جشنِ آزادی ’معرکہ حق‘ تھیم کے ساتھ شایانِ شان طریقے سے منایا جائے گا، وزیراعلیٰ سندھ
اشاعت کی تاریخ: 28th, July 2025 GMT
وزیر اعلیٰ سندھ مراد علی شاہ نے کہا ہے کہ جشنِ آزادی اس سال معرکہ حق کے تھیم سے شایانِ شان طریقے سے منایا جائے گا۔
وزیراعلیٰ سندھ سید مراد علی شاہ کی زیرصدارت جشن آزادی معرکہ حق کی تقریبات کے حوالے سے اہم اجلاس ہوا۔ جس میں ملک کے بینکوں کے صدور/ سی ای اوز، ممتاز صنعتکاروں اور تاجر برادری کے رہنماؤں نے شرکت کی۔
اجلاس میں سینئر وزیر شرجیل انعام میمن، وزیر بلدیات سعید غنی، وزیر صنعت جام اکرام دھاریجو، چیف سیکریٹری سندھ آصف حیدر شاہ، سیکریٹری وزیراعلیٰ سندھ رحیم شیخ، کمشنر کراچی حسن نقوی اور دیگر بھی شریک تھے۔
اس موقع پر وزیر اعلیٰ سندھ نے کہا کہ جشنِ آزادی اس سال معرکہ حق کے تھیم سے شایانِ شان طریقے سے منایا جائے گا۔ میں چاہتا ہوں تمام بینکرز، ملک کے ممتاز صنعتکار جشنِ آزادی کو منانے میں اپنا کردار ادا کریں۔
سید مراد علی شاہ نے کہا جشنِ آزادی کی تقریبات میں سرکاری، نیم سرکاری اور نجی عمارتوں کو خوبصورت لائٹوں سے روشن کیا جائے گا، ریلیاں اور پریڈز، کھیلوں کی سرگرمیاں، تعلیمی اداروں میں مختلف تقاریب، ٹاک شوز اور مالز میں تقریبات منعقد کی جائیں گی۔
انھوں نے کہا محکمہ ثقافت 13 اگست کو نیشنل اسٹیڈیم میں عوامی کنسرٹ اور فائر ورک منعقد کر رہی ہے، 13 اگست کو سی ویو اور شاہراہ فیصل پر ثقافتی انداز میں ریلیاں نکالی جائیں گی۔ کیپٹن سرور شہید اسپورٹس گالا گلستانِ جوہر میں محکمہ کھیل 13 اگست کو منعقد کرے گی۔
وزیراعلیٰ سندھ نے کہا کہ کے ایم سی جہانگیر کوٹھاری پر کنسرٹ اور فائر ورک کرے گی، محکمہ کھیل نشان پاکستان اور دو دریا پر میراتھون 10 اگست کو، گدھا گاڑی ریس سی ویو پر 10 اگست کو منعقد کرے گی۔ محکمہ فشریز بوٹ ریس پورٹ اور کیماڑی پر 9 اگست کو منعقد کی جائے گی۔
انھوں نے کہا وومن بائیک ریلی محکمہ ثقافت 13 اگست کو شہر سے چوکنڈی قبرستان تک منعقد ہوگا، محکمہ کھیل 13 اگست کو سائیکل ریس فیرئیر ہال سے مزار قائد تک منعقد کرے گی۔ محکمہ ثقافت حیدر آباد کلب میں میوزیکل اینڈ کلچرل شو 8 اگست کو کروائے گی۔ میوزیکل و کلچرل کنسرٹ سکھر میونسپل اسٹیڈیم میں 8 اگست کو ہوگا۔
بینکرز اور صنعتکار سینئر وزیر شرجیل انعام میمن کی سربراہی میں وزرا کی کمیٹی کے ساتھ اجلاس منعقد کریں گے، جس میں میں صنعتکار اور بینکرز جشن آزادی کے پروگراموں کو حتمی شکل دیں گے۔
تمام بینکرز اور صنعتکاروں نے وزیراعلیٰ کو جشنِ آزادی کی تقریبات میں بھرپور تعاون کی یقین دہانی کروائی۔
.
ذریعہ
ذریعہ: Jang News
کلیدی لفظ: معرکہ حق جائے گا اگست کو نے کہا کرے گی
پڑھیں:
5 اگست کو پاکستان تحریک انصاف کیا کرنے جا رہی ہے؟
پاکستان تحریک انصاف (پی ٹی آئی) کے بانی اور سابق وزیراعظم عمران خان کی اڈیالہ جیل میں قید کے 3 سال مکمل ہونے پر پارٹی 5 اگست کو احتجاجی پروگرام پر غور کر رہی ہے تاہم پارٹی ذرائع کے مطابق اس حوالے سے مرکزی قیادت کے اندر ابھی تک مکمل اتفاق رائے نہیں ہو سکا جس کے باعث حتمی احتجاجی کال جاری نہیں کی گئی۔
یہ بھی پڑھیں: 5 اگست کے احتجاج پر پی ٹی آئی کی واضح حکمت عملی اب تک سامنے نہ آسکی
پارٹی ذرائع کا کہنا ہے کہ عمران خان کی ہمشیرہ علیمہ خان اڈیالہ جیل کے باہر بھرپور احتجاج کی حامی ہیں۔ ان کے مؤقف کے مطابق پارٹی کے ارکان قومی و صوبائی اسمبلی، سینیٹرز اور کارکنوں کو جیل کے باہر جمع ہونا چاہیے تاکہ عمران خان کی قید کے خلاف مؤثر پیغام دیا جا سکے۔
دوسری جانب ذرائع کے مطابق پارٹی کے بعض سینیئر رہنما، جن میں چیئرمین بیرسٹر گوہر علی خان بھی شامل ہیں، لاہور میں احتجاج یا کسی متبادل پروگرام کے حق میں دکھائی دیتے ہیں۔
بڑی احتجاجی کال پر تحفظاتپارٹی ذرائع کے مطابق متعدد ارکان قومی و صوبائی اسمبلی نے قیادت کو آگاہ کیا ہے کہ مہنگائی، مقدمات کے خدشات اور مسلسل احتجاجی سرگرمیوں کے باعث عوام پہلے جیسی تعداد میں سڑکوں پر آنے کے لیے تیار نہیں۔
ذرائع کے مطابق بعض رہنماؤں کی رائے ہے کہ ہر رکن اپنے اپنے حلقے میں علامتی یا ٹوکن احتجاج کرے اور عوام کو یہ پیغام دے کہ عمران خان کی قید کو 3 سال مکمل ہو گئے ہیں۔
مزید پڑھیے: اڈیالہ جیل کے باہر ہنگامہ آرائی، پی ٹی آئی میں انتشار کھل کر سامنے آگیا، جماعت کے سیاسی کلچر پر سنگین سوالات
پارٹی کے ایک حلقے کی جانب سے یہ تجویز بھی سامنے آئی ہے کہ 5 اگست کو کسی بڑے احتجاجی پروگرام سے گریز کیا جائے تاکہ کارکنوں اور رہنماؤں کو مزید گرفتاریوں اور مقدمات کا سامنا نہ کرنا پڑے۔
ذرائع کے مطابق ابھی تک یہ طے نہیں ہو سکا کہ احتجاج، ریلی، جلسہ یا کسی اور شکل میں ہوگا۔ علیمہ خان کی اڈیالہ جیل کے باہر احتجاج کی تجویز پر بھی پارٹی کے بیشتر رہنما متفق نہیں جبکہ متعدد رہنما محدود یا علامتی احتجاج کے حق میں ہیں۔
9 مئی کے بعد بڑا احتجاج منظم نہ ہو سکاپارٹی ذرائع کے مطابق 9 مئی 2023 کے واقعات کے بعد پی ٹی آئی بڑے پیمانے پر کوئی کامیاب احتجاجی تحریک منظم نہیں کر سکی۔
26 نومبر کو خیبر پختونخوا کے سابق وزیراعلیٰ علی امین گنڈاپور اور بشریٰ بی بی کی قیادت میں عمران خان کی رہائی کے لیے اسلام آباد کی جانب مارچ کیا گیا تاہم یہ احتجاج کسی واضح نتیجے کے بغیر ختم ہو گیا۔
مزید پڑھیں: پی ٹی آئی کا علیمہ خان اور بشریٰ بی بی کو ایکسپوز کرنے کا فیصلہ، اقبال آفریدی سے عہدہ واپس
اس احتجاج کے بعد پارٹی کے متعدد کارکنوں اور رہنماؤں کی گرفتاریاں ہوئیں جس کے بعد پارٹی کسی بڑے احتجاجی منصوبے کا اعلان نہیں کر سکی۔ اس دوران مختلف مواقع پر ریلیاں اور مظاہرے بھی کیے گئے تاہم حکومتی اقدامات اور دیگر عوامل کے باعث وہ مطلوبہ نتائج حاصل نہ کر سکے۔
عمران خان کی قید کو 3 سال مکملعمران خان 5 اگست 2023 سے اڈیالہ جیل میں قید ہیں۔ اس عرصے کے دوران ان کے خلاف متعدد مقدمات درج کیے گئے جنہیں پاکستان تحریک انصاف سیاسی انتقام قرار دیتی ہے۔
پارٹی کی جانب سے مختلف مواقع پر عمران خان کی صحت، خصوصاً آنکھوں کے مسائل، اہلخانہ اور وکلا سے ملاقاتوں میں مبینہ رکاوٹوں اور عدالتی احکامات پر عمل درآمد سے متعلق تحفظات کا اظہار بھی کیا جاتا رہا ہے۔
5 اگست کی روایت برقرار رہے گی؟گزشتہ برسوں میں پاکستان تحریک انصاف 5 اگست کو مختلف شہروں میں احتجاج، ریلیوں اور پرامن مظاہروں کے ذریعے عمران خان کی رہائی کے مطالبات اٹھاتی رہی ہے۔
یہ بھی پڑھیے: خیبرپختونخوا میں پی ٹی آئی کے بڑھتے اندرونی اختلافات سے پشاور کے عوام پریشان
ذرائع کے مطابق اس سال بھی ضلعی سطح پر مشاورت اور تیاریاں جاری ہیں تاہم مرکزی قیادت کی جانب سے ملک گیر احتجاج یا کسی بڑے پروگرام کے بارے میں حتمی فیصلہ ابھی سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل بشریٰ بی بی پاکستان تحریک انصاف پی ٹی آئی پی ٹی آئی کا 5 اگست کو احتجاج علی امین گنڈاپور عمران خان کے قید میں 3 برس
ٹی20 ورلڈ کپ 2026: پاکستان نے سپر 8 کے لیے جگہ پکی کر لی