عراقی سفارتخانے کے مشن کے ہیڈ عبدالقادر سلیمان کی چیئرمین سی ڈی اے سے ملاقات ، بغداد اور اسلام آبادکو سسٹر سٹی قرار دینے پر اتفاق
اشاعت کی تاریخ: 7th, July 2025 GMT
عراقی سفارتخانے کے مشن کے ہیڈ عبدالقادر سلیمان کی چیئرمین سی ڈی اے سے ملاقات ، بغداد اور اسلام آبادکو سسٹر سٹی قرار دینے پر اتفاق WhatsAppFacebookTwitter 0 7 July, 2025 سب نیوز
اسلام آباد(سب نیوز)جمہوریہ عراق کے سفارت خانے کے مشن کے ہیڈ عبدالقادر سلیمان الحمیری نے سی ڈی اے ہیڈکوارٹرز میں چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس جناب محمد علی رندھاوا سے ملاقات کی۔ ملاقات انتہائی ماحول میں ھوئی جس میں باہمی دلچسپی کے امور پر تبادلہ خیال کیا گیا۔ ملاقات میں باہمی تعاون کو فروغ دینے اور شہری سطح پر روابط استوار کرنے پر خصوصی توجہ دی گئی۔
جمہوریہ عراق کے سفارت خانے کے مشن کے سربراہ عبدالقادر سلیمان الحمیری نے کہا کہ چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس جناب محمد علی رندھاوا کی قیادت میں وفاقی دارالحکومت اسلام آباد کی ترقی، خوبصورتی اور ماحولیاتی بہتری کے لیے شاندار کاوشوں اور اقدامات کو سراہا۔ ملاقات میں بغداد اور اسلام آباد کے درمیان جڑواں شہر(سسٹر سٹی)کے معاہدے کو رسمی شکل دینے کے حوالے سے تبادلہ خیال کیا گیا۔ جمہوریہ عراق کے سفارت خانے کے مشن کے سربراہ عبدالقادر سلیمان الحمیری نے بغداد اور اسلام آباد کو جڑواں شہر قرار دینے کے لیے معاہدہ پر دستخط کرنے پر اتفاق کیا گیا۔ اس اقدام سے عوام کے درمیان پائیدار روابط، ثقافتی تبادلے، بلدیاتی سطح تک اور شہری ڈیولپمنٹ میں تعاون کو فروغ دے گا۔ معاہدہ ثقافتی ورثے کے تحفظ، بنیادی ڈھانچے کی ترقی، پبلک جگہوں کی خوبصورتی اور پائیدار شہری منصوبہ بندی میں علم و تجربات کے اشتراک جیسے شعبوں میں باہمی تعاون کی راہ ہموار کرے گا۔ جمہوریہ عراق کے سفارت خانے کے مشن کے سربراہ عبدالقادر سلیمان الحمیری نے اقتصادی، ثقافتی اور سیاحتی روابط کو مضبوط بنانے کے لیے مشترکہ اقدامات اور تجربات کا تبادلہ کرنے میں گہری دلچسپی کا اظہار کیا۔
اس موقع پر چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس جناب محمد علی رندھاوا نے عبدالقادر سلیمان الحمیری کو وزارتِ داخلہ کے وفاقی وزیر محسن نقوی کی ہدایات پر ڈپلومیٹک اینکلیو کی جدت اور اپلفٹ کے بارے میں آگاہ کیا۔ اس اقدام کا مقصد ڈپلومیٹک اینکلیو کو بین الاقوامی معیارات کے برابر لانا اور اسے سفارتی مشنوں اور ثقافتی سرگرمیوں کے لیے ایک محفوظ اور اہم مرکز کے طور پر قائم کرنا ہے۔ انہوں نے کہا کہ بین الاقوامی معیارات کے مطابق ڈپلومیٹک اینکلیو کی ترقی اور خوبصورتی کو مزید بڑھانے کے لیے معروف لینڈ اسکیپنگ ماہرین اور آرکیٹیکٹ کو شامل کیا جا رہا ہے۔ عبدالقادر سلیمان الحمیری نے ڈپلومیٹک اینکلیو کی اپلفٹ کے لیے سی ڈی اے کے اقدام کو سراہا۔ ملاقات میں چیئرمین سی ڈی اے محمد علی رندھاوا نے دونوں ملکوں کے درمیان مشترکہ اقدار، باہمی احترام اور تعاون باہمی پر مبنی عراق کے ساتھ مضبوط شراکت داری اور تعلقات کو فروغ دینے کے پاکستان کے عزم کا اعادہ کیا۔ عبدالقادر سلیمان الحمیری نے مختلف شعبوں میں شراکت کو آگے بڑھانے میں مکمل تعاون کی یقین دہانی کرائی اور دونوں دارالحکومتوں کے باہمی تعاون کے لیے اقدامات پر عملدرآمد میں سی ڈی اے کے ساتھ گہرے تعاون کے لیے عراق کی آمادگی پر زور دیا۔ ملاقات کے اختتام میں دوستی کی علامت کے طور پر، محمد علی رندھاوا نے عراق اور پاکستان کے درمیان دوطرفہ تعلقات کو مزید مضبوط کرنے کی خواہش کی عکاسی کرتے ہوئے عبدالقادر سلیمان الحمیری کو سووینیئر پیش کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآئی ایل ٹی20 سیزن 4: عالمی کرکٹ ستارے ایک بار پھر جگمگانے کو تیار وفاق کی فاٹا کیلئے بنائی گئی کمیٹی مسترد کرتے ہیں، تحریک انصاف اسرائیل بے لگام، لبنان کے شمالی، مشرقی اور جنوبی علاقوں پر فضائی حملے پیپلز پارٹی، ن لیگ یا پی ٹی آئی سب اسٹیبلشمنٹ کے مہرے ہیں، حافظ نعیم الرحمان مسلم لیگ ن کو خیبر پختونخوا سے قومی اسمبلی کی مزید دو مخصوص نشستیں ملیں گی، الیکشن کمیشن نے ترجیحی فہرست کیلئے نامزدگیاں مانگ... وفاق کے ریٹائرڈ ملازمین کیلئے پنشن میں 7فیصد اضافے کا نوٹیفکیشن جاری مقبوضہ کشمیر میں آزادی کی تحریک دبانے کیلئے مودی سرکار کے من گھڑت الزامات
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: عبدالقادر سلیمان چیئرمین سی ڈی اے بغداد اور اسلام کے مشن کے
پڑھیں:
اسلام آباد ہائیکورٹ میں پیکا ایکٹ پر بحث، سماعت غیر معینہ مدت کیلئے ملتوی
اسلام آباد(صغیر چوہدری )اسلام آباد ہائیکورٹ میں متنازعہ پیکا ترمیمی ایکٹ 2025 کو کالعدم قرار دینے کیلئے دائر درخواستوں پر جسٹس راجہ انعام آمین منہاس نے سماعت کی حکومت کی جانب سے تحریری جواب عدالت میں جمع کروادیا گیا سماعت کے آغاز پر جسٹس راجہ انعام آمین نے درخواست گزاروں کھ وکیل سے استفسار کیا کہ پہلے بیگ راونڈ بتائیں تاکہ پتا چل سکے کہ کیس کیا ہے اور اسی طرح آپ نے کوڈ آف کنڈکٹ بھی ساتھ ساتھ بتانا ہے کہ پیکا ایکٹ پہلے کیا تھا اور اب فرق کہاں پر آیا ہے ۔
ایڈووکیٹ ڈاکٹر یاسر امان خان نے دلائل کا آغاز میں کہا کہ 2016 میں پیکا ایکٹ لایا گیا،2025 ترمیمی ایکٹ میں 2016 والے ایکٹ کی کچھ شقیں نکالی گئیں اور کچھ شقوں کا اضافہ کرکے ترمیم کی گئی شامل کر دی گئیں،
جبکہ پیکا ترمیمی ایکٹ میں سوشل میڈیا کمپلینٹ کونسل کو بھی شامل کیا گیا ہے، سرکاری وکیل کینجانب سے عدالت کو بتایا گیا کہ درخواست میں صوبائی حکومتوں کو بھی فریق بنایا گیا ہے، دوران سماعت ایڈووکیٹ عمران شفیق نے عدالت کو بتایا کہ رجسٹرار آفس نے اعتراض لگایا تھا جسے دور کر دیا گیا ہے ،
درخواست کے وکیل کے دلائل جاری تھے کہ عدالت نے سماعت غیر معینہ مدت تک ملتوی کردی ۔آئندہ سماعت پر بھی درخواست گزار کے وکیل اپنے دلائل جاری رکھیں گے،
پاکستان فیڈرل یونین آف جرنلسٹس، اینکرز اور اسلام آباد ہائیکورٹ جرنلسٹس ایسوسی نے درخواستیں دائر کر رکھی ہیں صدر پی ایف یو جے افضل بٹ، سیکرٹری آر آئی یو جے آصف بشیر چودھری اور دیگر عدالت میں پیش ہوئے ۔
پاراچنار میں محرم الحرام کے دوران اہم اور حساس مقامات پر سخت چیکنگ