’اپنی چھت اپنا گھر اسکیم‘ کے تحت قرضوں کی فراہمی کا حجم بڑھا دیا گیا
اشاعت کی تاریخ: 27th, July 2025 GMT
پنجاب حکومت نے ’اپنی چھت اپنا گھر‘ پروگرام کے تحت بلاسود قرضہ جات کی فراہمی کے حجم میں نمایاں اضافہ کردیا ہے، جس کا مقصد 2028 تک 5 لاکھ خاندانوں کو ذاتی گھر کی تعمیر کے لیے مالی مدد فراہم کرنا ہے۔
یہ فیصلہ سیکریٹری ہاؤسنگ نورالامین مینگل کی زیر صدارت ہونے والے ایک اہم اجلاس میں کیا گیا، جس میں ڈی جی پھاٹا سکندر ذیشان نے پروگرام کی اب تک کی پیش رفت پر تفصیلی بریفنگ دی۔
یہ بھی پڑھیں: وزیرِ اعلیٰ پنجاب نے ’اپنی چھت اپنا گھر پروگرام‘ کے لیے 62 ارب روپے کی منظوری دیدی
سیکریٹری ہاؤسنگ نے اجلاس کے دوران بتایا کہ اب تک 60 ہزار سے زیادہ خاندان اس اسکیم سے مستفید ہو چکے ہیں، جبکہ حکومت کو پروگرام کے آغاز سے لے کر اب تک 15 لاکھ سے زیادہ درخواستیں موصول ہو چکی ہیں۔
نورالامین مینگل کے مطابق سال 25-2024 کے لیے قرضوں کی فراہمی کا ہدف 47 ہزار خاندان تھا، تاہم ہدف سے بڑھ کر 51 ہزار سے زیادہ خاندانوں کو قرضہ جات جاری کیے جا چکے ہیں، جو اس اسکیم کی کامیابی کا واضح ثبوت ہے۔
انہوں نے مزید کہاکہ وزیراعلیٰ پنجاب کی ہدایت پر قرضوں کی تقسیم بلاامتیاز اور شفاف طریقے سے جاری ہے، اور نئے مکان مالکان سے ملاقات کے دوران ان کے چہروں پر خوشی اور اطمینان دیکھ کر اس منصوبے کی افادیت مزید واضح ہو جاتی ہے۔
یہ بھی پڑھیں: ’کوشش ہے کہ پنجاب کا کوئی شہری بغیر چھت کے نہ رہے‘، وزیراعلیٰ پنجاب
حکام کے مطابق آئندہ سالوں میں اس پروگرام کا دائرہ مزید بڑھایا جائے گا تاکہ متوسط اور کم آمدنی والے خاندانوں کو اپنے ذاتی گھر کا خواب پورا کرنے میں آسانی میسر آ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپنی چھت اپنا گھر بلاسود قرضے پنجاب حکومت سیکریٹری ہاؤسنگ مریم نواز وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: اپنی چھت اپنا گھر بلاسود قرضے پنجاب حکومت سیکریٹری ہاؤسنگ مریم نواز وی نیوز اپنی چھت اپنا گھر کے لیے
پڑھیں:
فیس بک صارفین اب مفت ویریفائیڈ بلیو ٹک حاصل کر سکتے ہیں، میٹا کا نیا پروگرام متعارف
میٹا نے فیس بک صارفین کے لیے ایک نئے ویریفکیشن پروگرام کا اعلان کیا ہے، جس کے تحت اہل صارفین بغیر کسی فیس کے اپنی پروفائل پر ایک خصوصی ویریفائیڈ ٹک حاصل کر سکیں گے۔
کمپنی کے مطابق اس پروگرام کا مقصد یہ ثابت کرنا ہے کہ متعلقہ اکاؤنٹ کسی حقیقی انسان کا ہے، جس سے جعلی اکاؤنٹس کی نشاندہی اور پلیٹ فارم پر اعتماد میں اضافہ کیا جا سکے گا۔
یہ بھی پڑھیں:اپنی انسٹاگرام تصاویر کو میٹا کے اے آئی سے بچانا چاہتے ہیں؟ صرف ایک سیٹنگ تبدیل کرکے خود کو محفوظ بنائیں
میٹا کا کہنا ہے کہ اس عمل کے لیے جدید چہرہ شناختی ٹیکنالوجی استعمال کی جائے گی، جس کے ذریعے صارف کی سیلفی کا اس کی موجودہ پروفائل تصاویر سے موازنہ کیا جائے گا۔ اگر شناخت کی کامیابی سے تصدیق ہو جائے تو چند منٹوں کے اندر ویریفائیڈ ٹک جاری کر دیا جائے گا۔
ویریفائیڈ ٹک کن افراد کو مل سکے گا؟کمپنی کے مطابق اس پروگرام سے صرف وہی افراد فائدہ اٹھا سکیں گے جن کی عمر 18 سال یا اس سے زیادہ ہوگی۔ شناخت کی تصدیق مکمل ہونے کے بعد یہ ویریفائیڈ ٹک فیس بک کے مختلف حصوں میں صارف کے نام کے ساتھ ظاہر ہوگا۔
البتہ میٹا نے واضح کیا ہے کہ یہ نشان روایتی ’بلیو ٹک‘ نہیں ہوگا، بلکہ اس کا مقصد صرف یہ ظاہر کرنا ہے کہ متعلقہ پروفائل ایک حقیقی فرد کی ہے۔ اس ویریفکیشن کو کسی شخص کی ساکھ، اعتبار یا قابلِ اعتماد ہونے کی ضمانت تصور نہیں کیا جائے گا۔
بلیو ٹک کے لیے سبسکرپشن کب متعارف کرائی گئی؟یاد رہے کہ میٹا نے فروری 2023 میں میٹا ویریفائیڈ سروس متعارف کرائی تھی، جس کے تحت فیس بک اور انسٹاگرام صارفین ماہانہ سبسکرپشن فیس ادا کرکے بلیو ٹک، اضافی اکاؤنٹ سیکیورٹی اور دیگر خصوصی سہولیات حاصل کر سکتے ہیں۔ بعد ازاں اس سروس کو مرحلہ وار دنیا کے مختلف ممالک میں متعارف کرایا گیا۔
مزید پڑھیں:واٹس ایپ میں یوزر نیم بنانے کی سہولت: سیکیورٹی خدشات کا اظہار اور میٹا کی وضاحت
نیا مفت ویریفکیشن پروگرام اس سبسکرپشن سروس سے مختلف ہے، کیونکہ اس کے ذریعے صارفین کو صرف یہ تصدیقی نشان دیا جائے گا کہ اکاؤنٹ ایک حقیقی انسان کا ہے، جبکہ بامعاوضہ ’میٹا ویریفائیڈ‘ کے ساتھ دستیاب دیگر سہولیات اس پروگرام کا حصہ نہیں ہوں گی۔
جعلی اکاؤنٹس کے خلاف اہم قدمماہرین کے مطابق میٹا کا یہ اقدام جعلی اور خودکار اکاؤنٹس کی روک تھام، صارفین کی شناخت کے بہتر تحفظ اور پلیٹ فارم پر شفافیت بڑھانے کی کوششوں کا حصہ ہے۔ اگر یہ پروگرام کامیاب ثابت ہوا تو مستقبل میں مزید صارفین کے لیے شناختی تصدیق کا عمل پہلے سے زیادہ آسان اور تیز ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلیو ٹک جعلی اکاؤنٹس خود کار اکاؤنٹس سبسکرپشن شناختی ٹیکنالوجی فیس بک میٹا وریفائیڈ سروس متعارف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم