شوکت یوسفزئی، اسفندیار ولی کو 10 لاکھ کا ہرجانہ دیں، عدالتی حکم
اشاعت کی تاریخ: 8th, July 2025 GMT
پشاور کی مقامی عدالت نے پاکستان تحریک انصاف (پی ٹی آئی) رہنما شوکت یوسفزئی کو ہرجانے کی ادائیگی کا حکم دیا ہے۔
سیشن کورٹ پشاور نے شوکت یوسفزئی کو حکم دیا کہ وہ عوامی نیشنل پارٹی (اے این پی) رہنما اسفندیار ولی کو 10 لاکھ روپے کا ہرجانہ ادا کریں۔
عدالت نے اسفندیار ولی کے شوکت یوسفزئی کے خلاف ہرجانے کے کیس کا فیصلہ سنادیا ہے۔
فیصلے میں کہا گیا ہے کہ شوکت یوسفزئی نے 26 جولائی 2019ء میں اسفندیار ولی پر پختونوں کا سودا کرنے کا الزام لگایا۔
اسفندیار ولی نے ایک ارب روپے ہرجانے کا دعویٰ دائر کیا تھا، شوکت یوسفزئی کا مؤقف تھا کہ انہوں نے اعظم سواتی کے بیان کا حوالے دیا تھا۔
.
ذریعہ
ذریعہ: Jang News
کلیدی لفظ: اسفندیار ولی شوکت یوسفزئی
پڑھیں:
سپریم کورٹ: اے پی ایس شہداء لواحقین کو پیکیج نہ ملنے پر وفاقی حکومت سے جواب طلب
فائل فوٹوسپریم کورٹ نے اے پی ایس شہداء لواحقین کو پیکیج نہ ملنے پر وفاقی حکومت سے جواب طلب کرلیا۔
کیس کی سماعت جسٹس محمد علی مظہر کی سربراہی میں تین رکنی بینچ نے کی، جسٹس عرفان سعادت نے کہا کہ درخواست 25 دن تاخیر سے دائر کی گئی۔
پشاور ہائیکورٹ فیصلے پر توہین عدالت کی درخواست شہداء کےلواحقین کی جانب سے دائر کی گئی تھی، پشاور ہائیکورٹ نے توہین عدالت کی درخواست خارج کردی تھی۔
درخواست گزار کے وکیل نے کہا کہ شہداء کے لواحقین کو اعلان کردہ پیکیج نہیں ملا۔
جسٹس محمد علی مظہر نے کہا کہ اگر کوئی پیکیج ملا ہے تو سب کو دیں، وفاقی حکومت بتائے کہ پشاور ہائیکورٹ فیصلے پر عملدرآمد ہوا یا نہیں۔
کیس کی مزید سماعت غیر معینہ مدت کیلئے ملتوی کردی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ