پرویز الٰہی منی لانڈرنگ ‘ ایف آئی اے کو چالان جمع کرانے کی آخری مہلت
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور(اے پی پی) لاہور کی سپیشل سینٹرل عدالت نے سابق وزیراعلیٰ پنجاب چودھری پرویز الٰہی سمیت دیگر کے خلاف منی لانڈرنگ کیس میں ایف آئی اے کو چالان جمع کروانے کے لیے 18 اگست تک آخری موقع دے دیا۔ عدالت نے قرار دیا کہ کئی بار مہلت کے باوجود ایف آئی اے چالان پیش کرنے میں ناکام رہی ہے۔ پرویز الٰہی کے وکیل عامر سعید راں نے دلائل میں کہا کہ ایف آئی اے کے پاس کوئی ثبوت نہیں۔ ایف آئی اے حکام نے عدالت کو بتایا کہ بورڈ کی منظوری حاصل ہو چکی ہے، تاہم لیٹر جاری ہونا باقی ہے۔ ایف آئی اے کے وکیل نے پرویز الٰہی کی بریت کی درخواست پر دلائل دینے کے لیے ایک بار پھر مہلت مانگ لی، جس پر عدالت نے برہمی کا اظہار کرتے ہوئے آخری بار مہلت دیتے ہوئے حکم دیا کہ آئندہ سماعت پر دلائل پیش کیے جائیں۔ دوران سماعت چودھری پرویز الٰہی کی ایک روزہ حاضری معافی کی درخواست دائر کی گئی جسے عدالت نے منظور کرلیا۔
.
ذریعہ
ذریعہ: Jasarat News
کلیدی لفظ: پرویز ال ہی ایف آئی اے عدالت نے
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار