پنجاب میں بچوں کی جبری مشقت کے خاتمے کے لیے اسٹیئرنگ کمیٹی کی تشکیل
اشاعت کی تاریخ: 4th, December 2025 GMT
وزیراعلیٰ پنجاب مریم نواز شریف نے صوبے میں بچوں سے جبری مشقت کے مکمل خاتمے کے لیے ایک جامع حکمتِ عملی کی جانب اہم قدم اٹھاتے ہوئے 15 رکنی اسٹیئرنگ کمیٹی تشکیل دے دی ہے۔
حکومتی حکام کے مطابق بچوں سے جبری مشقت کے خاتمے کے لیے ایسے مربوط اور جدید اقدامات کرنے والا پنجاب ملک کا پہلا صوبہ بن گیا ہے۔
جس کے نتیجے میں عالمی سطح پر صوبے کی رینکنگ میں بہتری کی توقع بھی ظاہر کی گئی ہے۔
یہ بھی پڑھیں: پنجاب اسمبلی : جبری مشقت اور چائلڈ لیبر کے خاتمے کے لیے قرارداد منظور
سرکاری نوٹیفکیشن کے مطابق سینیئر صوبائی وزیر مریم اورنگزیب کمیٹی کی چیئرپرسن ہوں گی، جبکہ سابق رکن قومی اسمبلی محسن شاہنواز رانجھا کو شریک چیئرمین مقرر کیا گیا ہے۔
کمیٹی میں اسکول ایجوکیشن، سرمایہ کاری و کامرس، صنعت و تجارت، سوشل ویلفیئر و بیت المال اور ہنرمندی و چھوٹے کاروبار کی ترقی کے صوبائی وزراء شامل ہوں گے۔
مزید پڑھیں: جبری مشقت کے خاتمے اور ماحول دوست بھٹہ نظام پر امریکی قانون سازوں کا مریم نواز کو خراجِ تحسین
داخلہ، محنت و افرادی قوت، اسکول ایجوکیشن، صنعت و تجارت، سوشل ویلفیئر، اسکل ڈویلپمنٹ اینڈ انٹرپرینیورشپ کے سیکریٹریز، چیئرمین پنجاب انفارمیشن ٹیکنالوجی بورڈ اور ڈی آئی جی پولیس بھی ارکان کا حصہ ہوں گے۔
اسٹیئرنگ کمیٹی کو صوبے کے تمام شعبوں کی میپنگ اور ان سیکٹرز کی نشاندہی کا ٹاسک دیا گیا ہے جہاں بچوں سے جبری مشقت کے امکانات زیادہ ہیں۔ صنعتوں، بھٹوں، زراعت، ماہی گیری، ورکشاپس اور آٹو ریپئیر کی دکانوں سے متعلق تفصیلی ڈیٹا جمع کیا جائے گا۔
مزید پڑھیں: صدر اور وزیراعظم کا چائلڈ لیبر کے خلاف عالمی دن پر عزم کا اعادہ
مزید برآں، اے آئی اور جیوگرافک انفارمیشن سسٹم ٹیکنالوجی کی مدد سے صوبائی سطح پر ایک مرکزی ڈیٹا بینک بھی قائم کیا جائے گا۔
کمیٹی نمایاں اضلاع، حساس شعبوں اور ہاٹ اسپاٹس کی نشاندہی کے ساتھ ساتھ جبری مشقت کا شکار بچوں کے لیے متبادل راستے وضع کرنے کی بھی ذمہ دار ہوگی۔
مزید پڑھیں:
کمیٹی فوری، وسط مدتی اورطویل مدتی بنیادوں پر جامع حکمت عملی تیار کرے گی اور اپنی سفارشات کے ساتھ قابلِ عمل پلان بھی پیش کرے گی۔
والدین، اساتذہ اور معاشرے کے مختلف طبقات میں آگاہی پیدا کرنے کا پلان اور متعلقہ اداروں کی کارکردگی جانچنے کے طریقہ کار کی تیاری بھی کمیٹی کے فرائض میں شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیئرنگ کمیٹی پنجاب جبری مشقت ڈیٹا بینک مریم نواز شریف وزیر اعلی.
ذریعہ
ذریعہ: WE News
کلیدی لفظ: اسٹیئرنگ کمیٹی ڈیٹا بینک مریم نواز شریف وزیر اعلی اسٹیئرنگ کمیٹی جبری مشقت کے خاتمے کے لیے کے خاتمے
پڑھیں:
آزاد کشمیر میں 47 روز بعد میرپور میں انٹرنیٹ سروس جزوی بحال، دیگر علاقوں میں بحالی کا انتظار
آزاد جموں و کشمیر کے شہر میرپور اور اس سے ملحقہ علاقوں میں گزشتہ 47 روز سے معطل انٹرنیٹ سروس جزوی طور پر بحال ہونا شروع ہو گئی ہے۔ اطلاعات کے مطابق ابتدائی مرحلے میں صرف موبائل انٹرنیٹ بحال کیا گیا ہے، جبکہ وائی فائی انٹرنیٹ سروس بلنگ کا عمل مکمل ہونے کے بعد بحال کی جائے گی۔
یاد رہے کہ آزاد کشمیر میں 5 جون 2026 کو انٹرنیٹ سروسز معطل کر دی گئی تھیں۔ یہ اقدام اس وقت کیا گیا تھا جب جموں و کشمیر جوائنٹ عوامی ایکشن کمیٹی (جیک) نے اپنے مطالبات کے حق میں احتجاجی تحریک شروع کرتے ہوئے 9 جون کو مظفرآباد کی جانب لانگ مارچ کا اعلان کیا تھا۔
بعد ازاں 5 جون کو ایکشن کمیٹی کے ایک مرکزی رکن پر مبینہ حملے اور مظاہرین و سکیورٹی فورسز کے درمیان جھڑپوں کے بعد حکومت نے کمیٹی کو کالعدم قرار دے دیا تھا، جبکہ اسی روز پورے آزاد کشمیر میں بغیر پیشگی اطلاع انٹرنیٹ سروس بھی معطل کر دی گئی تھی۔
اس سے قبل پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ایکس پر جاری اپنے بیان میں پیپلز پارٹی آزاد کشمیر اور الیکشن کمیشن کی جانب سے انٹرنیٹ بحالی کے لیے کی جانے والی کوششوں کو سراہتے ہوئے امید ظاہر کی تھی کہ میرپور میں سروس جلد بحال ہو جائے گی۔ انہوں نے یہ توقع بھی ظاہر کی کہ مظفرآباد اور دیگر علاقوں میں بھی انٹرنیٹ سروس جلد بحال کر دی جائے گی۔
یہ پیش رفت ایسے وقت میں سامنے آئی ہے جب آزاد کشمیر میں قانون ساز اسمبلی کے انتخابات قریب ہیں۔ الیکشن کمیشن پہلے ہی سکیورٹی اور انتخابی انتظامات کو مؤثر بنانے کے لیے انتخابات تین مراحل میں کرانے کا اعلان کر چکا ہے۔
شیڈول کے مطابق پہلے مرحلے میں 27 جولائی کو میرپور ڈویژن، دوسرے مرحلے میں 2 اگست کو مظفرآباد ڈویژن اور مہاجرین کی نشستوں، جبکہ تیسرے اور آخری مرحلے میں 10 اگست کو پونچھ ڈویژن میں پولنگ ہوگی۔دوسری جانب کالعدم ایکشن کمیٹی کا راولاکوٹ میں احتجاج تاحال جاری ہے۔ کمیٹی کے اہم مطالبات میں مہاجرینِ مقبوضہ کشمیر کے لیے آزاد کشمیر اسمبلی میں مختص 12 نشستوں کے خاتمے سمیت دیگر آئینی اور انتظامی امور شامل ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی