نوجوان طبقہ ووٹ کے درست استعمال سے جمہوری عمل کو مضبوط بناسکتا ہے،مسعودقریشی
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
مٹیاری(نمائندہ جسارت)ضلعی الیکشن کمشنر مٹیاری مسعود احمد قریشی نے کہا ہے کہ نوجوان طبقہ ووٹ کے درست استعمال سے جمہوری عمل کو مزید مضبوط بنا سکتا ہے، کیونکہ ملک کی ترقی، بہتر حکمرانی اور پائیدار جمہوریت کا انحصار ووٹر کے بروقت اور صحیح فیصلے پر ہوتا ہے۔ انہوں نے ان خیالات کا اظہار مدرسہ جامعہ غوثیہ طاہریہ مٹیاری میں ووٹ کی اہمیت سے متعلق منعقدہ ایک روزہ سیمینار سے خطاب کرتے ہوئے کیا۔ضلعی الیکشن کمشنر نے طلبہ کو ووٹ کی طاقت اور اس کی اہمیت بابت آگاہ کرتے ہوئے کہا کہ تعلیم کے ساتھ ساتھ ووٹ کا شعور ہونا بھی نہایت ضروری ہے، کیونکہ ہم اپنا ووٹ درست نمائندے کو دے کر ہی بہتر مستقبل کا انتخاب کر سکتے ہیں جس سے ترقی کا سفر ممکن ہوتا ہے۔انہوں نے مزید کہا کہ ضلع مٹیاری میں ووٹ سے متعلق آگاہی پیدا کرنے کے لیے ہر ماہ ضلعی سطح پر سیمینار منعقد کیے جاتے ہیں جن میں مدارس، اسکول، کالج اور یونین کونسلیں شامل ہوتی ہیں۔ انہوں نے زور دیا کہ باشعور عوام اور سماجی ذمہ دار طبقات بھی ووٹ کے شعور کو اجاگر کرنے میں اپنا کردار ادا کریں، خصوصاً نوجوانوں کو ووٹ کی اہمیت سمجھانا وقت کی اہم ضرورت ہے۔تقریب میں مولوی حافظ عبدالطیف سمیت دیگر علمائے کرام بھی موجود تھے۔
ذریعہ
ذریعہ: Jasarat News
پڑھیں:
کوئٹہ، ہماری عبادتگاہ مسمار کرکے تجارتی پلازہ بنانا قابل مذمت ہے، سکھ برادری
پریس کلب کوئٹہ میں پریس کانفرنس کرتے ہوئے سکھ برادری کے رہنماؤں نے کہا کہ سکھ برادری کو اعتماد میں لئے بغیر انکی عبادتگاہ کی عمارت کو منہدم کر دیا گیا ہے۔ اسلام ٹائمز۔ کوئٹہ میں سکھ برادری کے رہنماء سردار جسبیر سنگھ اور کنزیومر سول سوسائٹی بلوچستان کے رہنماء خیر محمد شاہین نے کہا ہے کہ آرچر روڈ پر موجود سکھوں کا قدیمی گردوارہ 1953ء سے سینٹ گیبریل سکول قائم تھا، جسے مسمار کرکے تجارتی پلازہ بنانے کا کام شروع کیا گیا ہے، جس کی مذمت کرتے ہیں۔ یہ گردوارہ سکھ برادری نے تعلیمی سرگرمیوں کے لئے سینٹ گیبرل سکول کو دے رکھا تھا۔ انہوں نے وزیراعظم پاکستان اور دیگر اعلیٰ حکام سے مطالبہ کیا ہے کہ گزشتہ دنوں نامعلوم افراد کی جانب سے سکھوں کے مقدس گردوارے کی 90 سالہ پرانی عمارت کو مسمار کرنے کا نوٹس لیکر گردوارے سکھ برادری کے حوالے کیا جائے۔ ان خیالات کا اظہار انہوں نے کوئٹہ پریس کلب میں پریس کانفرنس کے دوران کیا۔
انہوں نے کہا کہ ملک بھر میں سکھ برادری کی ہزاروں ایکڑ اراضیات، مقدس مقامات بدستور لینڈ مافیا کے قبضے میں ہیں۔ حکومت کی جانب سے ان کی واگزاری کے لئے کوششیں بار آور ثابت نہیں ہو رہی ہے۔ آرچر روڈ پر واقع گردوارہ کو شری سنگھ بنیاد گرودت سنگھ نے تعمیر کیا تھا اور پرانے بندوبست کے ریکارڈ میں فرد انتقالات انہی کے نام سے اب بھی موجود ہیں۔ انہوں نے کہا کہ یہ وہی گرودت سنگھ ہے۔ جنہوں نے گورنمنٹ اسپیشل ہائی اسکول جو خالصہ کہلاتی تھی کی بنیاد رکھی تھی اور جاتے ہوئے اسکول کی 20 ایکڑ اراضی مقامی بچوں کی تعلیمی مقاصد کے لئے وقف کر دی تھی۔ یہ عمارت سینٹ گیبرل اسکول یا محکمہ اوقاف کی نہیں، بلکہ سکھوں کی مذہبی عبادت گاہ گردوارہ سکھ سبھا کی ملکیت ہے۔ سکھ برادری کو اعتماد میں لئے بغیر ان کی عبادت گاہ کی عمارت کو منہدم کر دیا گیا ہے۔
انہوں نے کہا کہ مبینہ طور پر کہا جا رہا ہے کہ محکمہ اوقاف نے تجارتی مقاصد کے لئے عمارت کی زمین تجارتی بنیادوں پر فروخت کر دی ہے، اگر یہ درست ہے تو انتہائی تشویش کی بات ہے کہ محکمہ اوقاف متروکہ عمارت کی نگران ہوتی ہے مالک نہیں۔ محکمہ اوقاف سکھوں کے نمائندوں کی موجودگی میں سکھوں کی متراکہ املاک کو کس طرح قانون کے تحت فروخت کرنے کی مجاز ہے۔ 2014ء میں سپریم کورٹ نے واضح فیصلہ دیا تھا کہ پاکستان میں سکھوں کے تمام مقدس مقامات پر جائیدادوں کو حکومت پاکستان کی جانب سے مکمل تحفظ فراہم رہے گا۔ اس کے علاوہ آئین میں تمام اقلیتوں کے مذہبی عمارات کو تحفظ کا حق حاصل ہے۔ ہم وزیراعظم پاکستان اور اعلیٰ حکام سے مطالبہ کرتے ہیں کہ آرچر روڈ کے منہدم مذکورہ گردوارے کو فی الفور اس کی اصل حالت میں بحال کرکے اسے سکھ برادری کے حوالے کیا جائے تاکہ انصاف کے تقاضے پورے ہوسکیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار