پہلی بار ماں بننے والی اداکارہ مریم نفیس نے نئی ماؤں کو کیا پیغام دیا؟
اشاعت کی تاریخ: 11th, July 2025 GMT
اداکارہ مریم نفیس نے نئی ماؤں کو وزن بڑھنے کی فکر کو نظر انداز کرنے کا مشورہ دیا ہے ان کا کہنا تھا کہ خوراک نئی ماؤں کی صحت یابی میں بہت اہم کردار ادا کرتی ہے۔ جو لوگ ڈیلیوری کے بعد کھانا چھوڑ دیتے ہیں، اُن کے بال جھڑنے لگتے ہیں۔
مریم نفیس نے حال ہی میں نجی ٹی وی کے پروگرام میں شرکت کی اور اپنے حمل اور ماں بننے کے سفر کے بارے میں کھل کر بات کی۔ ساتھ ہی انہوں نے نئی ماؤں کو مشورے بھی دیے۔
یہ بھی پڑھیں: ’ہماری دنیا اب اور بھی زیادہ حسین ہوگئی‘، مریم نفیس نے بیٹے کے ساتھ تصاویر شیئر کردیں
اداکارہ کا کہنا تھا کہ نئی مائیں جلد وزن کم کرنے کی فکر نہ کریں کیونکہ بعد میں بہت وقت ہوتا ہے اور دودھ پلانے والی ماؤں کا وزن تو ویسے ہی کم ہو جاتا ہے، جسم کو بعد میں بھی شیپ میں لایا جا سکتا ہے۔
انہوں نے بتایا کہ جو لوگ وزن کی کمی کے چکر میں کھانا پینا چھوڑ دیتے ہیں ان کے بال بھی جھڑنے لگتے ہیں لیکن میرے بال بھی نہیں جھڑے کیونکہ میں نے سپلیمنٹس لینا بند نہیں کیا اور ڈیلیوری کے بعد بھی کھانا نہیں چھوڑا ہمارا دن ایسے شروع ہوتا ہے کہ دوپہر کے کھانے میں کیا کھائیں گے اور رات کو کیا پکے گا؟
مریم نے بتایا کہ جب میں نے اپنی والدہ کو بتایا کہ میں اُمید سے ہوں، تو اُنہوں نے سب سے پہلے یہی کہا کہ اسے بیماری مت سمجھنا اور معمول کے مطابق زندگی گزارتے رہنا۔ انہوں نے بتایا کہ میری جم ٹرینر نے مشورہ دیا کہ وہی ورزشیں جاری رکھیں جو حمل سے پہلے کرتی تھیں، البتہ بھاری وزن اٹھانے سے گریز کریں۔ اس کے بعد میں نے یوگا، چہل قدمی، اور کام کے سلسلے میں سفر جیسی سرگرمیاں جاری رکھیں۔
یہ بھی پڑھیں: مریم نفیس کے شوہر امان احمد کس مشہور اداکارہ کے سابق داماد ہیں؟
اداکارہ نے بتایا کہ میرے شوہر کی مدد کے بغیر یہ سب آسان نہ ہوتا۔ امان ہر اپائنٹمنٹ پر میرے ساتھ گئے۔ بچے کی پیدائش کے بعد اپنے کام کے ساتھ ساتھ گھریلو کام سنبھالے اور بچے کی دیکھ بھال بھی کی مجھے کچھ کہنے کی ضرورت بھی نہیں پڑی۔
مریم نفیس کے شوہر امان نے شوہروں کو مشورہ دیتے ہوئے کہا کہ برتن دھونا ایک طرح کا علاج ہے میں نے محسوس کیا ہے۔ بس کوئی اچھی سی موسیقی لگائیں اور برتن دھونا شروع کریں آپ گہری سوچوں میں چلے جاتے ہیں اور کئی مسائل کا حل وہیں مل جاتا ہے۔
مریم نے حمل کے دوران عوامی نظروں میں رہنے کے دباؤ پر بھی بات کی، کہا مجھے اپنا پیٹ کیوں چھپانا ہے؟ یہ بالکل قدرتی بات ہے۔ کوئی آپ سے بے حیائی پھیلانے کو نہیں کہہ رہا، لیکن یہ فخر کی بات ہے۔ اُنہوں نے بتایا کہ اس جوڑے نے اپنی حمل کی خبر اُس وقت شیئر کی جب وہ “سیف زون” میں داخل ہو چکے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: مریم نفیس نے نے بتایا کہ کے بعد
پڑھیں:
جدہ، ایرانی وزیر خارجہ کی سعودی ولیعہد کیساتھ ملاقات
ایرانی وزارت خارجہ کے ترجمان نے اعلان کیا ہے کہ اپنے دورہ جدہ کے دوران ایرانی وزیر خارجہ نے سعودی ولی عہد و وزرائے خارجہ و دفاع کیساتھ نتیجہ خیز گفتگو کی ہے اسلام ٹائمز۔ برکس سربراہی اجلاس میں شرکت کے لئے برازیل کے دورے پر ایرانی وزیر خارجہ کے ہمراہ موجود وزارت خارجہ کے ترجمان اسمعیل بقائی نے سعودی ولیعہد محمد بن سلمان کے ساتھ ایرانی وزیر خارجہ سید عباس عراقچی کی ملاقات کو "نتیجہ خیز" قرار دیا ہے۔ اس حوالے سے جاری ہونے والے اپنے بیان میں اسمعیل بقائی نے بتایا کہ سید عباس عراقچی کی سربراہی میں ایرانی وفد نے جدہ میں مختصر قیام کیا جس کے دوران اعلی سعودی حکام کے ساتھ ہونے والی ملاقاتیں و گفتگو نتیجہ خیز رہی۔ انہوں نے بتایا کہ اس دوران سید عباس عراقچی و وفد نے سعودی ولی عہد محمد بن سلمان اور سعودی وزرائے خارجہ و دفاع کے ساتھ بھی ملاقاتیں کیں۔ انہوں نے مزید بتایا کہ فیصل بن فرحان اور خالد بن سلمان کے ساتھ مکہ مکرمہ میں سعودی وزارت خارجہ کے دفتر میں ملاقاتیں ہوئیں جن میں دوطرفہ تعلقات اور علاقائی صورتحال پر تفصیلی تبادلہ خیال کیا گیا۔
-
کراچی، 10 محرم الحرام کے مرکزی جلوس کی سیکیورٹی کے سخت انتظامات