ناردرن بائی پاس پرپسند کی شادی پرماموںاوربھانجا قتل
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) ناردرن بائی پاس گلشن چوک محمد خان کالونی میں پسند کی شادی کرنے پر ایک بھانجے اور اس کے ماموں کو فائرنگ کرکے قتل کر دیا گیا، جبکہ ایک دوسرا ماموں شدید زخمی ہو گیا۔ موٹرسائیکل سوار ملزمان لڑکی کو اپنے ہمراہ لے کر فرار ہو گئے۔ پولیس نے اس دلخراش واقعے کی تفتیش شروع کر دی ہے اور مقتولین کو پناہ دینے والے شخص کو حراست میں لے لیا ہے۔منگھوپیر تھانے کی حدود میں پیش آنے والے اس واقعے کے بعد پولیس فوری طور پر جائے وقوعہ پر پہنچی اور تحقیقات کا آغاز کیا۔ فائرنگ کے نتیجے میں 30 سالہ شمن علی ولد عبدل اور 40 سالہ محمد اسحاق حسین ولد بالاج جتوئی موقع پر ہی جاں بحق ہو گئے، جبکہ 45 سالہ حبیب ولد بالاج جتوئی زخمی ہو گئے۔ مقتولین اور زخمی کو فوری طور پر چھیپا ایمبولنس کے ذریعے عباسی شہید ہسپتال منتقل کیا گیا۔ایس ایچ او منگھوپیر عمران خان کے مطابق، مقتول شمن علی اور محمد اسحاق آپس میں ماموں بھانجا تھے، اور زخمی حبیب مقتول محمد اسحاق کا سگا بھائی ہے۔ ایس ایچ او نے مزید بتایا کہ مقتول شمن علی نے بلوچستان کے علاقے بولان سے صائمہ نامی لڑکی سے پسند کی شادی کی تھی اور وہ تین دن پہلے ہی ناردرن بائی پاس گلشن چوک محمد خان کالونی میں رہائش پذیر ہوئے تھے۔پولیس کے مطابق، 2 موٹر سائیکلوں پر سوار 4 ملزمان، جن کی شناخت غلام سرور، صادق، عبدالسلام اور غلام حیدر کے نام سے ہوئی ہے، ماموں بھانجے کا تعاقب کرتے ہوئے گلشن چوک محمد خان کالونی تک پہنچے۔
.
ذریعہ
ذریعہ: Jasarat News
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ