آخری رسومات سے چند منٹ قبل 65 سالہ خاتون تابوت میں زندہ ہوگئی
اشاعت کی تاریخ: 26th, November 2025 GMT
تھائی لینڈ کے نونتھابوری صوبے میں واقع واٹ رات پراکھونگ تھام مندر کے عملے کو حیرت کا سامنا کرنا پڑا جب ایک 65 سالہ خاتون کو آخری رسومات کے لیے لائے جانے کے بعد تابوت میں حرکت کرتے ہوئے پایا گیا۔
مندر نے اس واقعے کی ویڈیو اپنی فیس بک پر بھی شیئر کی، جس میں دیکھا جا سکتا ہے کہ خاتون تابوت میں ہلکی ہلکی حرکت کر رہی تھی، جس سے مندر کا عملہ دنگ رہ گیا۔
مزید پڑھیں: ’وہ زندہ ہیں‘، دھرمیندر کی موت کی خبروں پر اہلِ خانہ کا سخت ردِعمل
مندر کے مینیجر پیارٹ سود تھوپ کے مطابق، خاتون کے بھائی نے انہیں پھِتسانولوک صوبے سے مندر تک لایا۔ وہیں، عملے نے تابوت سے ہلکی آواز سنی، جس پر تابوت کھولا گیا اور سب دنگ رہ گئے۔
پیارٹ کے مطابق، خاتون نے آہستہ آہستہ اپنی آنکھیں کھولیں اور تابوت کی لکڑی کو تھپتھپانا شروع کر دیا، اور لگتا ہے کہ وہ کچھ وقت سے یہی کر رہی تھیں۔
خاتون کے بھائی نے بتایا کہ وہ قریباً 22 سال سے بستر پر تھیں اور حال ہی میں ان کی صحت بگڑ گئی تھی۔ 2 دن قبل وہ بے ہوش ہو گئی تھیں اور سانس لینا بند کر دیا تھا۔
بھائی انہیں تابوت میں رکھ کر قریباً 500 کلومیٹر کا سفر کرکے بنکاک کے اسپتال لے گئے تاکہ خاتون کے اعضا عطیہ کیے جا سکیں، جیسا کہ انہوں نے اپنی زندگی میں خواہش ظاہر کی تھی۔ تاہم اسپتال نے اس پیشکش کو رد کر دیا کیونکہ ان کے پاس سرکاری موت کا سرٹیفکیٹ موجود نہیں تھا۔
مزید پڑھیں: پاکستانی پرستار کا شبھمن گل سے ہاتھ ملاتے ہوئے ’پاکستان زندہ باد‘ کا نعرہ، ویڈیو وائرل
خاتون کے بھائی نے اسی وجہ سے مندر سے رجوع کیا کیونکہ وہاں آخری رسومات کی مفت سہولت دستیاب تھی، لیکن وہاں بھی انہیں سرٹیفکیٹ نہ ہونے کی وجہ سے انکار کیا گیا۔
اس دوران جب وہ موت کا سرٹیفکیٹ حاصل کرنے کی وضاحت کر رہے تھے، عملے نے تابوت سے آواز سنی اور فوری طور پر خاتون کو نزدیک اسپتال بھیجا گیا۔ مندر کے سربراہ نے بتایا کہ تمام طبی اخراجات مندر کی جانب سے پورے کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تابوت تھائی لینڈ خاتون زندہ نکلی زندہ.
ذریعہ
ذریعہ: WE News
کلیدی لفظ: تابوت تھائی لینڈ خاتون زندہ نکلی تابوت میں خاتون کے
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ