پنجاب میں مون سون کی شدت برقرار، مختلف شہروں میں موسلا دھار بارشیں، انتظامیہ الرٹ
اشاعت کی تاریخ: 23rd, July 2025 GMT
پنجاب بھر میں مون سون بارشوں کا سلسلہ زوروں پر ہے۔ ترجمان پی ڈی ایم اے کے مطابق گزشتہ 24 گھنٹوں کے دوران صوبے کے بیشتر اضلاع میں موسلا دھار بارشیں ریکارڈ کی گئیں۔
اٹک میں 125 ملی میٹر، جہلم میں 120، راولپنڈی 88، منگلا 72، شیخوپورہ 70 اور نارووال میں 64 ملی میٹر بارش ہوئی۔
یہ بھی پڑھیں:بابوسر سیلاب: 15 افراد تاحال لاپتا، گلگت بلتستان کا سفر نہ کرنے کی ہدایت
لاہور میں تقریباً 100 ملی میٹر، گجرانوالہ میں 40، فیصل آباد 43 اور میانوالی میں 42 ملی میٹر بارش ریکارڈ کی گئی۔
حافظ آباد، لیہ، بھکر، سیالکوٹ، ٹوبہ ٹیک سنگھ، منڈی بہاؤالدین، سرگودھا، اوکاڑہ، قصور اور کمالیہ سمیت دیگر اضلاع میں بھی بارشیں ہوئیں۔
شدید بارشوں کی پیش گوئی، ندی نالوں میں طغیانی کا خدشہ
پی ڈی ایم اے نے دریاؤں کے بالائی علاقوں میں مزید موسلا دھار بارشوں کی پیش گوئی کرتے ہوئے نشیبی علاقوں کے ندی نالوں میں طغیانی اور مری کے پہاڑی علاقوں میں لینڈ سلائیڈنگ کے خطرے کا انتباہ جاری کیا ہے۔
لاہور، راولپنڈی، فیصل آباد، گوجرانوالہ، ملتان، ساہیوال، بہاولپور، ڈی جی خان اور دیگر شہروں میں بھی تیز بارشوں کی پیش گوئی کی گئی ہے۔
ضلعی انتظامیہ کو فیلڈ میں رہنے کا حکم
ڈی جی پی ڈی ایم اے عرفان علی کاٹھیا نے تمام اضلاع کو ہدایت جاری کی ہے کہ عملہ اور مشینری ہائی الرٹ رکھی جائے۔
ڈپٹی کمشنرز، واسا، میونسپل ادارے نشیبی علاقوں سے پانی کی نکاسی کو یقینی بنائیں۔ متعلقہ افسران بارش کے دوران فیلڈ میں موجود رہیں، سرگرمیوں کی نگرانی کریں۔
یہ بھی پڑھیں:پانی میں بہہ جانے والے کرنل اور بیٹی کی تلاش کے لیے ریسکیو آپریشن کیسے کیا جا رہا ہے؟
کسانوں، سیاحوں اور مسافروں کو موسمی صورتحال کے پیش نظر محتاط رہنے کی ہدایت دی گئی ہے۔
طوفانی بارشیں کچے مکانات کو نقصان پہنچا سکتی ہیں، شہری محفوظ مقامات پر رہیں اور ہنگامی صورتِ حال میں پی ڈی ایم اے ہیلپ لائن 1129 پر کال کریں۔
نقصانات اور پانی کی صورتحال کا احاطہ
وزیر اعلیٰ پنجاب مریم نواز کی ہدایت پر پی ڈی ایم اے نے مون سون فیکٹ شیٹ جاری کر دی ہے جس میں بارشوں، دریاؤں اور بیراجز میں پانی کی سطح سمیت نقصانات کی تفصیلات دی گئی ہیں۔
رپورٹ کے مطابق رواں سال مون سون بارشوں سے 135 افراد جاں بحق، 485 زخمی اور 158 مکانات متاثر ہوئے۔ زیادہ تر اموات کچے مکانات کے گرنے، آسمانی بجلی، کرنٹ لگنے اور دریاؤں میں ڈوبنے سے ہوئیں۔
پانی کی سطح اور ممکنہ سیلابی صورتحال
دریائے سندھ میں تربیلا، کالا باغ، چشمہ اور تونسہ جبکہ دریائے چناب میں خانکی کے مقام پر نچلے درجے کے سیلاب کی صورتحال ہے۔
منگلا ڈیم میں پانی کا ذخیرہ 51 فیصد اور تربیلا میں 79 فیصد ہے جبکہ انڈین ڈیمز میں پانی کی سطح تقریباً 36 فیصد ہے۔
لاہور، سیالکوٹ، فیصل آباد اور گوجرانوالہ میں اربن فلڈنگ کا خدشہ ہے، انتظامیہ کو الرٹ رہنے کی ہدایت دی گئی ہے۔
ضوابط پر سختی سے عملدرآمد کی ہدایت
پی ڈی ایم اے نے خبردار کیا ہے کہ حکومت پنجاب کی جانب سے دریاؤں، نہروں اور برساتی نالوں میں نہانے پر مکمل پابندی عائد ہے، خلاف ورزی پر سخت کارروائی کی جائے گی۔
خراب موسم میں غیر ضروری سفر سے اجتناب، بجلی کی تاروں سے دوری اور بوسیدہ مکانات سے اجتناب کی ہدایت دی گئی ہے۔
لاہور میں شدید بارش، ڈی سی لاہور متحرک
لاہور میں شدید بارش کے بعد ڈپٹی کمشنر لاہور سید موسیٰ رضا متحرک ہو گئے۔ انہوں نے شادمان، قذافی اسٹیڈیم، لکشمی چوک اور دیگر علاقوں کا دورہ کیا۔
واسا کے ڈسپوزل اسٹیشنز مکمل استعداد سے کام کر رہے ہیں جبکہ نکاسی آب کا عمل تیزی سے جاری ہے۔
ڈی سی لاہور نے تمام اسسٹنٹ کمشنرز کو اپنے علاقوں میں نکاسی آب کی خود نگرانی کرنے کی ہدایت کی ہے۔
شہریوں کو غیر ضروری سفر اور بجلی کی تنصیبات سے دور رہنے کی ہدایت بھی جاری کی گئی ہے۔
تمام محکموں کو 24 گھنٹے الرٹ رہنے کا حکم دیا گیا ہے تاکہ عوام کو کم سے کم مشکلات کا سامنا ہو۔ شہری کسی بھی ہنگامی صورتحال میں 1129 پر رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ پنجاب لاہور مون سون واسا.ذریعہ: WE News
کلیدی لفظ: اربن فلڈنگ لاہور واسا پی ڈی ایم اے ملی میٹر کی ہدایت پانی کی گئی ہے کی گئی
پڑھیں:
کراچی؛ مختلف علاقوں میں مبینہ پولیس مقابلوں کے دوران 4 ملزمان زخمی حالت میں گرفتار
کراچی:مختلف علاقوں میں پولیس اور اسٹریٹ کرمنلز کے درمیان مقابلوں کے دوران 4 ملزمان زخمی حالت میں گرفتار کر لیے گئے۔ پولیس نے ملزمان کے قبضے سے اسلحہ، موبائل فونز، نقدی اور چھینی گئی موٹرسائیکل برآمد کرلی۔
تفصیلات کے مطابق ضلع ملیر ابراہیم حیدری کے علاقے بےنظیر چوک کے قریب گشت پر مامور پولیس پارٹی پر مسلح ملزمان نے فائرنگ کردی۔ پولیس کی جوابی کارروائی میں ایک ملزم علی حسن عرف علی شیدی زخمی حالت میں گرفتار ہوا جبکہ اس کا ساتھی فرار ہونے میں کامیاب ہوگیا۔
ترجمان ضلع ملیر پولیس کے مطابق ملزم کے قبضے سے ایک پستول بمعہ ایمونیشن، موبائل فونز اور نقدی برآمد ہوئی۔ گرفتار ملزم کو طبی امداد کے لیے جناح اسپتال منتقل کردیا گیا ہے جبکہ اسلحہ فرانزک کے لیے روانہ کر دیا گیا ہے اور فرار ملزم کی گرفتاری کے لیے چھاپے مارے جارہے ہیں۔
دوسری جانب ڈسٹرکٹ ساؤتھ پولیس کا ڈیفنس کے علاقے کورنگی کریک روڈ پر پولیس اور ملزمان کے درمیان فائرنگ کا تبادلہ ہوا، مبینہ مقابلے کے نتیجے میں ملزم نبیل احمد ولد شیر محمد زخمی حالت میں گرفتار کرلیا گیا جبکہ اس کا ساتھی تاریکی کا فائدہ اٹھاتے ہوئے موقع سے فرار ہوگیا، ملزم کے قبضے سے ایک 30 بور پستول گولیاں، میگزین اور موبائل فون برآمد ہوئے۔
اسی طرح ڈسٹرکٹ سینٹرل کے علاقے تیموریہ میں پولیس نے چیکنگ کے دوران موٹرسائیکل سوار دو مشتبہ افراد کو رکنے کا اشارہ کیا، جنہوں نے فرار ہونے کی کوشش کے دوران پولیس پر فائرنگ کردی، پولیس کی جوابی فائرنگ کے دوران دونوں ملزمان زخمی حالت میں گرفتار کرلیے گئے۔
ملزموں کو چھیپا ایمبولنس کے زریعے عباسی شہید اسپتال منتقل کیا گیا جہاں ملزمان کی شناخت عمران قریشی ولد یعقوب قریشی اور محمد مبارک ولد محمد طفیل کے ناموں سے کرلی گئی۔ پولیس کے مطابق ملزمان کے قبضے سے ناجائز اسلحہ، پانچ موبائل فونز اور تھانہ جمشید کوارٹر کی حدود سے چھینی گئی موٹرسائیکل برآمد ہوئی۔
گلشن اقبال اردو یونیورسٹی طعیبہ مسجد کے قریب پولیس مقابلے کے دوران ایک ملزم زخمی حالت میں گرفتار کرلیا گیا۔ زخمی ملزم کو چھیپا ایمبولنس کے ذریعے سول اسپتال منتقل کیا گیا جہاں اس کی شناخت محمد عدنان ولد ولایت حسین کے نام سے ہوئی ہے، پولیس حکام کے مطابق زخمی ملزم کا کریمنل ریکارڈ چیک کیا جارہا ہے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟