ہریدوار: مانسا دیوی مندر میں بھگدڑ، 6 افراد ہلاک، متعدد زخمی
اشاعت کی تاریخ: 27th, July 2025 GMT
بھارتی ریاست اتراکھنڈ کے مقدس شہر ہریدوار میں واقع مانسا دیوی مندر میں بھگدڑ کے باعث 6 افراد ہلاک جبکہ کئی دیگر زخمی ہو گئے۔
بھگدڑ مندر کی جانب جانے والی سیڑھیوں پر اس وقت مچی جب زائرین کی بڑی تعداد موجود تھی۔
VIDEO | Haridwar, Uttarakhand: Stampede-like situation at Mansa Devi Temple. Injured admitted to the hospital; casualties feared.
(Full video available on PTI Videos- https://t.co/dv5TRAShcC) pic.twitter.com/gQ5SdtXjaR
— Press Trust of India (@PTI_News) July 27, 2025
یہ واقعہ ہندوؤں کے مقدس مہینے ساون کے دوران پیش آیا، جب ہریدوار سمیت دیگر زیارت گاہوں پر بڑی تعداد میں عقیدت مند جمع ہوتے ہیں۔
خاص طور پر کانوریے، جو گنگا سے پانی لینے کے لیے آتے ہیں، ان دنوں شہر میں موجود ہوتے ہیں۔
یہ بھی پڑھیں:بھارت: پوجا کرنے پر دلت نوجوان پر تشدد، مندر کی گھنٹی سے حملہ
منظر عام پر آنے والی ویڈیوز میں دیکھا جا سکتا ہے کہ زخمیوں کو ایمبولینسوں کے ذریعے اسپتال منتقل کیا جا رہا ہے اور کئی افراد زیر علاج ہیں۔
وزیراعلیٰ پشکر دھامی نے واقعے پر اظہار افسوس کرتے ہوئے کہا ہے کہ مانسا دیوی مندر کے راستے میں بھگدڑ کی خبر انتہائی افسوسناک ہے۔
ان کا کہنا تھا کہ یو کے ایس ڈی آر ایف، مقامی پولیس اور دیگر ریسکیو ٹیمیں موقع پر پہنچ چکی ہیں اور امدادی کارروائیاں جاری ہیں۔
انہوں نے مزید کہا کہ مَیں مسلسل ضلعی انتظامیہ سے رابطے میں ہوں اور صورت حال پر نظر رکھی جا رہی ہے۔ میں ماں مانسا سے تمام عقیدت مندوں کی خیریت کے لیے دعاگو ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتراکھنڈ مانسا دیوی مندر ہریدوار
ذریعہ
ذریعہ: WE News
کلیدی لفظ: اتراکھنڈ مانسا دیوی مندر ہریدوار مانسا دیوی مندر
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ