نواز شریف کی عمران خان سے اڈیالہ جیل میں ملاقات کی خبریں بے بنیاد، عرفان صدیقی کی تردید
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: مسلم لیگ (ن) کے سینئر رہنما اور سینیٹ میں پارلیمانی لیڈر سینیٹر عرفان صدیقی نے نواز شریف کی جانب سے عمران خان سے اڈیالہ جیل میں ملاقات کے لیے جانے کی خبروں کو سراسر بے بنیاد، لغو اور بے وزن قرار دیتے ہوئے کہا کہ نواز شریف کا جیل جانے کا کوئی ارادہ نہیں اور نہ ہی پارٹی سطح پر ایسی کوئی بات زیر غور آئی ہے۔
میڈیا سے گفتگو کرتے ہوئے عرفان صدیقی کا کہنا تھا کہ نواز شریف پہلے بھی کئی بار اڈیالہ جیل جا چکے ہیں، وہ وہاں بے گناہی کے جرم میں قید کاٹ چکے ہیں، ان کا اب دوبارہ جیل جانے کا کوئی مقصد نہیں بنتا۔
انہوں نے میڈیا پر گردش کرنے والی افواہوں کا حوالہ دیتے ہوئے کہا کہ ’’کچھ معتبر صحافیوں نے بغیر کسی ٹھوس بنیاد کے یہ تاثر دیا کہ نواز شریف عمران خان سے ملاقات کے لیے اڈیالہ جیل جا رہے ہیں لیکن یہ نہیں بتایا کہ وہ ملاقات کس ایجنڈے پر کریں گے؟ وہ کیا لینے یا دینے جا رہے ہیں؟
عرفان صدیقی نے کہاکہ کیا ملک عمران خان کے بغیر نہیں چل رہا؟ کیا معیشت ان کے بغیر تباہ ہو رہی ہے؟ کیا عالمی تعلقات خراب ہو گئے؟ یا کیا ہم ان کے بغیر بھارت سے جنگ ہار گئے؟عمران خان کی موجودہ سیاسی حالات میں کوئی حیثیت نہیں رہی، وہ اپنے اعمال کی سزا بھگت رہے ہیں۔
انہوں نے مزید کہا کہ یہ افواہیں ان ہی گوشوں سے نکلی ہیں جو پی ٹی آئی کے کارکنوں اور حامیوں کو کسی نہ کسی طرح کا سہارا دینا چاہتے ہیں، ایسا بیانیہ گھڑا جا رہا ہے جیسے خان صاحب اتنے بااثر ہیں کہ انہیں منانے نواز شریف کو خود آنا پڑ رہا ہے، یہ سراسر بے بنیاد دعویٰ ہے۔
سینیٹر عرفان صدیقی نے پی ٹی آئی کے اندرونی تضادات کی طرف اشارہ کرتے ہوئے کہا کہ ان کے کچھ رہنما مذاکرات چاہتے ہیں لیکن عمران خان خود بات چیت سے انکاری ہیں، وہ کہتے ہیں کہ فارم 47 والوں سے بات نہیں ہو سکتی، تو پہلے وہ اپنے اندر اتحاد پیدا کریں، پھر ہم سے کوئی بات کریں۔
واضح رہے کہ گزشتہ چند روز سے سوشل میڈیا پر یہ دعویٰ گردش کر رہا تھا کہ سابق وزیراعظم نواز شریف جلد اڈیالہ جیل میں قید عمران خان سے ملاقات کریں گے تاکہ موجودہ سیاسی تناؤ کو کم کیا جا سکے، مسلم لیگ (ن) اور پی ٹی آئی دونوں جانب سے اس کی واضح تردید آ چکی ہے۔
.ذریعہ: Jasarat News
کلیدی لفظ: عرفان صدیقی اڈیالہ جیل نواز شریف کہا کہ جیل جا
پڑھیں:
کوئی شک نہیں ملک کا دفاع مضبوط ہاتھوں میں ہے، وزیراعظم
حکومت نے ملک کو مشکل ترین حالات سے نکال کر درست سمت میں ڈال دیا، شہباز شریف
سپہ سالار سید عاصم منیر اور افواج پاکستان نے ملک دشمنوں کو ناکوں چنے چبوا کر مورال بلند کیا
وزیراعظم شہباز شریف کا کہنا ہے کہ حکومت نے ملک کو مشکل ترین حالات سے نکال کر درست سمت میں ڈال دیا ہے۔ تفصیلات کے مطابق وزیر اعظم پاکستان میاں محمد شہباز شریف سے پارلیمانی سیکرٹری برائے دفاع و ہوا بازی محترمہ زیب جعفر نے ملاقات کی، ملاقات میں پارلیمانی امور، دفاعی اور ہوابازی کے شعبوں پر تفصیلی تبادلہ خیال کیا گیا، اس موقع پر وزیراعظم شہباز شریف نے کہا کہ ملک کی اکانومی اور معیشت کامیابوں کی جانب گامزن ہے، ملک سے مہنگائی، غربت اور بے روزگاری کے خاتمے کیلئے حکومت تمام تر وسائل بروئے کار لارہی ہے۔انہوں نے کہا کہ کوئی شک نہیں ملک کا دفاع مضبوط ہاتھوں میں ہے، سپہ سالار سید عاصم منیر اور افواج پاکستان نے ملک دشمنوں کو ناکوں چنے چبوا کر قوم کا مورال بلند کیا ہے، آپریشن بنیان المرصوص کا نام سن آج بھی ہمسایوں کی چیخیں نکل جاتی ہیں، عالمی برادری پاکستان آرمی، ایٔر فورس سمیت افواج پاکستان کی گرویدہ ہوچکی ہے۔شہباز شریف نے مزید یہ بھی کہا کہ دنیا اعتراف کرتی ہے کہ پاکستان دنیا کا واحد ملک ہے جن کا دفاعی نظام مؤثر ترین ہے، اس وقت حکومت کا فوکس ملک کی ترقی اور خوشحالی ہے جس پر حکومت تیزی سے کام کر رہی ہے، پاکستان مسلم لیگ ن ملک کی ترقی، خوشحالی کا دوسرا نام ہے، حکومت نے ملک کو مشکل ترین حالات سے نکال کر درست سمت میں ڈال دیا ہے۔
سوشل میڈیا پرکراچی سے متعلق گردش کرنیوالا سیکیورٹی الرٹ جعلی ہے، محکمہ داخلہ سندھ