الاسکا 64 دن کیلئے سورج سے محروم
اشاعت کی تاریخ: 21st, November 2025 GMT
الاسکا کے انتہائی شمالی شہر اُتقیاغوِک میں رواں سال کا آخری سورج غروب ہو چکا ہے، جس کے بعد یہ امریکی بستی تقریباً 64 روز تک سورج کی روشنی سے محروم رہے گی۔
آرکٹک سرکل میں شروع ہونے والی قطبی رات کے باعث اب 22 جنوری 2026 تک سورج افق سے اوپر نہیں آئے گا، البتہ شہر مکمل تاریکی میں نہیں ڈوبے گا۔ ہر روز چند گھنٹے کے لیے سیول ٹوائِلائٹ کی ہلکی نیلی روشنی دکھائی دیتی رہے گی، جو عام طور پر فجر سے قبل نظر آتی ہے۔
زمین کے محوری جھکاؤ کے باعث اس عرصے میں سورج کی شعاعیں اُتقیاغوِک تک نہیں پہنچ پاتیں۔ فیئربینکس سے تقریباً 500 میل شمال مغرب میں واقع اس شہر کی آبادی لگ بھگ 4,400 ہے، جبکہ اس کے علاقے میں ایسے تاریخی آثار بھی ملتے ہیں جو 500 عیسوی کی تہذیب سے وابستہ سمجھے جاتے ہیں۔
محکمہ موسمیات کے مطابق 18 نومبر کو سورج غروب ہونے کے بعد اب شہر شدید سرد اور تاریک موسم میں داخل ہو گیا ہے۔ سورج کی روشنی نہ ملنے کے باعث آرکٹک خطے میں درجہ حرارت تیزی سے گر جاتا ہے اور موسم انتہائی سخت ہو جاتا ہے۔
ماہرین کا کہنا ہے کہ قطبی رات کا یہ طویل دور قطبی بھنور کی تشکیل میں بھی اہم کردار ادا کرتا ہے۔ سورج نہ ہونے کی وجہ سے ٹروپوسفیئر کے اوپر موجود فضا شدید ٹھنڈی ہو جاتی ہے، اور کبھی کبھار یہ برفانی ہوائیں اسٹریٹوسفیئر سے نیچے اتر کر امریکا کے دیگر علاقوں تک پھیل جاتی ہیں، جس سے سخت سردی اور برف باری کی لہریں پیدا ہوتی ہیں۔
دلچسپ امر یہ ہے کہ جس طرح سردیوں میں اُتقیاغوِک کے 60 سے زائد دن تاریکی میں گزرتے ہیں، وہیں گرمیوں میں صورتحال بالکل برعکس ہوتی ہے۔ گرم موسم میں یہاں تقریباً تین ماہ تک سورج غروب نہیں ہوتا اور شہر 84 دن تک مسلسل روشنی میں نہاتا رہتا ہے۔ اسی دوران یہاں امریکا کی سب سے شمالی امریکن فٹبال ٹیم، بیرو ہائی اسکول، اپنے ہوم میچز بھی کھیلتی ہے۔
شہر میں اگلا طلوعِ آفتاب 26 جنوری 2026 کو دوپہر 1:23 بجے متوقع ہے، جب دو ماہ طویل تاریکی کا یہ مرحلہ اختتام پذیر ہوگا۔
.
ذریعہ
ذریعہ: Al Qamar Online
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار