پشاور میں فرار کی کوشش کے دوران ٹریفک پولیس کی گاڑی سے گھسیٹے شہری کی ویڈیو وائرل
اشاعت کی تاریخ: 9th, July 2025 GMT
پشاور ( اُردو پوائنٹ اخبارتازہ ترین۔ 09 جولائی 2025ء ) صوبہ خیبرپختونخواہ کے دارالحکومت پشاور میں ٹریفک پولیس کی گاڑی سے گھسیٹے شہری کی ویڈیو وائرل ہونے پر غفلت برتنے والے اہلکار کو معطل کردیا گیا۔ میڈیا رپورٹس کے مطابق پشاور میں ٹریفک پولیس کی گاڑی سے گھسیٹے جانے والے ایک شہری کی ویڈیو سوشل میڈیا پر وائرل ہوئی، جس کے بارے میں پتا چلا ہے کہ شہری کو گھسیٹنے کا یہ واقعہ تجاوزات کے خلاف آپریشن کے دوران اس وقت پیش آیا، جب سٹی ٹریفک پولیس پشاور کی جانب سے پلوسی روڈ اور تہکال میں تجاوزات کے خلاف آپریشن کے دوران مختلف مقامات سے متعدد افراد کو حراست میں لیا گیا۔
بتایا گیا ہے کہ حراست میں لیے جانے والے شہریوں میں سے ویڈیو میں نظر آنے والے شخص نے گاڑی سے چھلانگ لگا کر فرار ہونے کی کوشش کی لیکن وہ اس کوشش میں ناکام رہا، ویڈیو میں نظر آنے والے شخص نے گاڑی سے چھلانگ لگا کر فرار ہونے کی کوشش کی جس کو قابو کرنے کے لیے گاڑی میں موجود سٹی ٹریفک پولیس پشاور کے اہلکار نے اس کو ہاتھ سے پکڑا تو وہ شخص سڑک پر گر گیا جس کی وجہ سے اسے گھسیٹے جانے کا واقعہ پیش آیا۔(جاری ہے)
سٹی ٹریفک پولیس پشاور کے ترجمان نے بتایا ہے کہ چیف ٹریفک آفیسر ہارون رشید خان نے سوشل میڈیا پر وائرل ویڈیو کا نوٹس لیتے ہوئے ویڈیو میں نظر آنے والے اہلکار کو معطل کرکے ایس پی ٹریفک ہیڈ کوارٹرز کو انکوائری آفیسر مقرر کردیا، واقعے سے متعلق ابتدائی اطلاعات یہ ہیں کہ شہری کی جانب سے موڑ کے دوران گاڑی کی رفتار کم ہونے پر گاڑی سے چھلانگ لگا کر فرار ہونے کی کوشش کی گئی، مذکورہ شخص جواد کی جانب سے مزاحمت کرنے کے دوران سٹی ٹریفک پولیس پشاور کے اہلکار کا موبائل فون گر کر ٹوٹ گیا اور اس کے ہاتھوں پر چوٹیں بھی آئی ہیں۔.ذریعہ: UrduPoint
کلیدی لفظ: تلاش کیجئے سٹی ٹریفک پولیس پشاور سے گھسیٹے کے دوران نے والے گاڑی سے کی کوشش شہری کی
پڑھیں:
شادی کی تقریب میں ہوائی فائرنگ کرنے والے تین ملزمان گرفتار، پولیس دلہا کی گاڑی کو بھی بند کردیا
کراچی کے ضلع وسطی کی حدود میں قائم تھانے شاہراہ نور جہاں پولیس نے شادی کی تقریب میں ہوائی فائرنگ کرنے والے تین ملزمان کو گرفتار کرکے دلہا سمیت تین گاڑیاں قبضے میں لے لی، فائرنگ سے ایک شخص زخمی ہوا تھا۔
ایکسپریس نیوز کے مطابق شاہراہِ نور جہاں کی حدود میں بارات میں ہوائی فائرنگ کرنے والے 3 ملزمان کو گرفتار کر کے اسلحہ اور گاڑی قبضہ میں لے لی۔
پولیس کے مطابق نارتھ ناظم آباد کے علاقے شاہراہ نورجہاں روڈ بلاک ٹی میں بارات میں شریک افراد کی ہوائی فائرنگ سے قاسم نامی شخص ٹانگ پر گولی لگنے سے زخمی ہوا۔
واقعے کی اطلاع ملتے ہی ایس ایچ او شاہراہِ نور جہاں کی سربراہی میں پولیس کی نفری وقوعہ پر پہنچی تو معلوم ہوا کہ تقریب میں شریک چند افراد بارات کے دوران ہوائی فائرنگ کر رہے تھے۔
پولیس نے فوری کارروائی کرتے ہوئے بارات کا تعاقب کیا اور تین ملزمان کو گرفتار کرلیا۔ جن کی شناخت عاقب خلیل، مزمل اور رازی منڈ کے ناموں سے ہوئی۔
پولیس نے ملزمان کے قبضے سے دو عدد پستول بمعہ ایمونیشن برآمد کیے جبکہ بارات میں استعمال ہونے والی تین گاڑیاں بھی تحویل میں لے لی۔
پولیس نے ملزمان کی گرفتاری کے بعد واقعے کا مقدمہ درج کرلیا۔ ایس ایس پی سینٹرل ذیشان صدیقی نے بروقت کارروائی اور ملزمان کی گرفتاری پر پولیس ٹیم کو شاباش دی۔
انہوں نے کہا کہ شہری علاقوں میں ہوائی فائرنگ جیسے خطرناک عمل کو ہرگز برداشت نہیں کیا جائے گا، اور قانون کی خلاف ورزی کرنے والوں کے خلاف سخت کارروائی عمل میں لائی جائے گی۔
پیپلز پارٹی کی وزیراعظم آزاد کشمیر کو استعفیٰ دینے کی مہلت