پاکستان میں کریپٹو کرنسی کے حوالے سے اہم اقدام
اشاعت کی تاریخ: 11th, July 2025 GMT
ڈیجیٹل اثاثوں کی بڑھتی ہوئی اہمیت کے باعث پاکستان میں کرپٹو کرنسی کا نیا نظام متعارف کرادیا گیا ہے۔
نیو یارک کے آزاد میڈیا پلیٹ فارم"کوائن ٹیلی گراف میگزین "نے پاکستان کرپٹو کرنسی اور بلاک چین کے اقدامات کو سراہا جس میں پاکستان کرپٹو اثاثوں کو منظم کرنے کے لیے بٹ کوائن ذخائر قائم کرے گا۔
وزیر مملکت اور سی ای او پاکستان کرپٹو کونسل بلال بن ثاقب نے کہا کہ پاکستان میں موجود بٹ کوائنز کو قومی ذخیرے میں شامل کیا جائے گا جو کہ مالی استحکام کی طرف اہم سنگ میل ہے۔
کوائن ٹیلی گراف میگزین کی رپورٹ میں بتایا گیا کہ وزارت خزانہ، اسٹیٹ بینک اور ایس ای سی پی مل کر مظبوط کرپٹو فریم ورک کی تشکیل کریں گے۔
بلال بن ثاقب کا کہنا تھا کہ پاکستان اپنے بٹ کوائن ذخائر سے ڈی فائی کے ذریعے آمدن حاصل کرے گا۔ ڈیسینٹرلائزڈ فنانس پروٹوکولز کے تحت، کرپٹو کرنسی کی مدد سے مالی سرگرمیاں جیسے قرضہ جات اور لین دین بغیر کسی بینک کے سسٹم کے آسانی سے مکمل کی جا سکیں گی۔
بلال بن ثاقب کی مائیکرو اسٹریٹیجی کے بانی اور ایگزیکٹو چیئرمین مائیکل سیلر سے ملاقات ہوئی جس میں پاکستان کے اسٹریٹجک بٹ کوائن ریزرو میں مشیر بننے کی پیشکش زیر غور آئی۔
رپورٹ کے مطابق 2024 میں کرپٹوکرنسی اپنانے میں تیز رفتار پیشرفت کی وجہ سے پاکستان عالمی انڈیکس میں نواں نمبر پر آگیا ہے۔
.ذریعہ: Express News
کلیدی لفظ: بٹ کوائن
پڑھیں:
دبئی ایئرپورٹ پر کرپٹو کرنسی استعمال ہوسکے گی؟
دبئی ( نیوز ڈیسک)دبئی میں اب ایئر لائنز ٹکٹ کی خریداری میں کرپٹو کرنسی کا استعمال ہوسکے گا۔
اس حوالے سے دبئی ایئرپورٹ کے حکام کا عالمی کرپٹو حکام کے ساتھ معاہدہ ہوگیا ہے، جس کے تحت اماراتی ایئر لائنز کے ٹکٹس کی خریداری کیلئے کرپٹو کرنسی قابل قبول ہوگی۔
حکومت دبئی کے مطابق دبئی ڈیوٹی فری میں بھی کرپٹو کرنسی سے شاپنگ ممکن ہوگی۔
دبئی کے حکام پُرعزم ہیں کہ دبئی کا ڈیجیٹل وژن کرپٹو کرنسی سے مربوط ہوگا۔
مزید پڑھیں:ایشیا کپ ہاکی بھارت ،پاکستان ٹیم کاتحفظ یقینی بنائیں گے، رانا مشہود
وفاقی حکومت کے قرضے ملکی تاریخ کی نئی بلند ترین سطح پر پہنچ گئے