پاکستان میں ہائبرڈ ماڈل مکمل فعال، طاقتور حلقے پس پردہ نہیں رہے
اشاعت کی تاریخ: 8th, July 2025 GMT
اسلام آباد:
ہائبرڈ ماڈل جس کی ایک عرصہ سے تمنا کی جا رہی ہے، آج مکمل طور پر تیار ہو چکا، اس کی کھلے عام توٖثیق ہی نہیں، اس کی خوشی بھی منائی جا رہی ہے۔
فوجی سربراہ کے عالمی سطح پر ملاقاتیں جوکہ منتخب رہنمائوں کیلئے مخصوص ہیں، واضح کرتی ہیں کہ طاقت کے ایوان پس پردہ نہیں رہے بلکہ مرکزی سٹیج پر ہے۔
وزیر دفاع خواجہ آصف نے چند روز قبل اپنے ٹویٹ میں لکھا کہ معیشت کی بحالی، بھارتی فوجی شکست، امریکا کیساتھ روابط میں بہتری سمیت تمام انقلابی تبدیلیاں وزیراعظم شہباز شریف اور فیلڈ مارشل عاصم منیر کے مابین تعاون، اسلام آباد اور راولپنڈی کے شاندار روابط کی وجہ سے ممکن ہوئیں۔
خواجہ آصف کے ریمارکس پر بعض حلقوں نے شاید تیوریاں چڑھائی ہوں، تاہم کچھ سیاسی مبصرین کے مطابق یہ ایک عرصہ سے عیاں حقیقت کی تصدیق کی ہے ؛ ہائبرڈ حکومت محض حقیقت نہیں، بلکہ پھل پھول رہی ہے۔
مبصرین کے مطابق ہائبرڈ سسٹم نامی اصطلاح جوکہ محتاط لفظوں میں استعمال ہوتی تھی، اب اسے پاکستان کے سیاسی و معاشی عدم استحکام کے ایک سیاسی حل کے طور پر پیش کیا جا رہا ہے۔
بڑھتے دھندلے سول اور فوجی کردار کے باوجود لگتا ہے کہ ہائبرڈ ماڈل کا باضابطہ اور قابل قبول صورت اختیار کر چکا ہے، جس میں سیاسی قانونی حیثیت جزوی طور پر بیلٹ بکس سے اور زیادہ تر راولپنڈی کیساتھ قربت سے ملتی ہے۔
کبھی پی ٹی آئی اس کی چمپین ہوا کرتی تھی، آج ن لیگ اور پی پی پی کو یقین ہے کہ ان کی سیاسی بقا نئے سسٹم کی مخالفت میں نہیں بلکہ اس کا حصہ بننے میں ہے۔ اس سے بظاہر عشروں کی محاذ آرائی، نااہلی، جیل یاترا، جلا وطنی اور سیاسی انجینئرنگ سب ضائع ہو چکے ہیں۔
آیا یہ تبدیلی دائمی ہے کہ نہیں، سیاسی تجزیہ کار رضا رومی نے کہا کہ پاکستان میں دائمیت ایک نازک لفظ ہے، البتہ اس وقت جو کچھ پاکستان میں دیکھنے کو مل رہا ہے، طاقت کے ہائبرڈ ڈھانچے کو بتدریج مضبوط بنانے کی کاوش ہے۔
.ذریعہ: Express News
پڑھیں:
بہن کینسر سے لڑ رہی ہے، میرے لیے یہ صرف میچ نہیں تھا۔۔۔۔ بھارتی بولر کی کہانی نے سب کو رلادیا
ایجبسٹن میں 10 وکٹیں لیکر تاریخ رقم کرنے والے بھارتی فاسٹ بولر آکاش دیپ کی کہانی نے سب کو آبدیدہ کردیا۔
آکاش دیپ نے انگلینڈ کے خلاف دوسرے ٹیسٹ میں غیر معمولی بولنگ کرتے ہوئے دونوں اننگز میں مجموعی طور پر 10 کھلاڑیوں کو پویلین کی راہ دکھائی۔
ان کی جارحانہ اور نپی تلی بولنگ نے نا صرف بھارت کو بڑے مارجن سے فتح دلائی بلکہ مداحوں کے دل بھی جیت لیے۔
میچ کے بعد گفتگو کرتے ہوئے آکاش دیپ نے کہا کہ میرے لیے یہ صرف ایک کرکٹ میچ نہیں تھا بلکہ ہر گیند میرے دل کی ایک دعا تھی۔
انہوں نے کہا کہ میری بہن کینسر سے لڑ رہی ہے اور میں اپنی پوری کارکردگی اسی کے لیے وقف کرتا ہوں۔
آکاش دیپ کی اس جذباتی بات نے نہ صرف بھارتی شائقین کو رُلا دیا بلکہ سوشل میڈیا پر بھی آکاش دیپ کا نام ٹرینڈ کرنے لگا، جہاں مداح ان کی بہن کی صحت کے لیے دعائیں کر رہے ہیں اور آکاش کو حوصلہ دے رہے ہیں۔
مہنگائی میں آئی ایم ایف اور حکومتی اندازوں سے بھی زیادہ کمی۔ 4.49 فی صد پر آ گئی