طلال چوہدری پر الیکشن قوانین کی خلاف ورزی پر 50 ہزار روپے جرمانہ عائد
اشاعت کی تاریخ: 21st, November 2025 GMT
الیکشن قوانین کی خلاف ورزی پر وزیر مملکت برائے داخلہ طلال چوہدری کو 50 ہزار روپے کا جرمانہ عائد کر دیا گیا ہے۔
ڈسٹرکٹ مانیٹرنگ آفیسر فیصل آباد کی جانب سے سیکرٹری الیکشن کمیشن کو بھی ایک تفصیلی مراسلہ ارسال کیا گیا ہے، جس میں واضح کیا گیا کہ طلال چوہدری مسلسل ضابطہ اخلاق کی خلاف ورزی کرتے رہے۔
انہیں متعدد بار فون کے ذریعے آگاہ کیا گیا کہ ان کا طرزِ عمل انتخابی قواعد کے منافی ہے، تاہم بار بار یاد دہانی کے باوجود انہوں نے اس پر عمل نہیں کیا۔ مراسلے میں بتایا گیا کہ دو نوٹس جاری کیے گئے مگر اس کے باوجود کوئی بہتری نہیں آئی، جس کے بعد جرمانہ عائد کرنے کا فیصلہ کیا گیا۔
مانیٹرنگ آفیسر نے یہ بھی کہا کہ معاملہ مزید کارروائی کے لیے الیکشن کمیشن کو بھجوا دیا گیا ہے۔
.
ذریعہ: Al Qamar Online
کلیدی لفظ: پاکستان کھیل کیا گیا
پڑھیں:
انتخابی ضابطہ اخلاق کی خلاف ورزی، الیکشن کمیشن کی جانب سے وزراء کو نوٹس جاری
الیکشن کمیشن آف پاکستان نے این اے 96 فیصل آباد اور این اے 185 ڈیرہ غازی خان میں انتخابی ضابطہ اخلاق کی خلاف ورزی کے معاملات پر کارروائی کرتے ہوئے اہم وزراء کو نوٹس جاری کر دیا ہے۔
این اے-96 فیصل آبادوزیر مملکت برائے داخلہ طلال چوہدری کو ضمنی الیکشن میں انتخابی ضابطہ اخلاق کی خلاف ورزی پر نوٹس جاری کیا گیا۔
الیکشن کمیشن کے مطابق طلال چوہدری نے کارنر میٹنگ سے خطاب کرتے ہوئے ضابطہ اخلاق کی خلاف ورزی کی۔
طلال چوہدری کو 24 نومبر کو الیکشن کمیشن میں پیش ہونے کا حکم دیا گیا ہے۔
این اے-185 ڈیرہ غازی خانوفاقی وزیر اویس لغاری اور معاون خاص برائے وزیر اعظم حذیفہ رحمٰن کو نوٹس جاری کیا گیا۔ دونوں کو 21 نومبر کو وضاحت پیش کرنے کی ہدایت دی گئی ہے۔
اس معاملے میں میڈیا رپورٹوں اور ضابطہ اخلاق کی خلاف ورزی کے شواہد کی بنیاد پر کارروائی کی جا رہی ہے۔
دوسری طرف صوبائی الیکشن کمشنر پنجاب نے ڈسٹرکٹ مانیٹرنگ آفیسر سے فوری رپورٹ طلب کر لی ہے۔
انتخابی ضابطہ اخلاق پر مکمل عمل درآمد کو یقینی بنانے کے لیے حلقوں کی مختلف ذرائع سے کلوز مانیٹرنگ جاری ہے۔
کسی وزیر یا مشیر کو انتخابی مہم چلانے کی اجازت نہیں ہوگی اور خلاف ورزی پر فوری ایکشن لیا جائے گا۔
الیکشن کمیشن کا موقفالیکشن کمیشن نے واضح کیا ہے کہ شفاف اور غیر جانبدار انتخابات کو ہر صورت یقینی بنایا جائے گا اور انتخابی ضابطہ اخلاق کی خلاف ورزی برداشت نہیں کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک فوج کے زیرِ انتظام وزیرستان میں قبائلی عمائدین کا اہم جرگہ