روس کی سرکاری ایئر لائن نے سائبر حملے کے بعد درجنوں پروازیں منسوخ کر دیں
اشاعت کی تاریخ: 29th, July 2025 GMT
روس کی سرکاری ایئر لائن ایروفلوٹ نے الیکٹرانک سسٹمز میں خرابی کے باعث درجنوں پروازیں منسوخ کر دی ہیں، جس کی ذمہ داری بعد میں یوکرینی اور بیلاروسی ہیکرز نے ایک مربوط سائبر حملے کے طور پر قبول کی ہے۔
ایروفلوٹ نے ایک بیان میں کہا کہ انہیں اپنی خدمات تک رسائی میں مشکلات کا سامنا ہے اور پروازوں کے شیڈول میں تبدیلیاں کرنا پڑی ہیں، جس سے مسافروں کو تاخیر اور منسوخی کا سامنا ہو رہا ہے۔ ایئر لائن نے مسافروں سے درخواست کی ہے کہ وہ ہوائی اڈوں کی ویب سائٹس، اطلاعاتی بورڈز اور عوامی اعلانات پر تازہ ترین معلومات حاصل کرتے رہیں۔
ٹیکنیکل ٹیم نے فوری طور پر پروازوں پر اثرات کو کم کرنے اور خدمات کو جلد از جلد معمول پر لانے کے لیے کام شروع کر دیا ہے۔ آن لائن فلائٹ ٹریکنگ سروسز کے مطابق پیر کی دوپہر تک کم از کم 42 ایروفلوٹ کی پروازیں منسوخ ہو چکی تھیں۔
مزید پڑھیں: پاکستانی ہیکرز کی کارروائی، بھارت کی حساس معلومات ڈارک ویب پر برائے فروخت
یوکرینی ہیکنگ گروپ Silent Crow اور بیلاروسی گروپ Cyber Partisans نے اس سسٹم کی خرابی کی ذمہ داری قبول کی اور اسے ایک طویل المدتی اور وسیع پیمانے پر آپریشن قرار دیا، جس میں ایروفلوٹ کے اندرونی آئی ٹی انفراسٹرکچر کو مکمل نقصان پہنچایا گیا۔
ہیکرز کا دعویٰ ہے کہ انہوں نے قریباً 7,000 سرورز تباہ کیے، فلائٹ ہسٹری ڈیٹا بیسز تک رسائی حاصل کی، اہم کارپوریٹ سسٹمز کو متاثر کیا، ملازمین کے ذاتی کمپیوٹرز پر کنٹرول حاصل کیا اور نگرانی و وائر ٹیپنگ سرورز سے ڈیٹا نکالا۔
روس کے جنرل پراسیکیوٹر آفس نے بھی اس بات کی تصدیق کی کہ ایروفلوٹ کی سسٹم خرابی کی وجہ ایک سائبر حملہ تھا اور اس سلسلے میں تحقیقات شروع کر دی گئی ہیں، تاہم ہیکنگ گروپس کے نام ظاہر نہیں کیے گئے۔ کریملن کے ترجمان دمتری پیسکوف نے اس حملے کو بہت تشویشناک قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایروفلوٹ دمتری پیسکوف روس کی سرکاری ایئر لائن کریملن کے ترجمان.ذریعہ: WE News
کلیدی لفظ: دمتری پیسکوف روس کی سرکاری ایئر لائن کریملن کے ترجمان ایئر لائن
پڑھیں:
اسلحہ شراب برآمدگی کیس: علی امین گنڈاپور کے وارنٹ گرفتاری منسوخ
وزیر اعلیٰ خیبرپختونخوا علی امین گنڈاپور اپنے خلاف اسلحہ اور شراب برآمدگی کیس میں عدالت میں پیش ہو گئے، جس کے بعد عدالت نے ان کے وارنٹ گرفتاری منسوخ کر دیے۔
ڈسٹرکٹ اینڈ سیشن کورٹ اسلام آباد میں علی امین گنڈاپور کے خلاف اسلحہ و شراب برآمدگی کیس کی سماعت ہوئی۔
عدالت نے علی امین گنڈاپور کے ضمانتی کو دیا گیا شوکاز نوٹس بھی واپس لے لیا۔
جوڈیشل مجسٹریٹ مبشر حسن چشتی نے کیس پر سماعت کی، راجہ ظہور الحسن نے کہا کہ آج ہم اپنا 342 کا بیان ریکارڈ نہیں کروائیں گے، عدالت پہلے بریت کی درخواست پر دلائل سنے اس حوالے سے آڈر موجود ہے۔
جج مبشر حسن چشتی نے کہا کہ چلیں آپ اپنے دلائل شروع کریں میں سن رہا ہوں، وکیل صفائی نے کہا کہ میں آج دلائل نہیں دے سکتا مجھے کم از کم 5 گھنٹے چاہیے، جج مبشر حسن چشتی نے کہا کہ آج 3 بجے آپکو 342 کا سوالنامہ مل جائے گا۔
علی امین گنڈا نے کہا کہ سر میں 21 تاریخ کو نہیں آیا تھا کیونکہ سینٹ الیکشن تھے میں وزیر اعلیٰ کیساتھ ووٹر بھی ہوں، جج مبشر حسن چشتی نے کہا کہ ہم نے تو آپشن دیا تھا آپ آنلائن اپنا بیان ریکارڈ کروا دیتے۔
علی امین گنڈا پور نے کہا کہ میں آنلائن آگیا تھا عدالت کا نیٹ ایشو ہے، عدالت نے علی امین گنڈا پور کو جانے کی اجازت دے دی۔
کیس کی سماعت میں 3 بجے تک کا وقفہ کردیا گیا، علی امین گنڈا پور اپنے وکیل راجہ ظہور الحسن کے ہمراہ عدالت میں پیش ہوئے، علی امین گنڈا پور کیخلاف تھانہ بارہ کہو میں درج ہے۔
وزیر اعلی خیبرپختونخوا علی امین گنڈاپور نے کہا ہے کہ ہماری جنگ حق کی ہے یہ جنگ ہم ہی جیتیں گے۔
اسلام آباد ڈسٹرکٹ کورٹس پیشی کے موقع پر میڈیا سے گفتگو میں ان کا کہنا تھا کہ اس ملک میں قانون حرکت میں نہیں ہے ، جو حالات ہیں اس کی جنگ بانی پی ٹی آئی لڑ رہے ہیں، یہ جھوٹے اور من گھڑت کیسز بہت پہلے سے چل رہے تھے۔
علی امین گنڈاپور نے کہا کہ ہم ہمیشہ سے اپنے آپ کو قانون کے سامنے پیش کرتے ہیں، اس طرح کی پیشیوں سے ہم گھبرانے والے نہیں ہیں، پانچ اگست کو ہر ضلعے ہر حلقے سے عوام نکلے گی۔
ان کا کہنا تھا کہ میرے خلاف یہ کیس 2016 سے چل رہا ہے، میرے خلاف جو کیس بنایا گیا ہے اس کیس میں کچھ بھی نہیں ہے، میرے اوپر اسلحہ اور بوتلیں ڈالی گئی ہیں، جب یہ کیس بنایا گیا میں نہ ہی وہاں موجود تھا نہ ہی وہ گاڑی میری تھی۔
علی امین گنڈاپور نے کہا کہ یہ کیسز کو لٹکاتے ہیں ،ہماری جنگ حق کی ہے یہ جنگ ہم ہی جیتیں گے، میں اپنے صوبے میں اس احتجاج کو لیڈ کروں گا۔
پاکستان اور امریکا کے درمیان انسداد دہشتگردی کے حوالے سے جلد اہم مذاکرات ہونے جارہے ہیں: رضوان سعید شیخ