پاکستان نے مالدیپ کو شکست دی کر ایشین یوتھ گرلز نیٹ بال چیمپیئن شپ کا ٹائٹل اپنے نام کرلیا
اشاعت کی تاریخ: 4th, July 2025 GMT
جنوبی کوریا کے شہر جن جو میں ہونے والے ایشین یوتھ گرلز نیٹ بال چیمپیئن شپ 2025 کے فائنل میں پاکستان نے شاندار کھیل پیش کرتے ہوئے مالدیپ کو 35 کے مقابلے میں 60 گولز سے شکست دے کر ٹائٹل اپنے نام کرلیا۔
یہ فیصلہ کن مقابلہ ہواسن جمنازیم میں کھیلا گیا، جہاں پاکستانی ٹیم نے آغاز سے ہی مکمل برتری حاصل کی اور پورے میچ کے دوران اپنی سبقت برقرار رکھی۔
میچ کے پہلے کوارٹر کے اختتام پر پاکستان نے 5 کے مقابلے میں 17 گول کر کے واضح برتری حاصل کر لی تھی۔ ہاف ٹائم تک اس برتری میں مزید اضافہ ہوا اور اسکور 34-17 تک پہنچ گیا، تیسرے کوارٹر کے اختتام پر پاکستان کا پلڑا 45-23 کے اسکور کے ساتھ مزید بھاری ہو چکا تھا۔
یہ بھی پڑھیں:
جب آخری سیٹی بجی تو اسکور بورڈ پر پاکستان کے 60 اور مالدیپ کے 35 پوائنٹس درج تھے، یوں پاکستان نے بڑے مارجن سے فائنل جیت کر چیمپیئن شپ اپنے نام کی۔
اس شاندار کامیابی میں کئی کھلاڑیوں نے نمایاں کارکردگی کا مظاہرہ کیا، لیہ رضا شاہ، علیشہ نوید، سمیہ کوثر، حلیمہ، جاسمین فاروق، ایک اور نمایاں کھلاڑی جس کا نام بھی سمیہ ہے، علینہ، امانی، پریسا اور فراح رشید نے فائنل میں بہترین کھیل پیش کیا اور ٹیم کو فتح دلانے میں کلیدی کردار ادا کیا۔
پاکستان نیٹ بال فیڈریشن کے چیئرمین مدثر آریان، صدر ثمین ملک اور سیکریٹری جنرل محمد ریاض نے ٹیم کو اس تاریخی فتح پر مبارکباد پیش کی اور کھلاڑیوں کے عزم و جذبے کو سراہا، ان کا کہنا تھا کہ یہ جیت نہ صرف نیٹ بال کے کھیل میں پاکستان کی ترقی کا مظہر ہے بلکہ یہ نوجوان کھلاڑیوں کے لیے ایک حوصلہ افزا سنگِ میل بھی ہے۔
مزید پڑھیں:
یہ ٹورنامنٹ ایشین نیٹ بال فیڈریشن کے زیر اہتمام 27 جون سے 4 جولائی 2025 تک منعقد ہوا، جس میں پاکستان نے ابتدا سے ہی شاندار کارکردگی کا مظاہرہ کیا۔
اپنے پہلے میچ میں پاکستان نے سعودی عرب کو 15 کے مقابلے میں 71 گولز سے شکست دی، دوسرے میچ میں چائنیز تائپے کو 32 کے مقابلے میں 56 پوائنٹس سے ہرایا۔
تیسرے گروپ میچ میں پاکستان نے میزبان جنوبی کوریا کو 6 کے مقابلے میں 91 گولز سے عبرتناک شکست دی، جبکہ چوتھے میچ میں جاپان کے خلاف بھی 39 کے مقابلے میں 79 پوائنٹس کے ساتھ ایک اور یکطرفہ فتح حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشین نیٹ بال فیڈریشن پاکستان جنوبی کوریا مالدیپ.
ذریعہ
ذریعہ: WE News
کلیدی لفظ: پاکستان جنوبی کوریا مالدیپ میں پاکستان نے کے مقابلے میں میچ میں نیٹ بال
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
بھارت سے جنگ اور افغانستان میں کارروائی خارج ازامکان نہیں، وزیردفاع