تنہائی ہر گھنٹے 100 جانیں نگل جاتی ہے، عالمی ادارہ صحت کی چونکا دینے والی رپورٹ
اشاعت کی تاریخ: 4th, July 2025 GMT
عالمی ادارۂ صحت (ڈبلیو ایچ او) نے اپنی ایک چشم کشا رپورٹ میں انکشاف کیا ہے کہ دنیا میں ہر 6 میں سے ایک شخص تنہائی یا سماجی علیحدگی سے متاثر ہے، جس کے نتیجے میں ہر گھنٹے 100 افراد موت کے منہ میں چلے جاتے ہیں اور سالانہ یہ تعداد 8 لاکھ 71 ہزار اموات تک پہنچ چکی ہے۔
رپورٹ کے مطابق، انسان کا انسان سے تعلق محض سماجی ضرورت نہیں بلکہ بہتر صحت، ذہنی توازن اور طویل عمر کی بنیاد ہے۔ جب مطلوبہ سماجی تعلقات کم یا ختم ہو جائیں تو اکیلا پن ایک خطرناک نفسیاتی اور جسمانی کیفیت بن کر ابھرتا ہے۔
تنہائی کے مہلک اثرات: جسمانی اور ذہنی صحت پر حملہرپورٹ میں خبردار کیا گیا ہے کہ تنہائی اور سماجی کٹاؤ کی وجہ سے فالج، دل کے امراض، ذیابیطس، ذہنی انحطاط اور قبل از وقت موت کے خطرات میں اضافہ ہوتا ہے۔ ڈپریشن، صدمے اور خودکشی کے خیالات زیادہ ہوتے ہیں۔ دماغی صحت بگڑتی ہے اور سماجی اعتماد متاثر ہوتا ہے۔
تعلقات جوڑنے کے بے شمار ذرائع مگر لوگ پہلے سے زیادہ تنہاڈبلیو ایچ او کے مطابق، آج کے جدید اور باہم جُڑے ڈیجیٹل دور میں بھی انسان تنہا ہوتا جا رہا ہے۔ ادارے کے ڈائریکٹر جنرل ٹیڈروس ایڈہانوم گیبریاسس نے کہا کہ ہم تاریخ کے ایسے دور میں جی رہے ہیں جہاں تعلقات جوڑنے کے بے شمار ذرائع ہیں، مگر لوگ پہلے سے زیادہ تنہا ہیں۔
مزید پڑھیں: سفارتی تنہائی کا شکار بھارت نیا ڈرامہ کرنے جارہا ہے، نصرت جاوید نے خبردار کردیا
معاون کمشنر چیڈو مپیمبا کے مطابق، اگرچہ تنہائی ہر عمر کے افراد کو متاثر کرتی ہے، لیکن نوجوان اور کم آمدنی والے ممالک کے شہری اس کا سب سے بڑا شکار ہیں۔
نوجوان، سوشل میڈیا اور خاموش اذیترپورٹ میں اس بات پر زور دیا گیا ہے کہ نوجوان، جو گھنٹوں موبائل یا کمپیوٹر اسکرین پر وقت گزارتے ہیں، خود کو زیادہ تنہا محسوس کرتے ہیں۔ غیر متوازن ڈیجیٹل روابط، نقصان دہ آن لائن مواد اور حقیقی سماجی تعلقات کے فقدان نے ذہنی صحت پر منفی اثرات ڈالے ہیں۔
تنہائی کے خلاف عالمی مہم کی ضرورت‘تنہائی سے سماجی ربط تک: صحت مند معاشروں کی راہ کا تعین’ کے عنوان سے شائع شدہ رپورٹ میں کہا گیا ہے کہ تنہائی سے نمٹنے کے لیے پالیسی سازی، تحقیق، ٹھوس اقدامات اور عوامی شمولیت ناگزیر ہے۔ معاشروں کو ایسے سماجی ڈھانچے تشکیل دینا ہوں گے جو باہم ربط کو فروغ دیں۔
حکومتوں، کمیونٹیز اور ہر فرد کو چاہیے کہ سماجی رابطے کو صحتِ عامہ کی قومی ترجیح بنائیں۔ اکیلا پن صرف ایک احساس نہیں، بلکہ ایک خاموش وبا ہے اور اس کا علاج سماجی تعلقات میں پوشیدہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تنہائی ڈبلیو ایچ او سماجی علیحدگی عالمی ادارہ صحت.ذریعہ: WE News
کلیدی لفظ: تنہائی ڈبلیو ایچ او سماجی علیحدگی عالمی ادارہ صحت رپورٹ میں
پڑھیں:
عالمی سطح پر یہ تاثر دینے کی کوشش کی جارہی ہے کہ حکومت اور اپوزیشن کا معاملہ ہے، اصل حکمران نیوٹرل ہیں: ثقلین امام
اسلام آباد (ویب ڈیسک) پی ٹی آئی اور حکومت کے درمیان مذاکرات ایک بار پھر زیر بحث ہیں اور اسیررہنما بھی مذاکرات کی تجویز دے رہے ہیں ، اب تجزیہ نگار ثقلین امام نے کہا ہے کہ مذاکرات وہ کرے گا جس کے پاس اختیار ہے، نوازشریف ویسے ہی جرات کا مظاہرہ کرے جیسے انہوں نے جنرل باجوہ اور فیض حمید کو للکارکے کہا تھا ، آج بھی کہیں کہ عاصم منیر پیچھے ہٹو،ہم حکمران ہیں یا ڈی جی آئی ایس آئی سے کہیں کہ بوریا بسترا بندکرو ،ہم حکمران ہیں۔وہ نجی ٹی وی چینل کے پروگرام میں گفتگو کررہے تھے ۔
ثقلین امام نے مزید کہا کہ یاپھر حکومت اپنی مرضی سے ایک ٹرانسفر کرکے دکھا دے تاکہ دنیا کو پتہ چلے یہ حکمران ہیں ، اگر یہ اتنی جرات دکھاسکتے ہیں تو پی ٹی آئی کو بات کرنا پڑے گی ،آپ کے رہنمابیرون ملک جب بھی کہیں ملتے ہیں، میڈیا سے یا سیاسی شخصیات سےبات کرتے ہیں تو وہاں پاکستان کے حالات زیر بحث آتے ہیں،اپوزیشن کے رہنما بند ہیں، یہ کام تو کھل کر اشارہ ہے کہ جوحکومت کررہاہے، وہ پی ٹی آئی کو پنپنے نہیں دینا چاہتا بالخصوص عمران خان کو ۔
حکومت کا ایران و عراق جانے والے زائرین کیلئے پروازوں میں اضافے کا فیصلہ
جب بیرون ملک سوال ہوتے ہیں تو کہتے ہیں کہ مقدمات عدالت میں ہیں، ہم تو نیوٹرل ہیں، اصل حکمران نیوٹرل ہونے کا تاثر دیتے ہیں اور کہتے ہیں کہ حکومت یعنی وزیراعظم اور اپوزیشن کا معاملہ ہے ، اس لیے حکومت اور وزیراعظم ، ان کے رفقاء اور کابینہ کو اپوزیشن سے مذاکرات کرنے چاہیں، یہی تاثر عالمی سطح پر دینے کی کوشش کی جارہی ہے کہ اصل حکمران نیوٹرل ہیں۔
مزید :
بلوچستان کی رس بھری چیری دنیا بھر میں مشہور، برآمد کرنے کے لیے جدید اقدامات