بھارتی بورڈ کا روہت شرما کو پیغام: تبصروں سے ہٹ کر فٹنس اور پرفارمنس پر توجہ دیں
اشاعت کی تاریخ: 29th, November 2025 GMT
بھارتی کرکٹ بورڈ (بی سی سی آئی) نے سابق کپتان اور جارح مزاج اوپنر روہت شرما کو واضح پیغام دیا ہے کہ وہ اپنے مستقبل کے حوالے سے ہونے والی قیاس آرائیوں پر توجہ دینے کے بجائے اپنی فٹنس اور کھیل کی کارکردگی پر توجہ مرکوز کریں۔
روہت شرما، جو ون ڈے کرکٹ میں بھارت کی جانب سے تیسرے نمبر پر سب سے زیادہ رنز بنانے والے بیٹر ہیں، نے آسٹریلیا کے خلاف گزشتہ ماہ کی سیریز میں شاندار بیٹنگ کا مظاہرہ کیا۔ انہوں نے ایک سنچری اور ایک نصف سنچری اسکور کی اور چھ بار کی عالمی چیمپئن ٹیم کے خلاف سب سے زیادہ رنز بنانے والے کھلاڑی بھی رہے۔
اب روہت شرما جنوبی افریقہ کے خلاف 30 نومبر سے شروع ہونے والی تین میچوں کی ون ڈے سیریز میں بھی میدان میں نظر آئیں گے۔
ٹائمز آف انڈیا کے مطابق، بی سی سی آئی نے کھلاڑی سے کہا ہے کہ وہ قیاس آرائیوں اور تبصروں میں نہیں بلکہ اپنی فٹنس، فارم اور جارحانہ کھیل پر توجہ دیں۔ ذرائع کا کہنا ہے کہ بھارتی بورڈ روہت سے توقع رکھتا ہے کہ وہ اپنی قدرتی جارحانہ بیٹنگ کا مظاہرہ کریں، جو آسٹریلیا کے خلاف مکمل طور پر دیکھنے میں نہیں آیا۔
بھارتی میڈیا کے مطابق، آسٹریلیا میں مشکل حالات کے باوجود روہت شرما نسبتاً محفوظ بیٹنگ کرتے نظر آئے۔ بی سی سی آئی چاہتی ہے کہ روہت اور ویرات کوہلی کی کارکردگی نوجوان کھلاڑیوں کے لیے مواقع پیدا کرے اور ٹیم میں ان کے کردار کو واضح کیا جائے۔
ذرائع نے بتایا کہ جنوبی افریقہ کے خلاف سیریز کے بعد بی سی سی آئی، ٹیم سلیکٹرز اور مینجمنٹ کے ساتھ مشاورت کرے گا تاکہ روہت اور کوہلی کی ٹیم میں پوزیشن اور ذمہ داریاں واضح ہوں، کیونکہ ایسے بڑے کھلاڑی بے یقینی کے ساتھ کھیل نہیں سکتے۔
ذریعہ: Daily Mumtaz
کلیدی لفظ: روہت شرما پر توجہ کے خلاف
پڑھیں:
کے ایم سی سٹی کونسل میں بھارتی وزیر دفاع کے اشتعال انگیز بیان کے خلاف قرارداد جمع
data-id="863a0a8" data-element_type="widget" data-widget_type="theme-post-content.default">
کراچی :جماعت اسلامی کراچی کے نائب امیر اور کے ایم سی سٹی کونسل میں اپوزیشن لیڈر سیف الدین ایڈووکیٹ نے بھارتی وزیر دفاع راج ناتھ سنگھ کے سندھ سے متعلق اشتعال انگیز و متنازع بیان کے خلاف سٹی کونسل میں باضابطہ قرارداد جمع کرادی ہے، قرارداد میں بھارتی وزیر دفاع کے بیان کو کھلی ہرزہ سرائی، دریدہ دہنی اور پاکستان کی علاقائی خودمختاری پر حملہ قرار دیا گیا ہے۔
سیف الدین ایڈووکیٹ کی جانب سے جمع کرائی گئی قرارداد میں کہا گیا کہ بھارت کی موجودہ سیاسی قیادت خطے میں امن کو سبوتاژ کرنے کی کوشش کرتی رہی ہے اور تازہ بیان اس جارحانہ ذہنیت کی عملی مثال ہے،پاکستان کا ہر شہری سیاسی اختلافات سے بالاتر ہوکر وطنِ عزیز کے ایک ایک انچ کا دفاع کرنا اپنا فرض سمجھتا ہے اور دشمن کی جانب سے کسی بھی قسم کی لالچ، دعویٰ یا جارحانہ سوچ ناقابلِ قبول ہے۔
قرارداد میں مزید کہا گیا کہ بھارتی وزیر دفاع کا یہ دعویٰ کہ مستقبل میں سندھ بھارت کا حصہ بن سکتا ہے، نہ صرف تاریخ سے لاعلمی ہے بلکہ سفارتی آداب کی سنگین خلاف ورزی بھی ہے۔
قرارداد میں واضح کیا گیا کہ پاکستان کے کسی بھی صوبے کے بارے میں ایسی لغو باتیں کرنے والوں کو بنگلہ دیش میں بھارت کے حمایت یافتہ عناصر کے انجام سے سبق سیکھنا چاہیے، جہاں بھارتی ایجنٹ عدالتوں سے سزائے موت پا رہے ہیں۔
سٹی کونسل نے قرارداد میں یہ مؤقف بھی اپنایا کہ پاکستان کلمۂ طیبہ کے نام پر حاصل کیا گیا ملک ہے اور اس کا ہر خطہ اہلِ وطن کیلئے مقدس امانت کی حیثیت رکھتا ہے۔ کسی دشمن ملک یا اس کے ایجنٹ کو پاکستان کے اندر قدم رکھنے کی بھی اجازت نہیں دی جائے گی۔ قرارداد کے مطابق قوم متحد ہے اور ملکی سلامتی پر کسی بھی قسم کے حملے یا بیان بازی کا بھرپور جواب دیا جائے گا۔
اپوزیشن لیڈر نے زور دیا کہ کراچی سٹی کونسل کی یہ قرارداد پوری دنیا کیلئے واضح پیغام ہے کہ پاکستان کے عوام اور ادارے ملکی دفاع، جغرافیائی وحدت اور قومی وقار کے معاملے پر اٹل اور متحد ہیں۔ انہوں نے وفاقی حکومت سے مطالبہ کیا کہ بھارت کی اشتعال انگیزی کو عالمی فورمز پر اٹھایا جائے۔
گلگت، دنیور ڈگری کالج کے قریب ایک شخص کی لاش برآمد