سدرہ قتل کیس، رکشہ ڈرائیور کا 3 روزہ ریمانڈ منظور، گورگن اور سیکریٹری جیل منتقل
اشاعت کی تاریخ: 29th, July 2025 GMT
جرگے کے حکم پر قتل کی جانے والی خاتون سدرہ کی لاش کو قبرستان منتقل کرنے والے رکشہ ڈرائیور کو 3 روزہ جسمانی ریمانڈ پر پولیس کے حوالے کردیا گیا ہے جبکہ گورگن اور سیکریٹری قبرستان کو جوڈیشل ریمانڈ پر جیل منتقل کردیا گیا ہے۔
میڈیا رپورٹس کے مطابق شادی شدہ خاتون کی لاش منتقلی کے دوران استعمال ہونے والا رکشہ برآمد کرلیا ہے، جو ملزم خیال محمد کی نشاندہی پر برآمد ہوا ہے۔ ملزم نے اپنے اعترافی بیان میں کہا کہ اس نے خاتون کی لاش رکشے میں ڈال کر قبرستان منتقل کی۔
یہ بھی پڑھیں: غیرت کے نام پر 17 سالہ سدرہ کے قتل میں ملوث والد، بھائی اور سابق شوہر نے اعتراف جرم کرلیا
پولیس کے مطابق ملزم نے اپنے بیان میں کہا کہ یہ رکشہ جرگے کے سربراہ کی ہدایت پر منگوایا گیا تھا تاکہ خاتون کی لاش کو ایک خفیہ جگہ پر منتقل کیا جاسکے اور یہی عمل کیا گیا۔
دوسری جانب پولیس نے برآمد شدہ رکشے کو تھانہ پیرودھائی منتقل کر دیا ہے اور ملزم خیال محمد کو جسمانی ریمانڈ پر پولیس کی تحویل میں لے لیا ہے۔
یہ افسوسناک واقعہ 12 جولائی کو آزاد کشمیر کے شہر مظفر آباد میں پیش آیا، جہاں مقتولہ کا عثمان کے ساتھ نکاح ہوا تھا۔ مقتولہ نے جوڈیشل مجسٹریٹ کے سامنے اپنے نکاح کی مرضی کا بیان دیا تھا اور اس بات کا بھی انکشاف کیا تھا کہ اس کا پہلا شوہر اسے زبانی طور پر طلاق دے چکا تھا۔
یہ بھی پڑھیں: نوشہرو فیروز میں لڑکی کو اغوا اور زیادتی کے بعد قتل کیس میں جرگے کا کیا کردار رہا؟
عثمان کے والد نے بتایا کہ نکاح کے صرف 4 دن بعد مسلح افراد نے آکر دھمکیاں دیں اور کہا کہ چونکہ نکاح ہوچکا ہے، اب لڑکی کو واپس کردو اور اسے باضابطہ رخصت کیا جائے گا۔ ان افراد نے خاتون کو اپنے ساتھ لے لیا، بعد میں یہ معلوم ہوا کہ اسے قتل کردیا گیا ہے۔
پولیس نے کارروائی شروع کی اور خاتون کی لاش منتقل کرنے والے رکشے کو برآمد کرتے ہوئے ملزم کو بھی گرفتار کرلیا، دیگر ملزمان کی گرفتاری کے لیے کوششیں جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: خاتون کی لاش
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ