ایف بی آر نومبر میں ٹیکس وصولی کا ہدف حاصل نہ کر سکا
اشاعت کی تاریخ: 29th, November 2025 GMT
فیڈرل بورڈ آف ریونیو (ایف بی آر) ایک بار پھر ماہانہ ٹیکس ٹارگٹ پورا کرنے میں ناکام ہوگیا۔ ذرائع کے مطابق نومبر میں 1,034 ارب روپے کے مقررہ ہدف کے مقابلے میں صرف 878 ارب روپے جمع ہوسکے، یوں ٹیکس وصولی میں 156 ارب روپے کا نمایاں شارٹ فال ریکارڈ کیا گیا۔
ذرائع کا کہنا ہے کہ ماہ کے اختتام پر ایک دن کی وصولیوں سے شارٹ فال میں تقریباً 5 ارب روپے تک کمی کی توقع ہے۔
دوسری جانب دسمبر کے لیے ٹیکس وصولی کا ہدف 1,406 ارب روپے مقرر کیا گیا ہے، جو گزشتہ مہینے کے مقابلے میں کافی زیادہ ہے۔
رواں مالی سال کے پہلے پانچ ماہ میں بھی ایف بی آر ہدف سے پیچھے ہے۔ جولائی تا نومبر مجموعی ہدف 5,083 ارب روپے تھا جبکہ وصولیاں 4,715 ارب روپے رہیں، جس کے نتیجے میں 413 ارب روپے کا مجموعی شارٹ فال سامنے آیا۔
ٹارگٹ کے حصول کے لیے ایف بی آر نے اپنے دفاتر آج بھی کھلے رکھنے کا فیصلہ کیا ہے تاکہ زیادہ سے زیادہ ٹیکس وصول کیا جاسکے۔
ذریعہ: Daily Mumtaz
کلیدی لفظ: ایف بی ا ر ارب روپے
پڑھیں:
پی ٹی آئی احتجاج میں اب اجتماعی استخارہ ہوگا، شیرافضل مروت
رکن قومی اسمبلی و پی ٹی آئی کے سابق رہنما شیر افضل مروت نے کہا ہے کہ 26 نومبر کو پی ٹی آئی نے اجتماعی دعا کا فیصلہ کیا، اگلے احتجاج میں پی ٹی آئی کی جانب سے اجتماعی دم اور استخارہ کیا جائے گا۔
یہ بھی پڑھیں: شیرافضل مروت کی قومی اسمبلی میں جذباتی تقریر، صدر اور فوج کے حق میں بول پڑے
نجی ٹی وی سے گفتگو کرتے ہوئے شیر افضل مروت نے کہا ہے کہ 26 نومبر کے بعد اگر پی ٹی آئی احتجاج کرتی تو کرسکتی تھی، عمران خان کی سیاست ہمیشہ متاثرکن رہی ہے جو کبھی جھکتے نہیں، 26 نومبر کو پی ٹی آئی پر گہرا وار ہوا، یہ نہ صرف پی ٹی آئی پر وار تھا بلکہ ملک کی تمام سیاسی پارٹیوں کی احتجاج کی سیاست پر وار تھا، اس کے بعد ٹی ایل کے خلاف بھی کارروائی ہوئی۔
شیر افضل مروت نے کہا کہ پی ٹی آئی میں میرٹ کے بجائے من پسند لوگوں کو لگانے کا سلسلہ جاری رہا اور اہل لوگوں کو ہٹایا گیا، عمران خان یقین دہانی کروائی تھی کہ 26 نومبر کو ان کی جماعت احتجاج کرے گی، اب عمران خان سے ملاقات بھی پارٹی رہنماؤں کو کرنے نہیں دی جارہی، عمران خان تو پھٹ جانا تھا کہ آپ نے احتجاج کے لیے کیا کیا۔
یہ بھی پڑھیں: شیرافضل مروت کے علیمہ خان سمیت پی ٹی آئی قیادت پر الزامات
انہوں نے کہا کہ پی ٹی آئی نے بڑا دلچسپ فیصلہ کیا ہے کہ چلو ہم احتجاج نہیں کرسکتے تو دعا ہی کرلیتے ہیں، اگلے احتجاج کو احتجاج کی جگہ اجتماعی دم اور استخارہ ہوگا، میں نے تو مشورہ دیا ہے کہ دعام میں قوال بھی شامل ہوجائے تو قوالی میں تھوڑا جنون بھی آئے گا اور تھوڑا جذبہ بھی پیدا ہوگا۔
شیر افضل مروت نے کہا کہ ان کے خیال میں عمران خان کو تب ہی کوئی ریلیف مل سکتا ہے جب ان کی احتجاجی سیاست میں کوئی طاقت محسوس ہوگی، باقی ترس کھا کے یا اللہ کی رضا کی خاطر عمران خان کو چھوڑ دینا یا پی ٹی آئی کے گناہ معاف کردینا ممکن نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news استخارہ پی ٹی آئی دعا دم شیرافضل مروت عمران خان
گلگت، دنیور ڈگری کالج کے قریب ایک شخص کی لاش برآمد