بارش کے ممکنہ نقصان سے بچائو کیلیے مشترکہ حکمت عملی ناگزیر ہے
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
مٹیاری(نمائندہ جسارت)ڈپٹی کمشنر مٹیاری محمد یوسف شیخ نے کہا ہے کہ مون سون کے دوران ممکنہ نقصانات سے بچاؤ اور بروقت نکاسی آب کے مؤثر انتظامات کیلیے تمام متعلقہ محکموں، بلدیاتی نمائندوں اور اداروں کے درمیان مکمل رابطہ، تعاون اور مشترکہ حکمت عملی ناگزیر ہے۔انہوں نے یہ بات لطیف ہال، ڈپٹی کمشنر سیکرٹریٹ مٹیاری میں مون سون 2025ء کی پیشگی تیاریوں، ڈی سِلٹنگ اور ڈی واٹرنگ پلان سے متعلق بلدیاتی نمائندوں اور متعلقہ افسران کے ہمراہ منعقدہ ایک اہم اجلاس کی صدارت کرتے ہوئے کہی۔ڈپٹی کمشنر نے اجلاس سے خطاب کرتے ہوئے ہدایت دی کہ بارشوں سے قبل نالوں کی صفائی، مشینری کی دستیابی، عملے کی حاضری اور ہنگامی صورتحال سے نمٹنے کے لیے تمام تیاریاں بروقت مکمل کی جائیں۔ انہوں نے مزید کہا کہ بلدیاتی نمائندے اپنے اپنے علاقوں کے مسائل اور تجاویز ضلعی انتظامیہ کے ساتھ شیئر کریں تاکہ ایک مؤثر اور مشترکہ حکمت عملی کے تحت اقدامات کیے جا سکیں۔اجلاس کے دوران نکاسی آب کے نظام، نالوں کی صفائی، ڈی واٹرنگ پوائنٹس کی نشاندہی، ایمرجنسی رسپانس ٹیموں کی تیاری اور ضلعی سطح پر مربوط رابطہ کاری کے امور پر تفصیلی غور کیا گیا۔
.ذریعہ: Jasarat News
پڑھیں:
چاغی؛ رات 8 بجے کے بعد ڈبل سواری پر مکمل پابندی، نوٹیفکیشن جاری
سٹی 42 : ڈپٹی کمشنر چاغی نے اہم فیصلہ کرتے ہوئے ضلع بھر میں رات 8 بجے کے بعد ڈبل سواری پر مکمل پابندی عائد کردی ۔
ضلع انتظامیہ چاغی کی جانب سے نوٹیفکیشن جاری کردیا گیا ہے، جس کے مطابق پابندی کا مقصد امن و امان کو یقینی بنانا ہے, خلاف ورزی پر گرفتاری اور موٹر سائیکل ضبط ہوگی۔
ڈپٹی کمشنر چاغی کا کہنا ہے کہ یہ حکم فوری طور پر نافذ العمل ہوگا, شہریوں سے مکمل تعاون کی اپیل ہے۔
پنجابی کامیڈی فلم ’’سربالا جی‘‘ سینماؤں میں ریلیز ہوگی
کوٹری صنعتی زون کا فضلہ ملے پانی کی کراچی سپلائی کا انکشاف