تیسری عالمی جنگ کسی بھی وقت شروع ہوسکتی ہے، نتن گڈکری
اشاعت کی تاریخ: 7th, July 2025 GMT
بھارتی وزیر نے اپنی تقریر میں سپر پاورز کی آمریت اور مطلق العنان فطرت پر براہ راست حملہ کرتے ہوئے کہا کہ ہم آہنگی اور محبت کے احساس میں کمی آرہی ہے، انسانیت کا تحفظ مشکل ہوتا جا رہا ہے۔ اسلام ٹائمز۔ ناگپور میں کتاب "بیونڈ بارڈرز" کی تقریب رونمائی کے دوران بھارتی وزیر نتن گڈکری نے عالمی تنازعات اور انسانی بحران پر شدید تشویش کا اظہار کیا۔ انہوں نے کہا کہ اس وقت دنیا میں تصادم کا ماحول ہے۔ انہوں نے کہا کہ اسرائیل اور ایران کے درمیان روس اور یوکرین کے درمیان جو کچھ ہو رہا ہے اس کے پس منظر میں کسی بھی وقت عالمی جنگ چھڑ سکتی ہے۔ نتن گڈکری نے کہا کہ آج کی جنگ صرف فوجیوں تک محدود نہیں ہے بلکہ میزائل، ڈرون اور انتہائی جدید ٹیکنالوجی کے ذریعے عام شہریوں کو براہ راست نشانہ بنایا جا رہا ہے۔
نتن گڈکری نے اپنی تقریر میں سپر پاورز کی آمریت اور مطلق العنان فطرت پر براہ راست حملہ کیا۔ انہوں نے کہا کہ ہم آہنگی اور محبت کے احساس میں کمی آرہی ہے، انسانیت کا تحفظ مشکل ہوتا جا رہا ہے، عام شہری بھی جنگ کا نشانہ بن رہے ہیں۔ میزائل حملے اب شہری بستیوں تک پہنچ چکے ہیں۔ انہوں نے کہا کہ جنگ صرف فوجی نہیں ہوتی، اب اخلاقی اور معاشرتی جنگیں بھی لڑی جا رہی ہیں۔ نتن گڈکری کا یہ بیان ایسے وقت میں آیا ہے جب مشرق وسطیٰ میں اسرائیل اور ایران اور یورپ میں روس اور یوکرین کے درمیان کشیدگی بڑھ رہی ہے۔
انہوں نے یہ بھی کہا کہ عالمی تنازع کی موجودہ صورتحال کے پیش نظر بھارت کو اپنے اسٹریٹجک نقطہ نظر پر نظرثانی کرنی چاہیئے۔ انہوں نے کہا کہ بین الاقوامی سفارت کاری میں امن کے اقدامات کو ترجیح دی جانی چاہیئے۔ انہوں نے کہا کہ ہمیں غور کرنا ہوگا کہ ہماری خارجہ پالیسی انسانیت کے تحفظ میں کس طرح مددگار ہو سکتی ہے۔ نتن گڈکری نے کہا کہ ہندوستان ہمیشہ سچائی، عدم تشدد اور امن کا پیامبر رہا ہے، ایسے میں ضروری ہے کہ بھارت عالمی فورمز پر امن اور ہم آہنگی کی کوششوں کی قیادت کرے۔
ذریعہ: Islam Times
کلیدی لفظ: انہوں نے کہا کہ رہا ہے
پڑھیں:
نوازشریف کوتو ان کی فیملی نہیں پوچھتی، عمران سے ملاقات نہیں ہوسکتی، علیمہ خان
data-id="863a0a8" data-element_type="widget" data-widget_type="theme-post-content.default">
راولپنڈی (آن لائن) بانی چیئرمین پی ٹی آئی کی بہن علیمہ خان نے کہا ہے کہ نواز شریف کی عمران خان کے ساتھ ملاقات نہیں ہو سکتی، انہیں تو ان کی فیملی نہیں پوچھتی۔کچہری میں میڈیا کے نمائندوں سے گفتگو کرتے ہوئے علیمہ خان نے کہا کہ ہمارا کام بانی کا پیغام درست انداز میں باہر دینا ہے‘ چور حکومت کے پاس کوئی اختیار نہیں ہے۔ امریکی صدر ٹرمپ نے بھی فیلڈ مارشل سے بات کی ہے۔انہوں نے کہا کہ بانی چیئرمین نے کہا کہ 10 محرم بعد تحریک شروع ہوگی، حقوق آزادی کے لیے نکلیں گے۔ بانی چیئرمین کو چھوٹے سے چکی نما کمرے میں رکھا گیا ہے جب کہ نواز شریف کی جیل میں ایک ایک سو بندوں کی ملاقاتیں کرائی جاتی تھیں‘ نواز شریف جیل نہیں ریسٹ ہاؤس میں رہ رہے تھے۔ علیمہ خان کا کہنا تھا کہ بانی پی ٹی آئی کی قید عام آدمی سے بھی سخت ہے‘ ان کی کتابیں بھی بند کر دی گئی ہیں‘ بانی چیئرمین کی قید کا مقابلہ نواز شریف کی جیل سے نہیں کیا جاسکتا‘ نواز شریف کو تو اس کی پارٹی لفٹ نہیں کرا رہی‘ نواز شریف سے بانی چیئرمین کی ملاقات نہیں ہوسکتی۔ عمران خان کی بہن علیمہ خان نے مزید کہا کہ ہمارا فوکس انٹرسٹ رُول آف لا اور بانی چیئرمین کی رہائی ہے‘ پارٹی لیڈر شپ سے بات ہوئی ہے، اس نے تحریک کا پلان تیار کرلیا ہے۔ انہوں نے مزید کہا کہ پارٹی ہائی کمان کے پلان سے ہم مطمئن ہیں، جس کا قیادت خود اعلان کرے گی۔ انہوں نے مزید کہا کہ بانی چیئرمین کے ذاتی معالجین کو 10 ماہ سے معائنے کی اجازت نہیں دی جارہی۔ قبل ازیں علیمہ خان اور عالیہ حمزہ کی عبوری ضمانت کے مقدمات کی سماعت ہوئی، جس میں عدالت نے علیمہ خان کی صادق آباد احتجاج کیس میں عبوری ضمانت میں 16 جولائی تک توسیع کردی جب کہ عالیہ حمزہ، سیمابیہ طاہر کی 26 نومبر احتجاج کیسز میں عبوری ضمانت میں 16 جولائی تک توسیع کردی گئی۔ انسداد دہشت گردی عدالت کے جج امجد علی شاہ نے مقدمات کی سماعت کی اور آئندہ تاریخ پر فریقین وکلا کو دلائل پیش کرنے کا حکم دیا۔
پاکستان میں مختلف مقامات کو نشانہ بنانے کے دوران لڑاکا طیارے کھو دیے، بھارت