مراد علی شاہ: وکلا کا کام دلائل دینا ہے، احتجاج درست نہیں
اشاعت کی تاریخ: 26th, November 2025 GMT
وزیر اعلیٰ سندھ مراد علی شاہ نے کہا ہے کہ بعض وکلا آئینی عدالتوں کو پسند نہیں کر رہے، لیکن وکلا کا اصل کام دلائل دینا ہے۔
کراچی میں میڈیا سے بات کرتے ہوئے مراد علی شاہ نے کہا کہ حکومت پبلک پرائیویٹ پارٹنرشپ کے ذریعے وسائل کو بہتر استعمال کر رہی ہے اور اس میں پرائیویٹ سرمایہ کاری بھی شامل ہے۔ انہوں نے تھر کول منصوبے کا حوالہ دیتے ہوئے کہا کہ پہلے لوگ سمجھتے تھے یہ کام کے قابل نہیں، لیکن آج وہاں حقیقی کام ہو رہا ہے۔
وزیر اعلیٰ سندھ نے کہا کہ ترقی کی راہ میں کسی بھی رکاوٹ کی اجازت نہیں دی جائے گی اور عوام کو قائل کیا جائے گا کہ سندھ کے وسائل کو بہتر طریقے سے استعمال کرنے کی ضرورت ہے۔
انہوں نے آئینی عدالتوں کے قیام کے حوالے سے کہا کہ یہ عمل ضروری تھا اور 27ویں آئینی ترمیم کے ذریعے حل کیا گیا۔ وکلا آئینی عدالت پسند نہ ہونے کی شکایت کرتے ہیں، لیکن یاد رکھنا چاہیے کہ ان کا اصل کام مضبوط دلائل کے ذریعے کیس پیش کرنا ہے۔
مراد علی شاہ نے احتجاج کرنے والے وکلا پر تنقید کی اور کہا کہ “روڈ پر آکر احتجاج کرنا سمجھ سے بالاتر ہے۔ عوام کو پریشان کرنا درست نہیں۔”
ایک سوال کے جواب میں وزیر اعلیٰ نے کہا کہ بلدیاتی ایکٹ میں ترمیم پر بات چیت جاری ہے، اور این ایف سی ایوارڈ کے حوالے سے اپنے تحفظات وزیراعظم کے ساتھ زیر بحث لاتے ہیں۔
انہوں نے مزید کہا کہ کراچی آج پاکستان کا سمندر کنارے سفارتی دارالحکومت بن چکا ہے، یہاں سب سے زیادہ قونصلیٹس اور عالمی ادارے موجود ہیں، اور شہر عالمی تعلقات، رواداری اور سفارتی سرگرمیوں کے لیے موزوں ہے۔
مراد علی شاہ نے کہا کہ پاکستان کا مستقبل نوجوانوں کے ہاتھ میں ہے، اور نوجوان سندھ کی سفارتی اور ثقافتی روایت کو آگے بڑھائیں۔ انہوں نے انڈسٹریز کی کمی کی وجہ سے نوجوانوں کے بیرون ملک جانے کا بھی ذکر کیا اور کہا کہ حکومت کا مقصد ہے کہ سندھ کے عوام کے لیے بہتر ماحول پیدا کیا جائے تاکہ ٹیلنٹ ملک میں رہے۔
ذریعہ
ذریعہ: Daily Mumtaz
کلیدی لفظ: مراد علی شاہ نے نے کہا کہ انہوں نے
پڑھیں:
نیٹ پیپر لیک: دہلی سے اٹھنے والا احتجاج بھارت بھر میں پھیل گیا، دہلی یونیورسٹی نے طلبہ کو جنتر منتر جانے سے روک دیا
بھارت میں نیٹ (NEET) امتحان کے مبینہ پیپر لیک کے خلاف دہلی سے شروع ہونے والا احتجاج اب ملک کے مختلف شہروں تک پھیل گیا ہے۔ طلبہ کی جانب سے امتحانی نظام میں شفافیت، ذمہ داروں کے خلاف کارروائی اور اصلاحات کے مطالبات زور پکڑتے جا رہے ہیں، جبکہ دہلی یونیورسٹی نے اپنے طلبہ اور اساتذہ کو جنتر منتر پر جاری احتجاج میں شرکت سے گریز کرنے کی ہدایت جاری کر دی ہے۔
پیپر لیک کے خلاف احتجاج اب صرف دارالحکومت دہلی تک محدود نہیں رہا۔ ممبئی، کولکاتا، بنگلورو، حیدرآباد، پٹنہ، لکھنؤ، چندی گڑھ اور دیگر شہروں میں بھی طلبہ تنظیموں نے ریلیاں، دھرنے اور احتجاجی مظاہرے شروع کر دیے ہیں۔ متعدد مقامات پر طلبہ نے امتحانی نظام میں اصلاحات، پیپر لیک میں ملوث افراد کے خلاف سخت کارروائی اور شفاف امتحانی عمل کو یقینی بنانے کا مطالبہ کیا۔
Huge crowd of students floods roads of Nashik.
Student protest is now getting pan India surge. pic.twitter.com/tW5HlH2LuY
— VIZHPUNEET (@vizhpuneet) July 23, 2026
ادھر اپوزیشن جماعتیں بھی طلبہ کی حمایت میں میدان میں آ گئی ہیں۔ لوک سبھا میں قائد حزب اختلاف راہول گاندھی اور ’انڈیا اتحاد‘ کے دیگر رہنماؤں نے احتجاجی طلبہ سے اظہارِ یکجہتی کرتے ہوئے وفاقی وزیر تعلیم دھرمیندر پردھان کے استعفے کا مطالبہ دہرایا ہے۔
دوسری جانب نیٹ دہلی یونیورسٹی نے اپنے سرکاری بیان میں کہا ہے کہ جنتر منتر پر ہونے والے اجتماعات سپریم کورٹ کی ہدایات کے تحت منظم کیے جاتے ہیں اور کسی بھی غیرقانونی مظاہرے میں شرکت کرنے والوں کے خلاف قانونی کارروائی کی جا سکتی ہے۔ انتظامیہ کے مطابق ایسے اقدامات طلبہ کی سلامتی، تعلیمی مستقبل اور پیشہ ورانہ مواقع کو متاثر کر سکتے ہیں، اس لیے انہیں احتجاجی سرگرمیوں سے دور رہنے کی تلقین کی گئی ہے۔
یہ بھی پڑھیں:وزیرِ تعلیم کے استعفے کا مطالبہ، نئی دہلی میں طلبہ کے احتجاج پر لاٹھی چارج
یونیورسٹی نے سوشل میڈیا پر گردش کرنے والی جعلی اور گمراہ کن خبروں سے بھی خبردار کرتے ہوئے طلبہ کو غیر مصدقہ معلومات شیئر نہ کرنے کا مشورہ دیا ہے۔
بھارتی حکومت کا کہنا ہے کہ پیپر لیک معاملے کی تحقیقات جاری ہیں اور ذمہ داروں کے خلاف قانون کے مطابق کارروائی کی جائے گی، تاہم طلبہ تنظیموں نے واضح کیا ہے کہ مطالبات کی منظوری تک احتجاج جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت احتجاج دہلی احتجاج نیٹ پیپر لیک
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی