وفاق کے ریٹائرڈ ملازمین کیلیے پنشن میں 7 فیصد اضافے کا نوٹیفکیشن جاری
اشاعت کی تاریخ: 7th, July 2025 GMT
data-id="863a0a8" data-element_type="widget" data-widget_type="theme-post-content.default">
وفاقی حکومت نے اپنے تمام ریٹائرڈ ملازمین کی پنشن میں یکم جولائی 2025ء سے 7 فیصد اضافے کا باقاعدہ نوٹیفکیشن جاری کر دیا ہے۔ اس سے قبل سرکاری ملازمین کی تنخواہوں اور 30 فیصد ڈسپیرٹی الاؤنس میں اضافے کے نوٹیفکیشنز جاری کیے جا چکے تھے۔
وزارتِ خزانہ کی جانب سے جاری اعلامیے کے مطابق، صدرِ مملکت نے پنشن میں اضافے کی منظوری دے دی ہے، جس کا اطلاق وفاقی حکومت کے سویلین پنشنرز، دفاعی بجٹ سے تنخواہ پانے والے سویلین ملازمین، مسلح افواج اور سول آرمڈ فورسز کے ریٹائرڈ اہلکاروں پر ہوگا۔
اعلامیے میں واضح کیا گیا ہے کہ یہ 7 فیصد اضافہ ان تمام پنشنرز کو بھی دیا جائے گا جو یکم جولائی 2025 یا اس کے بعد ریٹائر ہوں گے۔ اس کے علاوہ یہ اضافہ ان افراد پر بھی لاگو ہوگا جو پنشن کم گریجویٹی اسکیم 1954 یا لبرلائزڈ پنشن رولز 1977 (ترمیم شدہ) کے تحت فیملی پنشن کے مستحق ہیں۔
اسی طرح وہ پنشنرز بھی اس اضافے سے فائدہ اٹھا سکیں گے جنہیں وفاقی سول سروسز (غیر معمولی پنشن) رولز یا سی ایس آر 353 کے تحت زرتلافی الاؤنس (Compassionate Allowance) ملتا ہے۔
حکومت نے یہ بھی وضاحت کی ہے کہ “نیٹ پنشن” سے مراد وہ رقم ہے جو پنشنر کو 30 جون 2025 تک موصول ہو رہی ہو، جس میں میڈیکل الاؤنس شامل نہیں ہوگا۔ یہی نیٹ پنشن آئندہ اضافوں کے لیے بنیادی رقم تصور کی جائے گی۔ 7 فیصد اضافہ ایک علیحدہ رقم کے طور پر برقرار رکھا جائے گا، جس کی بنیاد وزارتِ خزانہ کے یکم جنوری 2025 کے نوٹیفکیشن میں رکھی گئی ہے۔
نوٹیفکیشن میں مزید کہا گیا ہے کہ اگر کسی پنشن کی ادائیگی وفاقی اور کسی دوسری حکومت کے درمیان مشترکہ اصولوں کے تحت ہو رہی ہے، تو 7 فیصد اضافے کی تقسیم بھی اسی تناسب سے کی جائے گی۔ البتہ یہ اضافہ اسپیشل ایڈیشنل پنشنز پر لاگو نہیں ہوگا، جو ریٹائرمنٹ سے قبل آرڈلی الاؤنس یا ڈرائیور و آرڈلی کی مونیٹائزڈ سہولت کے عوض دی گئی ہوں۔
.ذریعہ: Jasarat News
پڑھیں:
وفاقی حکومت کا رواں مالی سال بھی کفایت شعاری کےاقدامات جاری رکھنےکا فیصلہ
اسلام آباد(ڈیلی پاکستان آن لائن)وفاقی حکومت نے رواں مالی سال میں بھی کفایت شعاری کےاقدامات جاری رکھنےکا فیصلہ کرتے ہوئے اخراجابت قابو میں رکھنے کا نوٹیفکیشن جاری کردیا۔
ڈان نیوزکے مطابق وزارت خزانہ نے وفاقی حکومت کے اخراجات قابو میں رکھنے کیلئے نوٹیفکیشن جاری کیا ہے جس میں کہا گیا ہے کہ وفاقی کابینہ نے4ستمبر 2024کے فیصلوں پرعمل درآمد جاری رکھنےکی منظوری دی۔
نوٹیفکیشن کے مطابق گذشتہ3 سال سےخالی تمام ا سامیاں ختم کردی گئی ہیں اور نئی آسامیوں کی تخلیق پرپابندی برقرار رہےگی۔
رواں مالی سال ہر قسم کی گاڑیوں کی خریداری پر پابندی جاری رہے گی اور مشینری اور آلات کی خریداری پر پابندی کو بھی برقرار رکھا گیا ہے۔
نوٹیفکیشن میں کہا گیا ہے کہ حکومتی اخراجات پر ملک سے باہر علاج پر پابندی برقرار رہےگی، اور حکومتی خرچے پر غیر ضروری بیرونی دوروں پر پابندی بھی جاری رہے گی۔
وزارت خزانہ نےفیصلوں پر عمل درآمد کے لیے وفاقی وزارتوں اور ڈویژنز کو نوٹیفکیشن ارسال کردیا ہے۔
سینیٹ میں خیبرپختونخوا کی نشستوں کیلئے امیدواروں کی فہرست جاری
مزید :
جوڈیشل کمیشن نے ہائی کورٹس کے چیف جسٹسز کی تقرری سے وزیراعظم کو آگاہ کر دیا