جماعت المسلمین کا حیدرآباد برانچ کے دورے کا شیڈول جاری کردیاگیا
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)جماعت اصلاح المسلمین ضلع حیدرآباد کے زیر اہتمام دستور العمل کے مطابق جماعت اصلاح المسلمین ضلع حیدرآباد کی برانچ کا وزٹ شیڈول جاری کیا جا چکا ہے جس کے مطابق ضلعی عہدیداران حیدرآباد کی تمام برانچ کا تنظیمی دورہ کرتے ہوئے ریکارڈ بھی چیک کریں گے اور ساتھ ہی ضلع حیدرآباد کے زیراہتمام المرکز الطاہر ریذیڈنسی ہٹڑی بائی پاس حیدرآباد پر جولائی میں منعقد ہونے والے مجلس عاملہ کی دعوت بھی برانچ کے عہدیداران و ممبران کو پیش کریں گے۔اس ضمن میں ضلعی عہدیداران 3 جولائی تا 18جولائی 2025مختلف برانچ کا دورہ کریں گے اور اس موقع پران کے سرپرست صاحبان سے بھی خصوصی ملاقات کریں گے جبکہ برانچ کے صدر و جنرل سیکریٹری کو تاکید کی گئی ہے کہ ماہ محرم الحرام میں اپنی برانچ میں شہدائے کربلا کی یاد میں اجتماعات کا انعقاد کریں اس سلسلے میں برانچ ٹنڈو ولی محمد کے سرپرست خلیفہ حاجی علی اکبر طاہری کی رہائشگاہ پر 3جولائی 2025بعد نمازعصر تا عشا ء سالانہ روحانی محفل کا انعقاد کیا جارہاہے جس میں ضلع حیدرآباد کے عہدیداران و ممبران ،خلفا کرام،علما عظام سمیت جماعت اصلاح المسلمین کے ضلعی صدر محمدرفیق طاہری کی زیر قیادت ضلع حیدرآبا د کے تمام عہدیداران و معاونین بھی خصوصی شرکت کریں گے۔
.ذریعہ: Jasarat News
کلیدی لفظ: کریں گے
پڑھیں:
دبئی ایکسپو سٹی میں پاکستان کا سب سے بڑا جشنِ آزادی میلہ
دبئی (اُردو پوائنٹ اخبارتازہ ترین۔ 14 اگست2025ء) متحدہ عرب امارات میں پاکستان کے 78ویں یومِ آزادی کی شاندار تقریبات کا آغاز دبئی ایکسپو سٹی کے دبئی ایگزیبیشن سینٹر میں ہوگیا۔ یہ تاریخی موقع "امارات لوز پاکستان" اور پاکستان ایسوسی ایشن دبئی (پی اے ڈی) کے اشتراک اور دبئی پولیس کے تعاون سے منعقد ہو رہا ہے، جو دنیا کا سب سے بڑا جشنِ آزادی پاکستان قرار دیا جا رہا ہے۔ پاکستان کے سفیر فیصل نیاز ترمذی نے اس موقع پر یو اے ای حکومت کا شکریہ ادا کرتے ہوئے کہا کہ 60 ہزار سے زائد افراد اس میگا ایونٹ میں شرکت کے لیے رجسٹر ہو چکے ہیں۔ انہوں نے بتایا کہ پاکستان کے تمام صوبوں، گلگت بلتستان اور آزاد جموں و کشمیر سے فنکار، گلوکار اور پرفارمرز پاکستان کے متنوع ثقافتی ورثے کو موسیقی، رقص، کھانوں اور روایتی ملبوسات کے ذریعے پیش کریں گے۔(جاری ہے)
تقریب میں یو اے ای کے وزیر برائے رواداری و بقائے باہمی، شیخ نھیان بن مبارک آل نھیان، سفیر فیصل نیاز ترمذی، پاکستانی قونصل جنرل حسین محمد، سفارتی نمائندے، اماراتی معززین اور بڑی تعداد میں پاکستانی کمیونٹی کے اراکین شریک ہیں۔ یہ دن بھر جاری رہنے والا پروگرام صبح 11 بجے سے رات 12 بجے تک جاری رہے گا، جس میں پاکستان کے معروف نیشنل اسٹار سہیر علی بگا، صوفی راک سنگر نتاشا بیگ اور کہانی کار یوسف بشیر قریشی براہِ راست پرفارم کریں گے۔ ساتھ ہی ثقافتی ڈسپلے، لوک رقص، آرٹ نمائش اور روایتی فوڈ اسٹالز پاکستان کے بھرپور ورثے اور پاک–امارات دوستی کی عکاسی کریں گے۔ قونصل جنرل حسین محمد نے "امارات لوز پاکستان" اور پی اے ڈی کی کاوشوں کو سراہتے ہوئے پاکستانی کمیونٹی کے یو اے ای کی ترقی میں کردار کو خراجِ تحسین پیش کیا اور مقامی قوانین اور روایات کا احترام کرنے کی تلقین کی۔ پی اے ڈی کے صدر ڈاکٹر فیصل اکرام نے برصغیر کے مسلمانوں کی جدوجہدِ آزادی اور قربانیوں کو یاد کرتے ہوئے اتحاد، ترقی اور کمیونٹی اسپرٹ کی اہمیت پر زور دیا۔
ایم کیو ایم کے بانی الطاف حسین کی طبیعت دوبارہ خراب، ہسپتال منتقل