امریکا: دوران پرواز بھارتی نژاد نوجوان کی ہنگامہ آرائی اور گرفتاری، وجہ کیا نکلی؟
اشاعت کی تاریخ: 4th, July 2025 GMT
امریکا میں مقامی پرواز کے دوران دوسرے مسافر پر حملہ کرنے کے الزام میں بھارتی نژاد 21 سالہ نوجوان اشان شرما کو گرفتار کر لیا گیا ہے۔ نیو جرسی کا رہائشی اشان شرما فرنٹیئر ایئر لائنز کی فلائٹ میں سوار تھا جو فلاڈیلفیا سے میامی جا رہی تھی۔
میڈیا رپورٹس کے مطابق پرواز کے دوران اشان نے اپنے پیچھے بیٹھے مسافر کیانو ایوانز پر اچانک حملہ کر دیا۔ واقعے کی ویڈیو سوشل میڈیا پر وائرل ہو چکی ہے، جس میں دیکھا جا سکتا ہے کہ اشان شرما نے بغیر کسی اشتعال کے کیانو کے گلے کو دبوچنے کی کوشش کی، اور اس پر انتہائی اشتعال انگیز اور دھمکی آمیز الفاظ کہے۔ ویڈیو میں اشان کو کہتے سنا گیا کہ تم ایک معمولی انسان ہو، تمہاری موت ممکن ہے۔
عینی شاہدین کے مطابق اشان شرما نے حملے سے قبل بلاوجہ قہقہے لگانے شروع کیے اور انتہائی عجیب رویہ اختیار کیا۔ جب کیانو نے خطرہ محسوس کرتے ہوئے ایمرجنسی بٹن دبانا چاہا تو اشان نے اس پر حملہ کر دیا۔ کیانو نے مزاحمت کرتے ہوئے خود کو بچایا، جس کے دوران اشان کو چہرے پر شدید چوٹیں آئیں اور اس کی ایک آنکھ سوج گئی۔ کیانو کو معمولی خراشیں آئیں۔ طیارے کے میامی ایئرپورٹ پر اترتے ہی سیکیورٹی اہلکاروں نے اشان شرما کو گرفتار کر لیا۔ اس پر تشدد کا مقدمہ درج کرکے اسے 500 ڈالر کے ضمانتی بانڈ پر رہا کردیا گیا۔
مزید پڑھیں: بھارتی فضاؤں پر مشکلات کے سائے برقرار، اب ایک طیارے کی کھڑکی گئی
عدالت میں اشان شرما کے وکیل نے مؤقف اختیار کیا کہ ان کا موکل ایک خاص روحانی مراقبے میں تھا اور حملے کی نیت نہیں رکھتا تھا۔ تاہم، جج نے اس دفاع کو تسلیم کرنے سے انکار کر دیا۔ دوسری جانب متاثرہ مسافر کیانو ایوانز نے کہا ہے کہ وائرل ویڈیو میں صرف مزاحمت کا حصہ دکھایا گیا ہے، جبکہ حملے کا آغاز اشان شرما نے کیا تھا۔
واقعے پر سوشل میڈیا پر شدید ردعمل سامنے آیا ہے، اور کئی صارفین نے ہوائی سفر میں مسافروں کی ذہنی حالت کی بروقت جانچ کی ضرورت پر زور دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اشان شرما امریکا بھارتی نژاد 21 سالہ نوجوان فرنٹیئر ایئر لائنز فلاڈیلفیا میامی.
ذریعہ
ذریعہ: WE News
کلیدی لفظ: امریکا فرنٹیئر ایئر لائنز فلاڈیلفیا میامی
پڑھیں:
آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد جہنم واصل
سیکیورٹی فورسز نے آپریشن العزم کے تحت مستونگ میں کامیاب کارروائی کرتے ہوئے 4 دہشت گرد جہنم واصل کردیے۔
ذرائع کے مطابق سیکیورٹی فورسز کی آپریشن العزم کے تحت بلوچستان میں دہشت گردی کیخلاف بھرپور اور مؤثر انٹیلی جنس بیسڈ کارروائیاں جاری ہیں۔ اس سلسلے میں بلوچستان میں مستونگ کےعلاقے کھڈ کوچہ میں کامیاب کارروائی کے دوران فتنۃ الہندوستان کے 4 دہشت گرد جہنم واصل کردیے گئے۔
کامیاب آپریشن کے دوران ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔ سیکیورٹی فورسز نے دہشت گردوں کے زیرِ استعمال موٹر سائیکلوں کو بھی ضبط کر لیا۔
بلوچستان آپریشن العزم: مستونگ میں بڑی کامیابی سیکیورٹی فورسز کی کارروائی میں 4 دہشت گرد ہلاکسیکیورٹی فورسز کی مؤثر کارروائی میں فتنۃ الہندوستان کے متعدد دہشت گردوں کے زخمی ہونے کی بھی مصدقہ اطلاعات ہیں جب کہ سیکیورٹی فورسز کی کارروائی کے دوران دہشتگردوں کی سہولت کاری میں ملوث متعدد مشتبہ افراد کو گرفتار بھی کیا گیا ہے۔
آپریشن کے دوران علاقے میں سرچ اور کلیئرنس کارروائیاں جاری ہیں جب کہ سیکیورٹی فورسز کی جانب سے مکمل نگرانی بھی برقرار ہے۔ حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کارروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سیکیورٹی ذرائع کا کہنا ہے کہ دہشت گردی کے خاتمے اور خطے میں امن و امان کے قیام تک سیکیورٹی فورسز کی کاروائیاں مسلسل جاری رہیں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع