مختلف شخصیات ملکر کام کو مؤثرو نتیجہ خیز بناتی ہیں ، شبنم امیر
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
251115-08-11
کراچی (اسٹاف رپورٹر)جماعت اسلامی حلقہ خواتین ضلع جنوبی کے تحت ناظمات علاقہ، حلقہ جات اور پوری ٹیم کے لیے ایک روزہ تربیتی پروگرام منعقد کیا گیا، جس میں دعوتی، تنظیمی اور شخصی مہارتوں کے مختلف پہلوؤں پر رہنمائی فراہم کی گئی۔ ناظمہ علاقہ ڈیفنس نیلم اشفاق نے سورۃ الزمر کی ابتدائی آیات کے حوالے سے درسِ قرآن پیش کیا اور اخلاص و للہیت کے موضوع پر گفتگو کرتے ہوئے دعوت و تنظیم میں نیت کی درستی اور خلوص کے اثرات پر خصوصی زور دیا۔بعدازاں ناظمہ ضلع جنوبی شبنم امیر نےPersonality Types(MBTI)کے عنوان سے ورکشاپ کرائی، جس میں انہوں نے واضح کیا کہ مزاجی تنوع کسی بھی تحریک کی قوت ہوتا ہے۔ ان کا کہنا تھا کہ مختلف شخصیات مل کر کام کو مؤثر، مضبوط اور نتیجہ خیز بناتی ہیں۔معتمدہ ضلع جنوبی بشریٰ حسن نے اجتماعِ عام سے متعلق بریفنگ دیتے ہوئے انتظامات، تیاریوں اور ٹیموں کی کارکردگی کا جائزہ لیا اور کہا کہ اجتماع عام محض ایک پروگرام نہیں بلکہ جماعت اسلامی کی دعوتی، تربیتی اور تنظیمی جدوجہد کا روشن مینار ہے، جہاں سے تحریک کو نئی توانائی اور سمت ملتی ہے۔تربیتی پروگرام میں ناظماتِ علاقہ و ٹیم نے بھرپور شرکت کی اور مختلف سیشنز سے بھرپور استفادہ کیا۔
ذریعہ: Jasarat News
پڑھیں:
شوہر کو آشنا کیساتھ ملکر قتل کیا، کچن میں دفنایا، قاتلہ بیوی کے تہلکہ خیز انکشافات
احمد آباد:(ویب ڈیسک) بھارت میں ایک ہولناک واقعہ سامنے آیا ہے جہاں ایک خاتون نے اپنے آشنا کے ساتھ مل کر شوہر کو قتل کیا اور لاش اپنے ہی کچن میں دفنا دی۔
بھارتی میڈیا رپورٹس کے مطابق گجرات کے شہر احمد آباد میں 2015 میں محمد اسرائیل اکبر علی انصاری نامی شخص نے روبی نامی خاتون سے محبت کی شادی کی تھی۔ اسرائیل اکبر بطور مستری کام کرتا تھا اور اپنی اہلیہ اور دو بچوں کے ساتھ سرکھیج علاقے میں مقیم تھا۔
کچھ سال بعد روبی کے عمران واگھیلا نامی شخص سے تعلقات قائم ہو گئے۔ اسرائیل کو جب اس تعلق کا علم ہوا تو میاں بیوی کے درمیان جھگڑے شروع ہوگئے۔ بعدازاں روبی نے اپنے عاشق عمران کے ساتھ مل کر شوہر کو قتل کرنے کا منصوبہ بنایا۔
پولیس کے مطابق ایک رات روبی نے عمران اور اس کے ساتھیوں کے ساتھ مل کر سوتے ہوئے شوہر پر چاقو سے حملہ کیا جس سے وہ موقع پر ہی جاں بحق ہوگیا۔ بعد ازاں ملزمان نے لاش کو کچن میں کھودے گئے گڑھے میں دفنا دیا، نمک چھڑک کر اوپر سے سیمنٹ اور ٹائلیں لگا کر کچن کو پہلے جیسا بنا دیا۔
یہ لرزہ خیز راز تقریباً ایک سال تک چھپا رہا۔ پولیس کو اطلاع ملنے کے بعد عمران واگھیلا اور روبی کو گرفتار کیا گیا۔ دورانِ تفتیش عمران نے جرم کا اعتراف کرتے ہوئے پولیس کو مقامِ واردات پر پہنچایا، جہاں سے اسرائیل کی ہڈیاں اور بال برآمد ہوئے۔
پولیس کے مطابق روبی نے تفتیش کے دوران اعتراف کیا کہ شوہر کے قتل کے بعد وہ سب کو بتاتی رہی کہ اسرائیل دبئی چلا گیا ہے۔ روبی نے کہا کہ “میں نے دو ماہ تک اسی کچن میں کھانا پکایا، جہاں میرے شوہر کی لاش دفن تھی، پھر عمران کے پاس جا کر رہنے لگی۔”
یہ انکشافات بھارتی عوام کو ہلا کر رکھ دینے والے ہیں، پولیس نے کیس کی مزید تفتیش شروع کر دی ہے۔
ایس آئی اے نے سات کشمیریوں کے خلاف چارج شیٹ داخل کر دی