مختلف شہروں میں بارش کی پیشگوئی، پنجاب کے بیشتر اضلاع میں موسم گرم رہے گا
اشاعت کی تاریخ: 2nd, July 2025 GMT
لاہور:
لاہور: محکمہ موسمیات نے کہا ہے کہ بدھ اور جمعرات کے روز کشمیر، اسلام آباد، بالائی پنجاب اور بالائی خیبرپختونخوا میں تیز ہواؤں اور گرج چمک کے ساتھ بارش کا امکان ہے، جبکہ بعض مقامات پر موسلادھار بارش بھی ہو سکتی ہے۔
محکمہ موسمیات کے مطابق جنوبی پنجاب، جنوب مشرقی سندھ اور جنوبی بلوچستان میں بھی چند علاقوں میں تیز ہواؤں اور گرج چمک کے ساتھ بارش کی پیشگوئی کی گئی ہے۔ ان دنوں کے دوران ملک کے دیگر حصوں میں موسم گرم اور مرطوب رہنے کا امکان ظاہر کیا گیا ہے۔
پنجاب کے بیشتر اضلاع میں آج موسم گرم اور مرطوب رہے گا تاہم مری، گلیات، راولپنڈی، جہلم، اٹک، چکوال، گجرات، گوجرانوالہ، سیالکوٹ، لاہور، ساہیوال، پاکپتن، ڈیرہ غازی خان، بہاولنگر، بہاولپور، بھکر اور گردونواح میں کہیں کہیں گرج چمک اور تیز ہواؤں کے ساتھ بارش متوقع ہے۔
محکمہ موسمیات کے مطابق گزشتہ 24 گھنٹوں کے دوران اسلام آباد، بالائی پنجاب، بالائی خیبرپختونخوا، کشمیر اور ژوب میں مختلف مقامات پر گرج چمک اور تیز ہواؤں کے ساتھ بارش ہوئی، جبکہ چند علاقوں میں موسلادھار بارش ریکارڈ کی گئی۔
پنجاب میں سب سے زیادہ بارش مری میں 48 ملی میٹر ریکارڈ کی گئی۔ دیگر مقامات پر بارش کی تفصیل درج ذیل ہے۔
اسلام آباد ایئرپورٹ 29، سیدپور 9، گولڑہ 4، بوکرا 3، زیرو پوائنٹ 2 ملی میٹر، راولپنڈی میں چکلالہ پر 18، کچہری 11، پیرودھائی 5 ملی میٹر، اٹک 14، جہلم 7 اور گوجرانوالہ میں ایک ملی میٹر بارش ریکارڈ کی گئی۔
خیبرپختونخوا میں تخت بائی 38، کاکول 17، لوئر دیر 8، چراٹ 4، سیدو شریف میں 1 ملی میٹر بارش ہوئی۔ کشمیر میں مظفرآباد (ایئرپورٹ 13، سٹی 12)، راولا کوٹ 3 ملی میٹر بارش ہوئی۔
بلوچستان کے علاقے ژوب میں 12 ملی میٹر بارش ریکارڈ کی گئی۔
سب سے زیادہ درجہ حرارت نوکنڈی میں رہا
دریں اثنا گزشتہ روز ملک میں سب سے زیادہ درجہ حرارت نوکنڈی میں 46 ڈگری سینٹی گریڈ ریکارڈ کیا گیا، جبکہ دالبندین میں 45، دادو، موہنجوداڑو، سبی اور چلاس میں 44 ڈگری سینٹی گریڈ رہا۔
.ذریعہ: Express News
کلیدی لفظ: ریکارڈ کی گئی ملی میٹر بارش کے ساتھ بارش تیز ہواو ں
پڑھیں:
محکمہ موسمیات کی جمادی الثانی 1447ھ کے چاند سے متعلق پیشگوئی
محکمہ موسمیات نے جمادی الثانی 1447 ہجری کے چاند سے متعلق پیشگوئی کر دی۔محکمہ موسمیات کے مطابق جمادی الثانی کا چاند 20 نومبر کو صبح 11 بج کر 47 منٹ پر پیدا ہوگا، رویتِ ہلال کے امکانات 21 نومبر کی شام واضح قرار دیئے گئے، غروبِ آفتاب کے وقت چاند کی عمر تقریباً 30 گھنٹے 21 منٹ ہوگی۔چاند کی بلندی 5 درجے اور سمت 238 ڈگری رہے گی، غروبِ آفتاب کے بعد چاند 35 منٹ تک افق پر موجود رہے گا، چاند کی روشنی 1.58 فیصد ریکارڈ، نظر آنے کے امکانات قوی ہیں۔محکمہ موسمیات کا کہنا ہے کہ مطلع جزوی ابر آلود یا صاف رہنے کا امکان ہے، موسم سازگار رہا تو چاند بآسانی دیکھا جا سکے گا، چاند نظر آنے کی صورت میں یکم جمادی الثانی 22 نومبر کو متوقع ہے۔
ورجینیا میں نائب گورنر کا الیکشن، غزالہ ہاشمی توجہ کا مرکز