شیخ حسینہ واجد نے انسانیت کے خلاف جرائم کے الزامات کی تردید کر دی
اشاعت کی تاریخ: 2nd, July 2025 GMT
بنگلہ دیش کی سابق وزیراعظم شیخ حسینہ واجد نے اپنے اوپر لگنے والے انسانیت کے خلاف جرائم کے الزامات کو بے بنیاد اور سیاسی انتقام قرار دے دیا ہے۔
اقوام متحدہ کے مطابق جولائی اور اگست 2024 کے دوران بنگلہ دیش میں حکومتی کریک ڈاؤن کے نتیجے میں 1,400 مظاہرین ہلاک ہوئے تھے، جن میں زیادہ تر نوجوان طلبہ شامل تھے۔
شیخ حسینہ، جو طلبہ بغاوت کے بعد بھارت فرار ہو گئی تھیں، پر ڈھاکا کی عدالت میں 1 جون 2025 سے پانچ سنگین الزامات کے تحت مقدمہ چل رہا ہے، جن میں اکسانا، سہولت کاری، اجتماعی قتل اور کمان کی ذمہ داری میں ناکامی شامل ہیں۔
ان کی جماعت، کالعدم عوامی لیگ نے ایک بیان میں مقدمے کو "شو ٹرائل" قرار دیا ہے اور کہا ہے کہ "حسینہ ان تمام الزامات کو سختی سے مسترد کرتی ہیں"۔
استغاثہ کے مطابق، حسینہ پر ہیلی کاپٹر حملوں کا حکم دینے، مظاہرین پر مہلک ہتھیاروں کے استعمال، اور جلاؤ گھیراؤ کی اجازت دینے جیسے الزامات بھی عائد ہیں۔ ان پر تین مخصوص کیسز میں براہ راست کمانڈ کی ذمہ داری کا دعویٰ کیا گیا ہے۔
ان مقدمات میں ایک طالبعلم ابو سعید کا قتل، چنکھر پل اور اشولیہ میں اجتماعی ہلاکتیں شامل ہیں۔
شیخ حسینہ کے وکیل امیر حسین کا کہنا ہے کہ ان کی موکلہ "مکمل قانونی دلائل کے ساتھ اپنی بے گناہی ثابت کریں گی۔"
.
ذریعہ: Express News
پڑھیں:
بنگلہ دیش نے دوسرا ٹی ٹوئنٹی بھی جیت کر سیریز اپنے نام کر لی
data-id="863a0a8" data-element_type="widget" data-widget_type="theme-post-content.default">
شارجہ: بنگلادیش نے افغانستان کو دوسرے ٹی ٹوئنٹی میچ میں بھی شکست دے کر تین میچز کی سیریز میں 0-2 کی فیصلہ کن برتری حاصل کر لی۔
شارجہ کرکٹ اسٹیڈیم میں کھیلے گئے سیریز کے دوسرے ٹی20 میچ میں افغانستان نے بنگلادیش کے خلاف پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 147 رنز بنائے تھے۔
افغانستان کی جانب سے ابراہیم زادران 38 رنز اور رحمان اللہ گُرباز 30 رنز بنا کر نمایاں بلے باز رہے۔ بنگلادیش کی طرف سے نسوم احمد اور رشاد حسین نے دو، دو کھلاڑیوں کو آؤٹ کیا، جبکہ شورفُل الاسلام نے ایک وکٹ اپنے نام کی۔
ہدف کے تعاقب میں بنگلادیش نے سنسنی خیز مقابلے کے بعد آخری اوور کی پہلی گیند پر 148 رنز کا ہدف آٹھ وکٹوں کے نقصان پر مکمل کیا۔ بیٹنگ لائن میں شمیم حسین 33، ذاکر علی 32 اور نورالحسن ناقابلِ شکست 31 رنز بنا کر ٹیم کی کامیابی میں کلیدی کردار ادا کیا۔
افغانستان کی جانب سے عظمت اللہ عمرزئی نے چار وکٹیں حاصل کیں، جبکہ راشد خان نے دو اور مجیب الرحمان و نور احمد نے ایک، ایک وکٹ اپنے نام کی۔
اس سے قبل بنگلادیش کے کپتان جاکر علی نے ٹاس جیتنے کے بعد افغانستان کو بیٹنگ کی دعوت دی، ٹاس کے بعد کئی گئی گفتگو میں جاکر علی نے کہا کہ شارجہ کی پچ پر ابتدا میں گیند بازوں کو مدد مل سکتی ہے، اس لیے ٹیم نے مخالف بلے بازوں پر دباؤ ڈالنے کے لیے پہلے فیلڈنگ کا فیصلہ کیا۔
یاد رہے کہ بنگلادیش نے پہلے ٹی ٹوئنٹی میں بھی افغانستان کو چار وکٹوں سے شکست دی تھی۔
بنگلادیش اور افغانستان کے درمیان تین میچوں پر مشتمل ٹی ٹوئنٹی سیریز کا تیسرا اور آخری میچ اتوار کو کھیلا جائے گا۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری