محبت، دھوکہ اور بے بسی؛ نیپالی گلوکارہ کی خود سوزی سے المناک موت
اشاعت کی تاریخ: 25th, October 2025 GMT
نیپال کی ایک مدھر اور خوبصورت آواز ہمیشہ کے لیے جل کر خاکستر ہوگئی۔
عالمی خبر رساں ادارے کے مطابق نیپالی گلوکارہ اور خوشگوار زندگی کے دل نشیں خواب دیکھنے والی نیتو پاڈیل بالآخر چند دن کی موت و زندگی کی جنگ میں ہار گئیں۔
نیتو پاڈیل نے اپنے قریبی دوست اور موسیقار بابل گیری کے اسٹوڈیو میں 17 اکتوبر کو خود پر پیٹرول چھڑک کر آگ لگا لی تھی۔
انھیں فوی طور پر شدید جھلسی ہوئی حالت میں اسپتال منتقل کیا گیا جہاں ان کا علاج جاری تھا لیکن وہ جانبر نہ ہوسکیں اور ان کی دردناک موت کی تصدیق کردی گئی۔
ڈاکٹرز کا کہنا ہے کہ ان کا جسم 75 فیصد تک جل چکا تھا اور انھیں بچانے کی ہر ممکن کی گئی لیکن ایک ہفتے کے بعد وہ دم توڑ گئیں۔
خیال رہے کہ نیتو پاڈیل 7 سال سے موسیقار اور گلوکار بابل گیری سے تعلق میں تھیں۔ دونوں نہ صرف پیشہ ورانہ طور پر بلکہ ذاتی طور پر بھی ایک دوسرے کے بہت قریب تھے۔
نیتو پاڈیل اپنے محبوب بابل گیری کے اسی اسٹوڈیو کے نیچے واقع ایک کافی کیفے بھی چلاتی تھیں، جہاں اکثر میوزک انڈسٹری کے لوگ ملاقات کرتے۔
تاہم گزشتہ کچھ ماہ سے دونوں کے درمیان شادی کے معاملات پر اختلافات چل رہے تھے۔
نیتو کے قریبی دوستوں نے الزام عائد کیا کہ بابل کسی دوسری خاتون سے تعلقات کے باعث نیتو پاڈیل سے شادی کو مسلسل ٹال رہے تھے۔
گلوکارہ نیتو کے بھائی گھنیش پاڈیل نے پولیس میں بابل گیری کے خلاف ایف آئی آر درج کرائی ہے جس پر تفتیش کے لیے انھیں تھانے طلب بھی کیا گیا ہے۔
پولیس کا کہنا ہے کہ خودکشی کی وجوہات میں ذاتی تعلقات، دھوکہ، اور ممکنہ ذہنی استحصال شامل ہوسکتی ہیں جس کی تحقیقات جاری ہیں۔
.ذریعہ: Daily Mumtaz
کلیدی لفظ: بابل گیری
پڑھیں:
سعودی عرب: جانوروں کے لیے مسیحا کی حیثیت رکھنے والے پاکستانی نژاد کی موت پر سوگ کی فضا
سعودی عرب میں بے زبان جانوروں خصوصاً بلیوں سے محبت کرنے والے پاکستانی نژاد رضاکار یاسر کے اچانک انتقال نے ملک بھر میں غم و سوگ کی فضا پیدا کردی۔
یاسر کئی برسوں سے ریاض میں مقیم تھے اور اپنی رہائش گاہ میں درجنوں بے سہارا بلیوں کو پناہ دیتے، ان کی دیکھ بھال کرتے اور زخمی یا بیمار بلیوں کا علاج کراتے تھے۔
سوشل میڈیا پر گردش کرنے والی اطلاعات کے مطابق وہ بلندی سے گرنے کے باعث جاں بحق ہوئے۔
إنسان بسيط، رحل وهو يحاول ينقذ قطة من فوق سطح منزل.. سقط ومات شهيد الرحمة
كان قلبه رحيم بكل مخلوق حتى آخر لحظة من عمره
الله يرحمك يا ياسر ويجعل عملك الطيب شفيعًا لك ويجعل رحمتك بالحيوانات سببًا لرحمة الله بك #وفاه_المنقذ_ياسر#المنقذ_ياسر_الباكستاني
— A B R A R – A L D A H M A S H I (@Princess__Bero) October 22, 2025
ان کی وفات کی خبر سامنے آتے ہی سماجی رابطوں کی ویب سائٹ ایکس پر ہر طرف سے تعزیتی پیغامات سامنے آنے لگے۔ اور ہزاروں افراد نے ان کے لیے دعائے مغفرت کی۔ لوگوں نے ان کے خلوص، انسان دوستی اور جانوروں سے شفقت کو سراہتے ہوئے انہیں حقیقی ’رحمت کا پیکر‘ قرار دیا۔
یاسر کے انتقال کے بعد رحمت فلاحی انجمن برائے جانور کے رضاکار فوری طور پر ان کے گھر پہنچے اور وہاں موجود درجنوں بلیوں کو محفوظ مراکز میں منتقل کردیا۔
تنظیم کے مطابق تمام بلیوں کو خوراک، علاج اور دیکھ بھال کی سہولت فراہم کرکے انہیں متبنّی خاندانوں اور دیگر نجات دہندگان کے حوالے کر دیا گیا ہے۔
سوشل میڈیا صارفین نے لکھا کہ جو شخص بے زبان مخلوق پر رحم کرتا ہے، خدا اس پر اپنی رحمت کے دروازے کھول دیتا ہے۔ ایک صارف نے یاسر کے لیے لکھا: اللہ یاسر کو اپنی رحمت سے نوازے، ان کے عمل کو ان کے لیے صدقہ جاریہ بنائے اور ان کے درجات بلند فرمائے۔
یاسر کی زندگی خدمت، محبت اور ایثار کی روشن مثال تھی۔ وہ برسوں سے ریاض کی گلیوں میں بھوکی، زخمی اور بیمار بلیوں کو اٹھاتے، ان کا علاج کرتے اور انہیں دوبارہ زندگی دیتے رہے۔ ان کا چھوٹا سا گھر دراصل بے سہارا بلیوں کے لیے ایک محبت بھرا ٹھکانہ بن چکا تھا، جہاں ہر جانور کو تحفظ اور پیار میسر آتا تھا۔
مزید پڑھیں: بلیاں گھاس کیوں کھاتی ہیں؟ طویل تحقیق کے بعد حیران کن وجہ سامنے آگئی
یاسر کی وفات کے بعد متعدد صارفین نے ان کے لیے دعا کی کہ اللہ انہیں جنت الفردوس میں اعلیٰ مقام عطا فرمائے، جن بلیوں کو انہوں نے بچایا وہ قیامت کے دن ان کے حق میں گواہی دیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انتقال بلیوں سے محبت پاکستانی نژاد جانوروں سے پیار سعودی عرب وی نیوز
اسرائیل کیوں حماس کو شکست نہیں دے سکتا؟