3 روز کے دوران بھتا طلب کرنے کا تیسرا واقعہ بھی سامنے آگیا
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک) شہر قائد میں 3 روز کے دوران تاجروں اور شہریوں سے بھتا طلب کرنے کا تیسرا واقعہ بھی سامنے آگیا۔ آرام باغ پولیس نے ریسٹورنٹ کے کاروبار سے وابستہ شخص کی مدعیت میں نامعلوم بھتا خوروں کے خلاف بھتا طلب کرنے کا مقدمہ درج کرلیا جس میں بھتا خور نے رقم کی منتقلی کے لیے نجی بینک کا اکائونٹ نمبر بھی دیا ہے۔ شہر میں بھتا خوری کے واقعات سے متعلق سی پی ایل سی کے اعداد و شمار کا جائزہ لیا جائے تو گزشتہ 2 سالوں میں 139 بھتا خوری کے واقعات رپورٹ ہوئے جس میں سال 2023ء میں 50جبکہ سال 2024ء میں بھتا طلب کرنے کے 89واقعات رپورٹ ہوئے۔ سی پی ایل سی کے جاری اعداد و شمار کے مطابق سال 2025ء میں 30اکتوبر تک بھتا طلب کرنے کے 74 واقعات رپورٹ ہوئے۔ جنوری میں 11‘ فروری میں 4‘ مارچ میں 9‘ اپریل میں 5‘ مئی میں3‘ جون میں7‘ جولائی میں 5‘ اگست میں ایک، ستمبر میں 11 جبکہ اکتوبر میں سب سے زیادہ 18 واقعات رپورٹ ہوئے۔ اس کے علاوہ نومبر میں اب تک بھتاخوری کے حوالے سے 3مقدمات سامنے آئے ہیں جس میں بھتا خوروں نے نیو ایم اے جناح روڈ پر تاجر کو ڈرانے کے لیے اس کے شوروم پر فائرنگ کی جبکہ ماربل کے تاجر کو گولیاں بھیج کر خوفزدہ کیا گیا۔ تیسرے واقعے میں آرام باغ کے علاقے محمد بن قاسم روڈ پر ریسٹورنٹ کے کاروبار سے وابستہ شخص سے بھتا خوروں نے 20 لاکھ روپے بھتا طلب کیا جو کم کرتے ہوئے 5لاکھ سے 3لاکھ روپے تک پر آگئے اور اس رقم کی منتقلی کے لیے بھتا خوروں کی جانب سے نجی بینک کا اکائونٹ نمبر بھی دیا گیا ہے اور اس حوالے سے آرام باغ پولیس نے بھتا خوری عبدالرحمٰن کی مدعیت میں مقدمہ نمبر 404 سال 2025 ء بجرم دفعات 385‘ 386 اور 25 ڈی ٹیلی گراف ایکٹ کے تحت درج کرلیا جس میں مدعی نے پولیس کو بیان دیا ہے کہ اپنے پارٹنر منظور حسین کے ساتھ مل کر سال 2022ء سے اسپائسی خان کے نام سے ریسٹورنٹ چلا رہا ہوں۔ 19نومبر کی رات ساڑھے سات بجے غیر ملکی نمبر سے بذریعہ واٹس ایپ اسپائسی خان ریسٹورنٹ کے آفیشل نمبر پر میسج موصول ہوا جس کا متن تھا کہ اسپائسی والے خان میری بات غور سے سنو، ہمارے بندے آپ لوگوں کو 5/6 دنوں سے نظر میں رکھے ہوئے ہیں کہ تم کہاں جاتے ہو اور کیا کرتے ہو جبکہ تمہارے خاندان تک کی سب معلومات ہے اور کل تک 20 لاکھ روپے بھتے کی رقم نہ دی گئی تو ہم تمہیں جان سے مار دیں گے یا تم میں سے کسی کو اغوا کریں گے۔
ذریعہ
ذریعہ: Jasarat News
کلیدی لفظ: واقعات رپورٹ ہوئے بھتا طلب کرنے بھتا خوروں میں بھتا
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار