ٹرانسفارمر کی تبدیلی حیسکو کی ذمے داری، کسی کو رقم ادا نہ کریں،ترجمان
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت )حیسکو کے ترجمان ثاقب کمبھار نے کہا ہے کہ ٹرانسفارمر کے جلنے یا خراب ہونے کی صورت میں نیا ٹرانسفارمر فراہم کرنا حیسکو کی مکمل ذمے داری ہے، اس مقصد کے لیے صارفین کو ہرگز کوئی رقم ادا کرنے کی ضرورت نہیں۔ انہوں نے کہا کہ اگر کسی بھی علاقہ میں ٹرانسفارمر خراب ہو جائے یا جل جائے تو حیسکو کا مقامی عملہ چند گھنٹوں میں متبادل ٹرانسفارمر نصب کرنے کا پابند ہے۔ یہ بات انہوں نے حیسکو صارفین کے نام جاری کردہ ایک اہم پیغام میں کہی ترجمان نے واضح کیا کہ حیسکو چیف حیدرآباد کی جانب سے سخت ہدایات جاری کی گئی ہیں کہ صارفین کے تمام مسائل فوری طور پر حل کیے جائیں، اور کسی بھی ملازم کی جانب سے رشوت یا پیسے طلب کرنے کی شکایت سامنے آنے پر فوری کارروائی کی جائے گی انھو ںنے کہا کہ اگر کوئی حیسکو ملازم صارفین سے ٹرانسفارمر کی مرمت یا تبدیلی کے بدلے میں رقم طلب کرے تو فوراً حیسکو کو اطلاع دی جائے تاکہ ایسے عناصر کے خلاف کارروائی کی جا سکے انہوں نے خبردار کیا کہ ٹرانسفارمرکوپرائیویٹ بنانا ایک جرم ہے، اور اگر کوئی فرد یا گروہ ایسا عمل کرے تو اس کی اطلاع بھی فوری طور پر متعلقہ حکام کو دی جائے تاکہ قانونی کارروائی عمل میں لائی جا سکے ترجمان نے حیسکو عملے کو بھی متنبہ کیا کہ کسی بھی علاقے میں بجلی کی فراہمی میں تعطل کی صورت میں فوری ردعمل دینا ان کی پیشہ ورانہ ذمے داری ہے، اور اس میں کسی بھی قسم کی کوتاہی یا تاخیر ناقابل برداشت ہوگی انھوںنے صارفین پر زور دیا کہ وہ بجلی چوری جیسے جرم کی حوصلہ شکنی کریںانہوں نے کہا کہ اگر کوئی شخص یا ملازم بجلی چوری میں ملوث پایا گیا، تو اس کے خلاف قانون کے مطابق سخت کارروائی کی جائے گی۔انہوں نے صارفین سے اپیل کی کہ وہ حیسکو کے ساتھ تعاون کرتے ہوئے کسی بھی غیر قانونی سرگرمی کی اطلاع فوری طور پر دیں۔
.ذریعہ: Jasarat News
کلیدی لفظ: انہوں نے کسی بھی نے کہا
پڑھیں:
بالائی علاقوں میں سیلاب کی تباہ کاریوں سے فوری نمٹا جائے، علامہ شبیر میثمی
ایک بیان میں مرکزی رہنما ایس یو سی نے کہا کہ متعلقہ صوبائی و مرکزی اداروں کو چاہیے کہ وہ امدادی سرگرمیوں کو تیز تر کرتے ہوئے متاثرہ افراد کی مدد اور بحالی کے لیے ہر ممکن اقدامات کریں، زخمیوں اور کھلے آسمان تلے موجود افراد کو فوری اور معیاری طبی سہولتیں ودیگر امدادی سامان فراہم کیا جائے تاکہ مزید نقصان سے بچا جا سکے اسلام ٹائمز۔ شیعہ علماء کونسل پاگستان کے مرکزی سیکرٹری جنرل علامہ ڈاکٹر شبیر حسن میثمی نے کہا ہے کہ گلگت بلتستان، مالا کنڈ ڈویژن اور آزاد کشمیر سمیت ملک کے بالائی علاقوں میں بارشوں اور سیلاب سے قیمتی جانوں کے ضیاع پر گہرے افسوس کا اظہار کرتے ہیں، قدرتی آفت میں جاں بحق ہونے والے تمام افراد کے خاندانوں سے دلی ہمدردی و تعزیت اور متاثرہ لواحقین کے لیے صبر جمیل کی دعا کرتے ہیں۔ ایک بیان میں مرکزی رہنما ایس یو سی نے کہا کہ متعلقہ صوبائی و مرکزی اداروں کو چاہیے کہ وہ امدادی سرگرمیوں کو تیز تر کرتے ہوئے متاثرہ افراد کی مدد اور بحالی کے لیے ہر ممکن اقدامات کریں، زخمیوں اور کھلے آسمان تلے موجود افراد کو فوری اور معیاری طبی سہولتیں ودیگر امدادی سامان فراہم کیا جائے تاکہ مزید نقصان سے بچا جا سکے، حکومت اور مخیر حضرات اس مشکل وقت میں لوگوں کی مدد کے لیے فوری عملی اقدامات کریں اور جس قدر تباہی ہوئی ہے ان علاقوں کو آفت زدہ قرار دے کر عوامی نقصان کا ازالہ کیا جائے، بالائی علاقوں کے ساتھ ہی قبل از وقت ملک وسطی و جنوبی علاقوں میں بھی سیلاب کا خدشہ ہے جس کے لیے بروقت اقدامات اٹھانا ناگزیر ہیں۔
طبیعت ناساز، چیف جسٹس سپریم کورٹ کا اسلام آباد میں میڈیکل چیک اپ