عمران خان جیسی سخت قید کسی نے نہیں کاٹی، 10 محرم کے بعد تحریک شروع ہوگی، علیمہ خان
اشاعت کی تاریخ: 4th, July 2025 GMT
پاکستان تحریک انصاف کے بانی عمران خان کی ہمشیرہ علیمہ خان نے کہا ہے کہ عمران خان جس قید کا سامنا کر رہے ہیں وہ پاکستان کی تاریخ میں کسی نے نہیں کی۔ راولپنڈی کی انسداد دہشتگردی عدالت کے باہر میڈیا سے گفتگو کرتے ہوئے ان کا کہنا تھا کہ عمران خان 22 گھنٹے ایک ہی سیل میں رہتے ہیں اور ان کے لیے تمام بنیادی سہولیات ختم کر دی گئی ہیں، یہاں تک کہ کتابوں تک کی رسائی بھی بند کر دی گئی ہے جبکہ بچوں سے ملاقات کی اجازت بھی نہیں دی جا رہی انہوں نے کہا کہ عمران خان کو عام قیدیوں سے زیادہ سخت حالات میں رکھا گیا ہے اور ان جیسی قید پہلے کسی سیاسی رہنما نے نہیں کاٹی۔ علیمہ خان نے الزام لگایا کہ پنجاب میں تحریک انصاف کے 26 ایم پی ایز کو ڈی سیٹ کر کے ان کی نشستیں مسلم لیگ ن کے سربراہ نواز شریف کو دی جا رہی ہیں تاکہ سیاسی فائدہ حاصل کیا جا سکے ان کا مزید کہنا تھا کہ عمران خان نے اپنی جماعت کو تحریک کے آغاز کے لیے اہم ہدایات جاری کر دی ہیں اور طے شدہ پلان کے مطابق 10 محرم کے بعد باقاعدہ تحریک کا آغاز کیا جائے گا۔ علیمہ خان نے انکشاف کیا کہ عمران خان نے 27ویں آئینی ترمیم کے حوالے سے بھی کہا ہے کہ اس کی ضرورت ہی نہیں بلکہ عوام کو بغیر ترمیم کے بھی اصل صورتحال سے آگاہ کیا جا سکتا ہے۔
.ذریعہ: Nawaiwaqt
کلیدی لفظ: کہ عمران خان علیمہ خان
پڑھیں:
عمران خان کو خیبرپختونخوا حکومت نے نہیں، پورے سسٹم نے مائنس کیا، علیمہ خان
سابق وزیراعظم عمران خان کی بہن علیمہ خان نے کہا ہے کہ عمران خان کو مائنس خیبرپختونخوا حکومت نے نہیں، اس پورے سسٹم نے کیا ہے۔
سابق وزیراعظم اور بانی چیئرمین پاکستان تحریک انصاف عمران خان کی ہمشیرہ علیمہ خان نے اڈیالہ جیل سے باہر میڈیا سے گفتگو کرتے ہوئے کہا ہے کہ عمران خان کو مائنس خیبرپختونخوا حکومت نے نہیں، اِس پورے سسٹم نے کیا ہے، اُنہیں بالکل تنہائی میں ڈال دیا گیا ہے،کسی سے ملنے نہیں دیا جا رہا، مشاورتی ٹیم سے نہیں ملنے دیا جارہا، حتیٰ کہ سیاسی لوگوں کو عمران خان سے نہیں ملنے دیا جارہا ہے، یہ مائنس نہیں تو اور کیا ہے، یہ کسی کو نظر نہیں آ رہا؟
یہ بھی پڑھیں عمران خان کو مائنس کیا جارہا ہے، علی امین گنڈاپور ایم پی ایز کو لے کر اڈیالہ کے باہر بیٹھ جائیں، علیمہ خان
انہوں نے کہا کہ مائنس عمران خان والے میرے بیان سے کسی کو کوئی خطرہ نہیں ہوا اور نہ ہی ہوسکتا ہے۔جہاں تک بجٹ کی بات ہے، عمران خان نے کہا تھا کہ آپ لوگوں کو بہت پہلے ہی بجٹ ڈسکس کرلینا چاہیے تھا۔اس کے لیے آپ ہر حربہ استعمال کرتے۔ انہیں کہتے ہیں کہ میرے ساتھ بات کرنا بہت ضروری ہے کیونکہ یہ آئی ایم ایف کی شرط ہے کہ پارٹی سربراہ کی منظوری کے بغیر بجٹ پاس نہیں کیا جائے گا۔
یہ بھی پڑھیے علی امین گنڈاپور بمقابلہ علیمہ خان: آخر اختلافات کی وجہ کیا ہے؟
علیمہ خان نے کہا کہ ہم صرف پارٹی کو مشورہ دے سکتے ہیں۔ ہم سارا دن عمران خان کی بات کرتے ہیں۔ جب عمران خان کوئی ہدایت دیتے ہیں تو ہم وہ پیغام آگے پہنچا دیتے ہیں۔ انہوں نے کہا کہ ہم چاہ رہے ہیں کہ پاکستانی قوم عمران خان کو نہ بھولے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف علیمہ خان عمران خان
کرکٹ اور شاعری