باپ کا لاش لینے سے انکار مگر حمیرا اصغر نے اپنے والد سے متعلق آخری انٹرویو میں کیا کہا تھا؟
اشاعت کی تاریخ: 9th, July 2025 GMT
کراچی کے پوش علاقے ڈیفنس فیز 6 کے ایک فلیٹ سے گزشتہ روز ماڈل و اداکارہ حمیرا اصغر کی کئی دن پرانی لاش برآمد ہوئی جس کا پوسٹ مارٹم مکمل کر لیا گیا لیکن اداکارہ کے والد نے بیٹی کی لاش وصول کرنے سے انکار کر دیا۔ ان کا کہنا تھا کہ چند عرصہ قبل ہی حمیرا سے قطع تعلق کر لیا تھا۔
حمیرا اصغر کی وفات کے بعد ان کا ایک انٹرویو وائرل ہو رہا ہے جس میں وہ اپنے کیرئیر اور والدین سے متعلق گفتگو کرتی دکھائی دے رہی ہیں۔ انٹرویو میں انہوں نے کہا کہ میں کراچی شہر میں رہتی ہوں اور والدین سے مہینہ مہینہ ملنے نہیں جاتی لیکن پھر بھی ان کو پتہ ہوتا ہے کہ میں کون سا ڈرامہ، کون سا پراجیکٹ کر رہی ہوں اور کہاں سفر کر رہی ہوں۔ انہوں نے کہا کہ خاندان کی سپورٹ بہت ضروری ہوتی ہے۔
یہ بھی پڑھیں: بیٹی کی لاش لینے نہیں آؤں گا، حمیرا اصغر کے والد نے ایسا کیوں کہا؟
اداکارہ کا کہنا تھا کہ میری والدہ نے شروع میں مجھے ٹوکا تھا کہ اگر میں تمہارے والد سے بات کروں گی تو وہ برا منائیں گے اور کہیں گے کہ گھر میں سب ڈاکٹر ہیں تو تم کیوں آرٹ کی طرف جا رہی ہو۔
حمیرا اصغر نے کہا کہ شروع میں تو مجھے مشکلات پیش آئیں لیکن جب والدین نے دیکھا کہ مجھ میں ٹیلنٹ ہے۔ میں پینٹنگ اور آرٹ ورک کر رہی ہوں اور اچھا رسپانس مل رہا ہے تو سب ٹھیک ہو گیا۔ ان کا کہنا تھا کہ جب میں اداکاری کی طرف آئی تو والدہ نے کچھ ڈرامے دیکھے انہوں نے کافی سراہا اور کہا کہ اگر ٹیلنٹ ہے تو ہم اسے کیوں روکیں۔
یہ بھی پڑھیں: ’حمیرا کی موت اس جھوٹی دنیا کا چہرہ ہے جہاں’فالوورز‘ ہوتے ہیں دوست نہیں‘
واضح رہے کہ پولیس کے مطابق حمیرا کے والد اور بھائی سے رابطہ کیا گیا تو انہوں نے کراچی آنے سے انکار کر دیا۔ ایس ایس پی ساؤتھ مہزورعلی کاکہنا ہےکہ اداکارہ کےوالدکو سمجھایا ہےکہ کراچی آکرلاش وصول کریں تاہم انہوں نےدوبارہ پولیس سے رابطہ نہیں کیا۔
پولیس کا کہنا ہے حمیرا کی لاش اس وقت چھیپا سرد خانے میں موجود ہے، جہاں ان کا پوسٹ مارٹم مکمل کرلیا گیا ہے۔ کوشش کر رہے ہیں کہ اداکارہ کے گھر والے آجائیں تاکہ کارروائی کو آگے بڑھائیں۔
حمیرا اصغر کی لاش گزشتہ روز کراچی کے پوش علاقے ڈیفنس کے ایک فلیٹ سے برآمد ہوئی، اور مختلف اطلاعات کے مطابق وہ تقریباً ایک ماہ پہلے انتقال کر چکی تھیں۔ ان کی موت کی وجہ تاحال غیر واضح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حمیرا اصغر حمیرا اصغر موت حمیرا اصغر والد.ذریعہ: WE News
کلیدی لفظ: حمیرا اصغر موت حمیرا اصغر والد انہوں نے کا کہنا کی لاش تھا کہ کہا کہ
پڑھیں:
کراچی: ڈیفنس کے فلیٹ سے اداکارہ حمیرا اصغر علی کی کئی روز پرانی لاش برآمد
کراچی کے علاقے ڈیفنس فیز 6 میں اتحاد کمرشل کے ایک فلیٹ سے معروف اداکارہ حمیرا اصغر علی کی کئی روز پرانی لاش برآمد ہوئی ہے۔
پولیس کے مطابق واقعہ اس وقت سامنے آیا جب آج سہ پہر قریباً سوا تین بجے پولیس عدالتی حکم پر فلیٹ خالی کروانے پہنچی۔ فلیٹ کا دروازہ نہ کھلنے پر اسے توڑا گیا، تو اندر زمین پر خاتون کی لاش پڑی ہوئی ملی۔ پولیس نے فلیٹ سے شواہد اکٹھے کر لیے ہیں جبکہ لاش کو پوسٹ مارٹم کے لیے بھجوا دیا گیا ہے۔
پولیس حکام کا کہنا ہے کہ اداکارہ گزشتہ 7 برس سے اس فلیٹ میں اکیلی رہائش پذیر تھیں۔
حکام کے مطابق فلیٹ کے مالک نے کرایہ نہ ملنے پر قانونی کارروائی کرتے ہوئے کیس دائر کیا تھا، اور آج عدالتی بیلف کے ہمراہ جب فلیٹ خالی کروانے کے لیے ٹیم پہنچی تو لاش برآمد ہوئی۔
پولیس کے مطابق لاش 15 سے 20 دن پرانی معلوم ہوتی ہے۔ اداکارہ کی موت کی اصل وجہ پوسٹ مارٹم رپورٹ آنے کے بعد ہی واضح ہو سکے گی۔
پولیس سرجن ڈاکٹر سمیعہ کے مطابق اسپتال لائی جانے والی لاش مسخ شدہ حالت میں ہے، جس کے مختلف نمونے اکٹھے کر لیے گئے ہیں۔ موت کی حقیقی وجہ پوسٹ مارٹم رپورٹ سے سامنے آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حمیرا اصغر علی ڈیفنس کراچی لاش برآمد معروف اداکارہ وی نیوز
5 تا 10 جولائی ملک بھر میں شدید بارشوں اور سیلاب کا الرٹ جاری