمنٹ گرلز اسکول کے آڈیٹوریم میں 50کمپیوٹرز کی تقسیم کی تقریب سے خطاب اور بلاک 18میں سمن آباد ہیلتھ کیئر یونٹ کے دورے کے موقع پر ڈاکٹروں و اسٹاف سے ملاقات و میڈیا سے گفتگو کرتے ہوئے کیا ۔ تقریب میں مختلف اسکولوں کی پرنسپلز ، اساتذہ ، والدین اور طلبہ و طالبات کی بڑی تعداد نے شرکت کی ۔ اس موقع پر امیر ضلع گلبرگ وسطی کامران سراج ، ٹائون چیئر مین گلبرگ نصرت اللہ ، ٹائون میونسپل کمشنر عبد الحمید ، ڈائریکٹر پارک ایڈ لینڈ ندیم حنیف ، اسکول پرنسپل عائشہ قمر ، محترمہ نشاط ، سائزہ کامران و دیگر نے بھی خطاب کیا ۔ منعم ظفر خان نے سمن آباد ہیلتھ کیئر یونٹ میں ڈاکٹروں و پیرا میڈیکل اسٹاف ، علاج کے لیے آنے والے مریضوں سے ملاقات اور فراہمی کی سستی طبی سہولیات کا جائزہ لیا ، منعم ظفر خان نے تقریب سے خطاب اور میڈیا سے گفتگو کرتے ہوئے مزید کہا کہ جماعت اسلامی اپنے 9ٹائونز کے تحت آنے والے اسکولوں اور صحت کے مراکز کو بہتر اور بحال کر رہی ہے ، 2001سے2005کے دوران نعمت اللہ خان کے دور میں بھی جماعت اسلامی نے شہر میں 32نئے کالجز قائم کیے اور 6کالجوں میں آئی ٹی ایجوکیشن شروع کی گئی جبکہ ان کے بعد گزشتہ 20برس کا جائزہ لیا جائے تو 10سے 12کالجز سے زیادہ نہیں بنے اور آج صورتحال یہ ہے کہ آئی ٹی ایجوکیشن کی بات تو بہت کی جاتی ہے لیکن عملاً کچھ نہیں کیا جاتا ، اسکولوں اور کالجوں میں کمپیوٹر تک موجود نہیں ہیں ، پیپلز پارٹی 17برس سے سندھ پر مسلط ہے اور اس نے تعلیم اور صحت سمیت ہر شعبے کو تباہ وبرباد کر کے رکھ دیا ہے ، صوبے سندھ کا تعلیم بجٹ 613ارب روپے جبکہ صحت کا 371ارب روپے ، جو کل ملا کے 1 ہزار ارب روپے بنتا ہے لیکن اسپتالوں میں مریضوں کو اور نہ اسکولوں و کالجوں میں طلبہ و طالبات کو بنیادی سہولیات میسر ہیں ، صوبہ سندھ میں 78لاکھ بچے ایسے ہیں جن کی عمر 5سے 16سال تک کی ہے اور ان کو اسکولوں میں ہونا چاہیے تھا مگر وہ تعلیم سے محروم ہیں اور پورے ملک میں ان بچوں کی تعداد 2کروڑ 62لاکھ ہے جبکہ آئین کی دفعہ 25-Aکے تحت مفت تعلیم کی فراہمی حکومت و ریاست کی ذمے داری ہے ۔ تعلیم ، صحت اور عوام خدمت ہی ہمیشہ جماعت اسلامی کی ترجیح رہی ہے اور گزشتہ 2سال کے دوران بھی ہم ان ہی خطوط پر عمل کر رہے ہیں ، جماعت اسلامی نے حکومت میں نہ ہونے کے باوجود کراچی میں بنوقابل آئی ٹی پروگرام کے تحت نوجوانوں کو مفت آئی ٹی کورسز کرانے کا سلسلہ شروع کیا اور اب تک 50ہزار سے زائد طلبہ و طالبات مفت آئی ٹی کے کورسز کر کے اپنے اہل خانہ کا سہارا بن چکے ہیں جبکہ بنو قابل پروگرام میں 12لاکھ نوجوان رجسٹریشن کراچکے ہیں ، ہم نے اپنے ٹائون میں 42سرکاری اسکولوں کی حالت بہتر کر کے ان کو بحال کیا جس کے نتیجے میں ان اسکولوں میں 7ہزار طلبہ و طالبات کی رجسٹریشن کا اضافہ ہوا ۔
امیر جماعت اسلامی کراچی منعم ظفر خان گلبرگ ٹائون کے تحت سرکاری اسکولوں کو 50کمپیوٹر ز تقسیم کی تقریب’’ ٹیکنالوجی امپاورمنٹ‘‘ میں اسکول پرنسپل کو کمپیوٹر پیش کررہے ہیں ، دوسری جانب سمن آباد ہیلتھ کیئر یونٹ کا دورہ کررہے ہیں‘ امیر ضلع کامران سراج، ٹائون چیئرمین نصرت اللہ بھی ساتھ ہیں
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن