یومِ عاشور ہمیں قربانی اور حق گوئی کا پیغام دیتا ہے، صدر اور وزیراعظم کے خصوصی پیغامات
اشاعت کی تاریخ: 6th, July 2025 GMT
یومِ عاشور ہمیں قربانی اور حق گوئی کا پیغام دیتا ہے، صدر اور وزیراعظم کے خصوصی پیغامات WhatsAppFacebookTwitter 0 6 July, 2025 سب نیوز
اسلام آباد (آئی پی ایس) یومِ عاشور 1447ھ کے موقع پر صدرِ مملکت آصف علی زرداری اور وزیراعظم محمد شہباز شریف نے قوم کے نام اپنے الگ الگ پیغامات میں حضرت امام حسین رضی اللہ تعالیٰ عنہ اور ان کے جانثار ساتھیوں کی عظیم قربانی کو خراجِ عقیدت پیش کیا ہے اور اسے پوری امتِ مسلمہ کا مشترکہ سرمایہ قرار دیا ہے۔
صدرِ مملکت آصف علی زرداری نے کہا کہ یومِ عاشور ہمیں قربانی، حق گوئی اور عزم و استقلال کا پیغام دیتا ہے۔ یہ دن امام حسینؓ اور ان کے رفقا کی عظیم شہادت کی یاد دلاتا ہے، جنہوں نے باطل قوتوں کے خلاف استقامت کی ایسی مثال قائم کی جو رہتی دنیا تک حق کے متلاشی انسانوں کو راستہ دکھاتی رہے گی۔ کربلا کی داستان صبر، وفا اور ایثار کا وہ درخشاں باب ہے جو ہر دور کے اندھیروں میں روشنی کا چراغ بن کر رہنمائی کرتا ہے۔
وزیراعظم شہباز شریف نے اپنے پیغام میں کہا کہ یومِ عاشور تاریخ اسلام کا ایک عظیم اور سبق آموز دن ہے، جو ہمیں اصولوں پر ڈٹے رہنے، سچائی کے لیے قربانی دینے اور عدل کے قیام کی عظیم مثال عطا کرتا ہے۔ انہوں نے کہا کہ حضرت امام حسینؓ اور ان کے رفقا نے میدانِ کربلا میں دین کی سر بلندی اور انسانی وقار کے تحفظ کے لیے اپنی جانوں کا نذرانہ دیا، لیکن باطل کے سامنے سر نہیں جھکایا۔
وزیراعظم نے زور دیا کہ امام حسینؓ کا پیغام کسی ایک زمانے یا قوم تک محدود نہیں، بلکہ وہ ایک ہمہ گیر اور دائمی پیغام ہے جو آج بھی ہمیں یہ درس دیتا ہے کہ مسلمان حق کے لیے ڈٹ کر کھڑا ہوتا ہے، مظلوم کا ساتھ دیتا ہے، اور ہر حال میں انصاف کی حمایت کرتا ہے۔ انہوں نے کہا کہ آج جب قوم کو معاشی، سماجی اور قومی اتحاد جیسے چیلنجز کا سامنا ہے، ہمیں امام حسینؓ کی سیرت سے رہنمائی لینے کی پہلے سے کہیں زیادہ ضرورت ہے۔
انہوں نے کہا کہ اگر ہم کربلا کی روشنی میں انفرادی و اجتماعی طور پر اپنی زندگیوں کا جائزہ لیں، تو پاکستان کو ایک فلاحی، بااصول اور باوقار ریاست بنایا جا سکتا ہے۔ وزیراعظم نے زور دیا کہ ہمیں اپنے معاشرے کو محبت، رواداری اور خیر خواہی کا گہوارہ بنانا ہوگا۔
یوم عاشور کے موقع پر وزیراعظم نے قوم سے اپیل کی کہ وہ ظلم کے خلاف آواز بلند کریں، حق و صداقت کو اپنا شعار بنائیں اور ملک میں امن و انصاف کے قیام کے لیے عملی کردار ادا کریں۔
آخر میں وزیراعظم نے دعا کی کہ اللہ تعالیٰ پاکستان کو امن، اتحاد اور ترقی کی راہ پر گامزن رکھے، ملک کو داخلی و خارجی فتنوں سے محفوظ فرمائے اور ہمیں وہ دانش و حکمت عطا کرے جس سے ہم ایک روشن، مستحکم اور باوقار مستقبل کی طرف بڑھ سکیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآپریشن سندور میں ہلاک بھارتی فوجیوں کو اعزازات دینے کا اعلان، شکست خوردہ بھارت کا جانی نقصان سامنے آگیا آپریشن سندور میں ہلاک بھارتی فوجیوں کو اعزازات دینے کا اعلان، شکست خوردہ بھارت کا جانی نقصان سامنے آگیا نیتن یاہو کی جنگ بندی پر مشروط آمادگی، مذاکرات کے لیے قطری دعوت قبول راولپنڈی میں 250 بوسیدہ عمارتیں خطرناک قرار، میٹرو پولیٹن کا فوری انخلا کا حکم امریکی ریاست ٹیکساس میں طوفانی بارشوں نے تباہی مچا دی، 24 افراد ہلاک خیبرپختونخوا میں حکومت تبدیلی کی کوشش ہوسکتی ہے, خواجہ آصف نے عندیہ دے دیا وفاقی حکومت نے آئی ایم ایف کی ایک اور اہم شرط پوری کردیCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
پڑھیں:
خاموشی کا وقت ختم، بابر اعظم نے پیغام جاری کردیا
قومی کرکٹ ٹیم کے سابق کپتان بابر اعظم نے جنوبی افریقہ کے خلاف شاندار کارکردگی کے بعد سوشل میڈیا پر ایک جذباتی پیغام شیئر کیا ہے۔
بابر اعظم نے ایکس (سابق ٹوئٹر) پر اپنے پیغام میں لکھا کہ شکر گزار ہوں کہ میں دوبارہ وہی کر رہا ہوں جو مجھے پسند ہے، اُن سب کا شکریہ جنہوں نے خاموشی کے وقت میں مجھ پر یقین رکھا۔
Grateful to be back doing what I love ????????
Thankful for those who believed when it was quiet ???????? pic.twitter.com/OV8faTLMyS
— Babar Azam (@babarazam258) November 2, 2025
گزشتہ روز کھیلے گئے فیصلہ کن میچ میں بابر اعظم نے 47 گیندوں پر 68 رنز کی عمدہ اننگز کھیلی اور ٹیم کی کامیابی میں مرکزی کردار ادا کیا، شاندار کارکردگی پر انہیں پلیئر آف دی میچ قرار دیا گیا۔
یہ مئی 2024 کے بعد پہلا موقع تھا جب بابر اعظم نے بین الاقوامی میچ میں نصف سنچری اسکور کی، ان کی فارم میں واپسی پر مداحوں نے خوشی اور فخر کا اظہار کیا، جبکہ سوشل میڈیا پر ان کے حق میں تعریفی تبصروں کا سلسلہ جاری ہے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند