شبلی فراز دِل کی تکلیف کے باعث اسپتال منتقل، ڈاکٹرز کی نگرانی جاری
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
پشاور: پاکستان تحریک انصاف کے سینئر رہنما اور سینیٹ میں اپوزیشن لیڈر شبلی فراز کو گزشتہ شب اچانک طبی پیچیدگی کے باعث اسپتال منتقل کر دیا گیا۔
میڈیا ذرائع کے مطابق شبلی فراز کو سینے میں تکلیف کی شکایت ہوئی جس کے بعد انہیں فوری طور پر پشاور کے معروف طبی مرکز انسٹی ٹیوٹ آف کارڈیالوجی لے جایا گیا۔ اسپتال پہنچنے پر ان کے فوری ابتدائی معائنے کیے گئے اور ماہر ڈاکٹرز کی ٹیم نے ان کی صحت کی صورتحال کا تفصیلی جائزہ لیا۔
شبلی فراز کی موجودہ حالت کو ڈاکٹروں نے تسلی بخش قرار دیا ہے، تاہم احتیاطی تدابیر کے طور پر انہیں آئندہ 48 گھنٹوں تک مسلسل نگرانی میں رکھنے کا فیصلہ کیا گیا ہے۔
اسپتال ذرائع کے مطابق ان کا علاج ماہر امراضِ قلب کی زیر نگرانی جاری ہے اور انہیں اسپیشل کیئر یونٹ میں رکھا گیا ہے جہاں ہر لمحہ ان کے دل کی دھڑکن، بلڈ پریشر اور دیگر اہم علامات کی مانیٹرنگ کی جا رہی ہے۔
قابلِ ذکر بات یہ ہے کہ شبلی فراز اس سے قبل بھی دل کی معمولی پیچیدگیوں کا سامنا کر چکے ہیں اور ان کی انجیو گرافی بھی ہو چکی ہے۔ اسی لیے ان کا پہلے سے رجسٹرڈ کارڈیالوجسٹ اس وقت ان کے مکمل علاج کی نگرانی کر رہا ہے۔
اسپتال حکام نے اس بات کی تصدیق کی ہے کہ شبلی فراز کو اسپتال میں داخل کیے جانے کے فوراً بعد ابتدائی طبی امداد دی گئی جس کے بعد ان کی حالت مستحکم ہو گئی، تاہم کسی بھی ممکنہ پیچیدگی کے خدشے کے پیشِ نظر انہیں اسپتال میں روکنے کا فیصلہ کیا گیا۔
پشاور انسٹی ٹیوٹ آف کارڈیالوجی کی ترجمان رفعت انجم نے شبلی فراز کی صحت سے متعلق میڈیا کو آگاہ کرتے ہوئے بتایا کہ ان کی طبیعت میں بہتری آ رہی ہے۔ انہوں نے کہا کہ شبلی فراز کو رات گئے ہنگامی حالت میں لایا گیا تھا جب انہیں سینے میں شدید درد محسوس ہوا۔ ابتدائی معائنے اور ضروری ٹیسٹوں کے بعد فوری علاج شروع کر دیا گیا۔
ترجمان کے مطابق اسپتال کے سینئر کارڈیالوجسٹس پر مشتمل ایک خصوصی میڈیکل بورڈ آئندہ 24 سے 48 گھنٹوں کے دوران ان کی مکمل میڈیکل ہسٹری اور موجودہ کیفیت کو مدنظر رکھتے ہوئے آئندہ کے علاج کے حوالے سے مشاورت کرے گا۔
ممکنہ طور پر ان کے مزید ٹیسٹ بھی کیے جائیں گے تاکہ یہ طے کیا جا سکے کہ موجودہ کیفیت ماضی کے کسی قلبی مسئلے کا تسلسل ہے یا کوئی نئی پیچیدگی سامنے آئی ہے۔
.ذریعہ: Jasarat News
کلیدی لفظ: شبلی فراز کو
پڑھیں:
شاہ محمود قریشی اسپتال منتقل،کن سابق ساتھیوں نے ملاقات کی، معاملہ کیا ہے؟
پاکستان تحریک انصاف کے سینیئر وائس چیئرمین شاہ محمود قریشی سے جمعے کو لاہور میں پارٹی کے سابق رہنماؤں نے ملاقات کی۔
یہ بھی پڑھیں: جیل سے رہائی کے بعد شاہ محمود قریشی عمران خان کی جگہ لے سکتے ہیں؟
ایک نجی ٹی وی کی رپورٹ میں بتایا گیا کہ شاہ محمود کو طبی معائنے کی غرض سے لاہور میں اسپتال لایا گیا تھا جہاں فود چوہدری، عمران اسماعیل اور مولوی محمود نے ملاقات کی۔
ملاقات کے دوران ملک کی سیاسی صورتحال، خیبر پختونخوا میں نئے وزیراعلیٰ اور کابینہ کے اور کشمیر میں تحریک عدم اعتماد کے حوالے سے گفتگو ہوئی۔
ٹی وی رپورٹ کے مطابق یہ تینوں سابق رہنما پارٹی میں خاص اہمیت کے حامل رہے ہیں لہٰذا ان کی شاہ محمود قریشی سے اس ملاقات کو ایک خاص اہمیت حاصل ہے۔
گو تحریک انصاف کی موجودہ قیات ان تینوں رہنماؤں کو پارٹی کا حصہ نہیں سمجھتے لیکن پھر بھی یہ تینوں خود کو پارٹی کا اہم جزو بتاتے رہتے ہیں۔
مزید پڑھیے: ’عمران خان سے پہلے جیل سے باہر آیا تو اپنے ہی لوگ کھا جائیں گے’، شاہ محمود قریشی جیل میں کیا سوچ رہے ہیں؟
ان تینیوں کی شاہ محمود قریشی سے ملاقات کسی نئی پیشرفت کا پیش خیمہ ہے جبکہ توقع ہے کہ بشمول اسد عمر پی ٹی آئی کے کچھ دیگر رہنماؤں کی بھی ملاقات ہوسکتی ہے۔
رپورٹ میں اس امکان کو رد نہیں کیا گیا کہ اس ملاقات کا مقصد تحریک انصاف میں ایک نیا دھڑا بنانا بھی ہوسکتا ہے۔
شاہ محمود قریشی کو کیا عارضہ ہے؟وی نیوز کے رپورٹ عارف ملک کے مطابق پاکستان تحریک انصاف کے وائس چیئرمین شاہ محمود قریشی کو لاہور کے کی پی کے ایل آئی اسپتال منتقل کیا گیا ہے۔
ذرائع کے مطابق شاہ محمود کے پتے میں پتھری بتائی جارہی ہے اور ان کی سرجری ہونی ہے۔
ذرائع کے مطابق شاہ محمود قریشی 28 اکتوبر سے پی کے ایل آئی میں داخل ہیں۔
مزید پڑھیے: سرکاری گاڑی جلانے کا کیس: شاہ محمود قریشی بری، یاسمین راشد، اعجاز چوہدری اور دیگر کو 10،10 سال قید کی سزا
یاد رہے کہ 9 مئی کے واقعات کے بعد سے شاہ محمود قریشی جیل میں قید ہیں۔ ابتدائی طور پر وہ راولپنڈی کی اڈیالہ جیل میں قید رہے تاہم اب وہ لاہور کی کوٹ لکھپت جیل منتقل ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ محمود قریشی عمران اسماعیل فواد چوہدری مولوی محمود وائس چیئرمین پی ٹی آئی شاہ محمود قریشی
ٹیکس چوری ،بڑے پلازوں وکمرشل پراپرٹیز مالکان کے گرد گھیرا تنگ کرنے کافیصلہ