آئی سی سی نے جون 2025 کے لیے پلیئر آف دی منتھ کی نامزدگیوں کا اعلان کردیا
اشاعت کی تاریخ: 7th, July 2025 GMT
data-id="863a0a8" data-element_type="widget" data-widget_type="theme-post-content.default">
آئی سی سی نے جون 2025 کے لیے پلیئر آف دی منتھ کے لیے نامزد کھلاڑیوں کا اعلان کر دیا، جس میں جنوبی افریقہ کے ایڈن مارکرم اور کگیسو ربادا کے ساتھ سری لنکا کے پاتھم نسانکا بھی شامل ہیں۔
جنوبی افریقہ کے ایڈن مارکرم اور کگیسو ربادا، سری لنکا کے پاتھم نسانکا ٹیسٹ کرکٹ میں غیر معمولی کارکردگی کے باعث اس اعزاز کی دوڑ میں شامل کیے گئے ہیں۔
ایڈن مارکرم نے آئی سی سی ورلڈ ٹیسٹ چیمپئن شپ فائنل میں آسٹریلیا کے خلاف جنوبی افریقہ کی تاریخی جیت میں مرکزی کردار ادا کیا۔ 27 برس کے طویل انتظار کے بعد پروٹیز نے آئی سی سی ٹائٹل اپنے نام کیا، جس میں مارکرم کی بیٹنگ اور بولنگ دونوں ہی اہم رہیں۔ انہوں نے آف اسپن پر اسٹیو اسمتھ اور جوش ہیزل ووڈ جیسے بڑے ناموں کو پویلین لوٹایا جبکہ دوسری اننگز میں 136 رنز کی یادگار باری کھیل کر ٹیم کو 282 رنز کا ہدف حاصل کرنے میں مدد دی اور 5 وکٹوں سے فتح دلوائی۔
دوسری جانب کگیسو ربادا نے اسی ٹیسٹ فائنل میں اپنی برق رفتاری اور مہارت کا لوہا منوایا۔ انہوں نے پہلی اننگز میں 5 شکار کیے اور میچ میں مجموعی طور پر 9 وکٹیں حاصل کر کے فتح کی راہ ہموار کی۔ اس شاندار کارکردگی نے انہیں جنوبی افریقہ کی ٹیسٹ تاریخ کے چوتھے کامیاب ترین بولر کے درجے پر پہنچا دیا جن کے کھاتے میں اب تک 336 وکٹیں ہیں۔
سری لنکن بلے باز پاتھم نسانکا نے بنگلادیش کے خلاف ٹیسٹ سیریز میں شاندار فارم دکھائی۔ گال میں کھیلے گئے پہلے ٹیسٹ میں نسانکا نے 187 رنز کی کیریئر بیسٹ اننگز کھیلی، جس میں 24 دلکش چوکے اور ایک چھکا شامل تھا۔ اس اننگز نے سری لنکا کو میچ بچانے میں کلیدی کردار ادا کیا۔ دوسرے ٹیسٹ میں بھی انہوں نے 158 رنز کی ایک اور کلاسیکل سنچری داغ دی، جس میں 19 چوکے شامل تھے۔
آئی سی سی کے مطابق ’’پلیئر آف دی منتھ‘‘ کا حتمی اعلان عوامی ووٹنگ اور ماہرین کے فیصلے کے بعد کیا جائے گا، جس میں شائقین کی رائے کو بھی خصوصی اہمیت دی جائے گی۔
.ذریعہ: Jasarat News
کلیدی لفظ: جنوبی افریقہ
پڑھیں:
جنوبی افریقی کپتان ویان ملڈر نے ٹیسٹ کے پہلے روز ریکارڈز کے انبار لگا دیے
جنوبی افریقا کے کپتان ویان ملڈر نے زمبابوے کے خلاف دوسرے ٹیسٹ کے پہلے روز ایسی شاندار اننگز کھیلی کہ بحیثیت کپتان سب سے زیادہ رنز بنانے والے بیٹر بن گئے۔
انہوں نے ٹیسٹ کے پہلے ہی روز 259 گیندوں کا سامنا کرتے ہوئے 264 رنز بنائے اور تاحال وکٹ پر موجود ہیں۔
ویان ملڈر سے قبل نیوزی لینڈ کے گراہم ڈولنگ نے سن 1968 میں بھارت کے خلاف کرائسٹ چرچ میں بحیثیت کپتان پہلی اننگز کے دوران 239 رنز بنائے تھے۔
اس کے علاوہ، ویان ملڈر زمبابوے کے خلاف سب سے بڑا اسکور کرنے والے بلے باز بھی بن گئے ہیں۔ اس سے قبل، گیری کرسٹن نے 2001 میں ہرارے میں 220 رنز بنائے تھے۔
ویان ملڈر جنوبی افریقا کی طرف سے تیز ترین ڈبل سنچری اسکور کرنے والے دوسرے بلے باز بھی بن گئے، انہوں نے یہ کارنامہ 214 گیندوں پر سرانجام دیا۔ اس سے قبل، صرف ہرشل گبز نے 2003 میں پاکستان کے خلاف 211 گیندوں پر ڈبل سنچری اسکور کی تھی۔
اسی طرح، انہوں نے اپنی اننگز کے دوران 34 چوکے اور 3 چھکے بھی لگائے، جو کسی جنوبی افریقی بیٹر کی جانب سے سب سے زیادہ ہیں۔ سابق پروٹیز کپتان گریم اسمتھ نے 2003 میں 35 چوکوں کی مدد سے 277 رنز بنا کر کیریئر کی شاندار اننگز کھیلی تھی۔
ویان ملڈر کا 264 رنز کا اسکور ایک دن میں کسی جنوبی افریقی بیٹر کی جانب سے بنایا گیا سب سے بڑا انفرادی اسکور بھی ہے۔ انہوں نے یہ اعزاز ہرشل گبز کا 2003 میں پاکستان کے خلاف بنایا گیا 228 رنز کا ریکارڈ توڑ کر حاصل کیا۔
مجموعی طور پر، ایک دن میں سب سے زیادہ رنز بنانے والے بیٹرز کی فہرست میں ملڈر چھٹے نمبر پر آتے ہیں، جس میں سرفہرست ڈان بریڈمین ہیں جنہوں نے 1930 میں لیڈز میں انگلینڈ کے خلاف ایک ہی دن میں 309 رنز بنائے تھے۔ تاہم اگر صرف ٹیسٹ میچ کے پہلے دن کی بات کی جائے تو ملڈر کا 264 رنز دوسرا سب سے بڑا اسکور ہے، جو صرف بریڈمین کے ٹرپل سنچری سے پیچھے ہے۔
کراچی میں پارکنگ کہاں کہاں مفت کردی گئی؟ 32 سائٹس کی تفصیلات سامنے آگئیں