کراچی، پولیس مقابلوں میں4 زخمیوں سمیت 7 ڈاکو گرفتار، 2 فرار
اشاعت کی تاریخ: 31st, October 2025 GMT
کراچی:
شہر قائد میں پولیس کی کارروائیوں کے دوران متعدد مبینہ پولیس مقابلوں میں 4 زخمیوں سمیت 7 ڈاکوؤں کو گرفتار کر لیا گیا۔
شاہ لطیف پولیس نے بروہی چوک کے قریب ایک ڈاکو کو زخمی حالت میں گرفتار کر لیا، جس کی شناخت سونو کے نام سے ہوئی۔
اس کے ساتھی فرار ہو گئے، گرفتار ملزم سے ایک پستول، موبائل فون، نقد رقم اور ایک موٹر سائیکل برآمد ہوئی۔
الفلاح پولیس نے ملیر کالا پل کے قریب ایک مبینہ مقابلے میں دو ڈاکوؤں کو گرفتار کیا، جن میں سے ایک زخمی حالت میں تھا۔
زخمی ملزم خالد اور دوسرے ملزم امیر علی کی شناخت کی گئی، ان کے قبضے سے ایک پستول، موبائل فونز، نقدی اور ایک موٹر سائیکل برآمد ہوئے۔
جمشید کوارٹرز کے علاقے جہانگیر روڈ پر ہونے والے مبینہ پولیس مقابلے میں ایک ڈاکو بہادر زخمی حالت میں گرفتار جبکہ اس کا ساتھی شعیب بھی گرفتار کر لیا گیا۔ ان کے قبضے سے پستول اور موٹر سائیکل برآمد ہوئی۔
کورنگی غریب نواز چوکی کے قریب ایک اور پولیس مقابلے میں دو ملزمان زخمی حالت میں گرفتار ہوئے، جبکہ ایک ملزم فرار ہو گیا۔ ان کے قبضے سے اسلحہ برآمد کیا گیا۔
.ذریعہ: Express News
کلیدی لفظ: زخمی حالت میں
پڑھیں:
لاہور: سی سی ڈی نے چار مبینہ پولیس مقابلوں میں چھ ملزمان کو ہلاک کر دیا
لاہور: شہر کے مختلف علاقوں میں کرائم کنٹرول ڈپارٹمنٹ (سی سی ڈی) پنجاب کے 4 مبینہ مقابلوں میں 6 ملزمان ہلاک کر دیے گئے۔ترجمان سی سی ڈی کے مطابق مقابلے نشتر کالونی، گرین ٹاؤن، ہربنس پورہ اور رنگ روڈ کے قریب ہوئے، ہلاک ملزمان کی لاشیں پوسٹ مارٹم کیلیے مردہ خانے منتقل کر دی گئیں۔ترجمان نے بتایا کہ سی سی ڈی ماڈل ٹاؤن ٹیم اشتہاریوں کی گرفتاری کیلیے موجود تھی جہاں ملزمان کو رکنے کا اشارہ کیا تو انہوں نے فائرنگ کر دی، جوابی فائرنگ کے دوران 2 ملزمان اپنے ساتھیوں کی گولیوں سے ہلاک ہوگئے۔سی سی ڈی کے مطابق گرین ٹاؤن میں زیر حراست ملزم ساتھیوں کی فائرنگ سے مارا گیا جبکہ رنگ روڈ کے قریب لوٹ مار کرنے والے ملزمان نے پولیس پر فائرنگ کی جہاں کراس فائرنگ میں 2 ملزمان ہلاک اور 2 فرار ہوگئے۔ہربنس پورہ ریلوے پھاٹک کے قریب مقابلے میں زخمی ملزم انس اسپتال میں دم توڑ گیا۔
9 اکتوبر کو اوکاڑہ میں 6 گھنٹے کے دوران کرائم کنٹرول ڈپارٹمنٹ (سی سی ڈی) کے مبینہ مقابلے کے دوران ڈاکو ہلاک جبکہ 2 فرار ہوگئے تھے۔مقابلہ حویلی روڈ موڑ دھول فقیر بخش کے قریب ہوا تھا، ہلاک ڈاکو ذوالفقار عرف انتظار کی لاش اسپتال منتقل کر دی گئی تھی۔ملزم کے خلاف ڈکیتی، نقب زنی اور گاڑی چوری کے 39 سے زائد مقدمات ہیں۔ موقع سے پستول، گولیاں اور چوری شدہ لوڈر رکشہ برآمد کیا گیا تھا۔ برآمد رکشہ لاہور سے چوری ہوا تھا .جس کا مقدمہ تھانہ مغل پورہ میں درج ہے۔
پی ایس ایل کی ٹیموں کا معاہدہ ختم، صرف اہل ٹیمیں نئے معاہدے میں شامل ہوں گی