سانگلہ ہل شہر بھر میں سوئی گیس کی لوڈشیڈنگ شدت اختیار کر گی
اشاعت کی تاریخ: 4th, December 2025 GMT
ویب ڈٖیسک :سانگلہ ہل میں سوئی گیس کی غیر اعلانیہ لوڈشیڈنگ کے باعث گھریلو چولہے ٹھنڈے پڑ گئے، شہری مہنگی ایل پی جی گیس سلنڈر خریدنے پر مجبور ہو گئےجبکہ عوام نے سوئی گیس حکام سے فوری فراہمی یقینی بنانے کا مطالبہ کر دیا۔
سانگلہ ہل میں سوئی گیس کی مسلسل غیر اعلانیہ بندش نے شہریوں کو شدید مشکلات میں مبتلا کر دیا ہے۔ مختلف علاقوں احمد آباد، گارڈن ٹاؤن، سمن آباد، مسلم ٹاؤن اور اسلام پورہ سمیت کئی مقامات پر کئی روز سے گیس نہ ہونے کے برابر ہے، جس کے باعث گھریلو زندگی بری طرح متاثر ہوئی ہے۔
سوشل میڈیا کیلئے رِیل بنانے والا نوجوان 50 فٹ بلندی سے گر کر ہلاک
شہریوں کا کہنا ہے کہ گیس کی بندش کے باعث چولہے ٹھنڈے پڑ گئے ہیں اور ناشتے، دوپہر اور رات کے کھانے کے اوقات میں کھانا پکانا ناممکن ہو چکا ہے, پریشر اتنا کم ہوتا ہے کہ بعض اوقات گیس بالکل بند محسوس ہوتی ہے، جس کی وجہ سے ملازم اور مزدور طبقہ سخت پریشانی کا شکار ہے۔
گیس کی قلت کے باعث لوگ مہنگے داموں ایل پی جی سلنڈر خریدنے پر مجبور ہیں، جب کہ عوامی حلقوں کا دعویٰ ہے کہ مقامی انتظامیہ اور ایل پی جی سلنڈر مالکان میں ملی بھگت کے باعث مصنوعی بحران پیدا کیا گیا ہے۔
دنیا کے محفوظ ترین ممالک کی فہرست جاری
شہریوں نے سوئی گیس حکام سے مطالبہ کیا ہے کہ فوری طور پر گیس کی فراہمی بحال کی جائے تاکہ عوام کو روزمرہ زندگی میں درپیش مشکلات سے نجات مل سکے اور مزدور طبقہ مہنگے متبادل ایندھن خریدنے سے بچ سکے۔
.
ذریعہ
ذریعہ: City 42
کلیدی لفظ: سوئی گیس کے باعث گیس کی
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار