پودینا : صحت، خوبصورتی اور ہاضمے کے لیے بے حد مفید
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پودینا نہ صرف کھانوں کو خوشبودار اور ذائقہ دار بناتا ہے بلکہ اس کے بے شمار طبی و غذائی فوائد بھی ہیں، جو صدیوں سے طبِ مشرق اور جدید سائنس دونوں میں تسلیم شدہ ہیں۔
غذائی ماہرین کے مطابق پودینے کے پتّے وٹامنز، معدنیات اور اینٹی آکسیڈنٹس سے بھرپور ہوتے ہیں جو انسانی جسم کے نظامِ ہضم سے لے کر جلد اور سانس تک کو تروتازہ رکھتے ہیں، پودینا معدے کے امراض جیسے بدہضمی، گیس اور معدے کی تیزابیت میں فوری آرام دیتا ہے۔
غذائی ماہرین نے کہاکہ پودینے میں موجود قدرتی تیل مینتھول (Menthol) نظامِ ہضم کو بہتر بناتا ہے، بھوک میں اضافہ کرتا ہے اور متلی یا قے کی کیفیت کو کم کرتا ہے، اسی لیے گرمیوں کے موسم میں پودینے کا شربت یا چٹنی خاص طور پر استعمال کی جاتی ہے۔
انہوں نے کہاکہ پودینا سانس کی بدبو دور کرنے میں بھی مؤثر مانا جاتا ہے۔ دانتوں کی صفائی کے لیے بننے والے ٹوتھ پیسٹ اور ماؤتھ واشز میں اس کا استعمال اسی لیے کیا جاتا ہے، پودینے کے تیل کی خوشبو ذہنی تناؤ کم کرنے، سردرد میں آرام دینے اور دماغ کو چُستی فراہم کرنے میں مدد دیتی ہے۔
ماہرینِ جلد کا کہنا ہے کہ پودینے میں موجود اینٹی بیکٹیریل خصوصیات چہرے کے دانے، پھوڑے، اور جلد کی سوزش میں مفید ثابت ہوتی ہیں۔ پودینے کے پانی یا عرق سے چہرہ دھونا جلد کو تازگی بخشتا ہے اور سورج کی تپش سے متاثرہ جلد کو سکون دیتا ہے۔
غذائی ماہرین کے مطابق پودینے کے باقاعدہ استعمال سے جسم کا مدافعتی نظام مضبوط ہوتا ہے جبکہ اس میں موجود وٹامن سی اور آئرن خون کی روانی بہتر بناتے ہیں۔
طبی ماہرین کا مشورہ ہے کہ پودینے کو روزمرہ خوراک میں کسی نہ کسی صورت شامل رکھا جائے ، چاہے چائے میں ہو، شربت میں، یا چٹنی کے طور پر کیونکہ یہ ایک ایسا قدرتی تحفہ ہے جو صحت، خوبصورتی اور تازگی تینوں عطا کرتا ہے۔
ذریعہ
ذریعہ: Jasarat News
کلیدی لفظ: پودینے کے
پڑھیں:
کوڑا ٹیکس کی وصولی کی تیاریاں، محکمہ ایکسائز متحرک
علی ساہی:حکومت کی جانب سے گرین سگنل ملنے کے بعد محکمہ ایکسائز نے شہری علاقوں میں کوڑا ٹیکس کی وصولی کے لیے عملی تیاریاں شروع کر دی ہیں۔
ذرائع کے مطابق ابتدائی مرحلے میں صوبے کے شہری علاقوں میں 33 لاکھ سے زائد گھروں سے ٹیکس وصولی کا آغاز کیا جائے گا۔
محکمہ ایکسائز حکام کا کہنا ہے کہ مزید رہائشی اور کمرشل یونٹس کو نظام میں شامل کرنے کے لیے متعلقہ اداروں سے ڈیٹا اکٹھا کیا جا رہا ہے، جبکہ وصولیوں کے مؤثر نظام کے لیے درکار انتظامی اور تکنیکی ضروریات پر بھی کام جاری ہے۔ اس حوالے سے جلد ایک جامع سمری منظوری کے لیے حکومت کو ارسال کی جائے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ذرائع کے مطابق ٹیکس وصولی کے نظام کو مؤثر بنانے کے لیے ابتدائی طور پر 70 گاڑیوں اور ساڑھے چھ سو ای بائیکس کی فراہمی کی درخواست کی جائے گی، تاکہ بلوں کی بروقت تقسیم اور وصولیوں کا عمل یقینی بنایا جا سکے۔
محکمہ ایکسائز نے بل تقسیم کرنے والے عملے کو سہولیات فراہم کرنے کے لیے ایک سے دو فیصد سروس چارجز کی بھی تجویز دی ہے، جبکہ بلوں کی پرنٹنگ اور دیگر انتظامی امور سے متعلق ورکنگ آخری مراحل میں ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ایکسائز حکام کے مطابق محکمہ ایکسائز اور متعلقہ ادارے کے درمیان بلوں کی تقسیم اور وصولی کے طریقہ کار پر متعدد اجلاس منعقد ہو چکے ہیں، جبکہ آئندہ ماہ کے پہلے ہفتے دونوں اداروں کے درمیان باقاعدہ مفاہمتی یادداشت (ایم او یو) پر دستخط کیے جانے کا امکان ہے، جس کے بعد کوڑا ٹیکس کی وصولی کے عمل کو باضابطہ طور پر شروع کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع