فضل الرحمن سے مولانا اجمل قادری کی ملاقات، سیاسی صورتحال پر گفتگو
اشاعت کی تاریخ: 5th, July 2025 GMT
لاہور(خصوصی نامہ نگار ) جمعیت علماء اسلام ف کے سربراہ مولانا فضل الرحمن سے مرکزی جمعیت علماء اسلام پاکستان کے مرکزی صدر مولانا محمد اجمل قادری نے جامعہ مدینہ جدید لاہور میں ملاقات کی، اس موقع پر دونوں رہنماؤں کا کہنا تھا کہ ایک عالم دین کی موت جہان کی موت ہے مرحوم انتہائی نیک دل انسان تھے،ان کے انتقال سے پیدا ہونے والا خلا کئی سالوں تک پر نہیں ہو سکے گا،دونوں رہنماؤں نے جے یو آئی پنجاب کے امیر مولانا محمود میاں کے انتقال پران کے لواحقین سے تعزیت کی اور مرحوم کے لئے درجات کی بلندی اور مغفرت اور لواحقین کے لئے صبر کی دعا کی۔مولانا فضل الرحمن اور مولانا محمد اجمل قادری نے ملاقات کے دوران ملکی سیاسی صورتحال پر بھی بات چیت کی،اور ملک میں امن و امان کی صورتحال اور حکومتی معاشی پایسیوں پر عدم اطمینان کا اظہار کیا۔ دونوں رہنماؤں کا مزید کہنا تھا کہ حکومت اب تک عوام کو ریلیف دینے میں مکمل طور پر ناکام ہے مہنگائی سے عوام خود کشیاں کررہے ہیں،لیکن حکمرانوں کواپنی عیاشیوں سے ہی فرست نہیں۔
.ذریعہ: Nawaiwaqt
پڑھیں:
امیر جمعیت علماء اسلام پنجاب مولانا سید محمود میاں انتقال گئے
سٹی42: جمعیت علماء اسلام پنجاب کے امیر ممتاز عالم دین اور جامعہ مدنیہ جدید رائیونڈ روڈ کے مہتمم مولانا سید محمود میاں طویل علالت کے بعد انتقال کر گئے۔
ان کی نماز جنازہ آج صبح 10 بجے جامعہ مدنیہ جدید رائیونڈ روڈ لاہور میں ادا کی جائے گی۔
مولاناسیدمحمودمیاں کےوالدمولانا سید حامدمیاں جےیوآئی کے مرکزی امیر رہ چکے ہیں،مولانا سید محمود میاں کے دادا مولاناسیدمحمدمیاں جمعیت علماء ھند کے مرکزی ناظم رہے ہیں،مولانا سید محمود میاں کے دادا مدرسہ شاہی مراد آباد انڈیا میں مولانامفتی محمود کے استاذ بھی تھے۔
سپریم کورٹ کے حکم پر مخصوص نشستیں بحال، نوٹیفکیشن جاری
فیفا کلب ورلڈ کپ 2025: چیلسی نے بینفیکا کو 1-4 سے شکست دے کر کوارٹر فائنل میں جگہ بنالی