یورپی شہر پر 5 ڈرون حملے ممکن ہیں، ایران کے سابق اعلیٰ عہدیدار کی وارننگ
اشاعت کی تاریخ: 13th, July 2025 GMT
ایران کے ایک سابق اعلیٰ عہدیدار نے ہفتے کے روز خبردار کیا ہے کہ مستقبل قریب میں 5 ڈرون کسی یورپی شہر پر حملہ کر سکتے ہیں۔ ان کا کہنا تھا کہ ایران اور اسرائیل کے حالیہ تنازعے کے بعد مغربی ممالک کو خود کو محفوظ سمجھنا چھوڑ دینا چاہیے۔
ایرانی عدلیہ کے سابق سینیئر عہدیدار اور سپریم لیڈر کے مشیر محمد جواد لاریجانی نے سرکاری ٹیلی وژن پر بات کرتے ہوئے کہا کہ یورپین اب اپنے ہی ملکوں میں آرام سے نہیں گھوم سکتے۔’یہ بالکل ممکن ہے کہ مستقبل قریب میں پانچ ڈرون کسی یورپی شہر پر حملہ کریں۔‘
یہ بھی پڑھیں: مشرق وسطیٰ میں امریکا کے جنگی اثاثے کیا ہیں اور کہاں کہاں موجود ہیں؟
یہ بیان ایسے وقت میں سامنے آیا ہے جب اسلامی جمہوریہ ایران کو اس کے جوہری پروگرام پر بین الاقوامی دباؤ کا سامنا ہے، 2015 کے جوہری معاہدے کے فریق برطانیہ، فرانس اور جرمنی ممکنہ عدم تعمیل کی صورت میں ایران کیخلاف اقوام متحدہ کی پابندیاں دوبارہ نافذ کرنے پر غور کر رہے ہیں۔
اسی ماہ ایران نے اقوام متحدہ کی جوہری توانائی کی ایجنسی آئی اے ای اے کے معائنہ کاروں کو ملک سے نکال دیا اور ان پر الزام لگایا کہ وہ سیاسی آلہ کار ہیں اور انہوں نے اسرائیل و امریکا کے حالیہ حملوں میں ایران کی جوہری تنصیبات کو نشانہ بنانے کے لیے انٹیلیجنس فراہم کی۔
مزید پڑھیں: اردن میں امریکی فوجی اڈے پر ڈرون حملہ، 3فوجی ہلاک، 25 زخمی، امریکا کا ایرانی حمایت یافتہ عسکری گروپوں پر الزام
گزشتہ ہفتے، برطانوی پارلیمنٹ کی انٹیلیجنس و سیکیورٹی کمیٹی نے ایک رپورٹ جاری کی جس میں کہا گیا کہ ایران برطانیہ کی قومی سلامتی کے لیے روس اور چین کے برابر خطرہ بن چکا ہے۔
گزشتہ سال یورپی پارلیمنٹ نے بھی ایران سے درپیش خطرات کے بارے میں وارننگ جاری کرتے ہوئے کہا تھا کہ ایرانی حکومت کا یورپ میں دہشت گرد نیٹ ورکس کا استعمال ہماری داخلی سلامتی کے لیے سنگین خطرہ ہے۔
مزید پڑھیں: ایران کے تباہ کن تھرڈ جنریشن ’خیبر شکن‘ میزائل کی خصوصیات کیا ہیں؟
یورپ کے لیے جواد لاریجانی کی یہ وارننگ ایسے وقت آئی ہے جب چند روز قبل انہوں نے دعویٰ کیا تھا کہ سابق امریکی صدر ڈونلڈ ٹرمپ کو فلوریڈا میں چھٹیاں مناتے ہوئے ڈرون حملے کا نشانہ بنایا جا سکتا ہے۔
’صدر ٹرمپ نے ایران کے خلاف اسرائیل کی جنگ کی حمایت کر کے ایسا کچھ کیا ہے کہ وہ اب مار-اے-لاگو کے سورج میں سکون سے لیٹ نہیں سکتے۔ ’جب وہ دھوپ میں پیٹ کے بل لیٹے ہوں، تو ایک چھوٹا سا ڈرون انہیں نشانہ بناسکتاہے، یہ بالکل آسان ہے۔‘
’اسرائیل اور امریکا دوبارہ حملہ کر سکتے ہیں‘
جواد لاریجانی نے خدشہ ظاہر کیا ہے کہ امریکا اور اسرائیل ایران پر دوبارہ حملے کی کوشش کریں۔ ’امریکا اور اسرائیل جانتے ہیں کہ اگر انہوں نے دوبارہ حملہ کیا تو ہمارا جواب اس بار زیادہ سخت اور غیر متوقع ہوگا، امریکا بہت احتیاط سے حساب لگا رہا ہے۔‘
انہوں نے 13 جون کو ایران پر ہونے والے اچانک حملے کا ذکر کرتے ہوئے کہا کہ یہ جنگ اس وقت شروع ہوئی جب ہمیں حیرت کا سامنا ہوا، ہمیں توقع نہیں تھی کہ اس طرح کی جدید ٹیکنالوجی استعمال کی جائے گی۔ ’انہوں نے ایران کے اندر متعدد ایجنٹ داخل کر دیے تھے۔‘
جواد لاریجانی نے بتایا کہ جنگ کے بعد 700 سے زائد ایرانیوں کو اسرائیل کی حمایت کے الزام میں گرفتار کیا گیا ہے۔ ’دشمن اب اپنے پرانے طریقوں پر انحصار نہیں کر سکتا، اس بار ہم حیران نہیں ہوں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی اے ای اے اسرائیل اقوام متحدہ امریکا ایجنٹ برطانیہ جرمنی جواد لاریجانی جوہری تنصیبات جوہری توانائی فرانس قومی سلامتی.ذریعہ: WE News
کلیدی لفظ: ا ئی اے ای اے اسرائیل اقوام متحدہ امریکا ایجنٹ برطانیہ جواد لاریجانی جوہری تنصیبات جوہری توانائی قومی سلامتی جواد لاریجانی انہوں نے ایران کے کے لیے
پڑھیں:
یوکرین کا روسی آئل پورٹ پر ڈرون حملہ، غیرملکی جہازوں کو نقصان
ماسکو:(ویب ڈیسک)یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا