عدالت نے یوٹیوبر ‘ڈکی بھائی کی رہائی کا پروانہ جاری کر دیا
اشاعت کی تاریخ: 26th, November 2025 GMT
لاہور کی ضلع کچہری نے یوٹیوبر سعد الرحمان المعروف ‘ڈکی بھائی کی رہائی کے لیے پروانہ جاری کر دیا ہے۔
جوڈیشل مجسٹریٹ نعیم بھٹو نے رہائی کے حکم نامے میں ہدایت کی کہ اگر ڈکی بھائی کسی اور مقدمے میں مطلوب یا ملوث نہیں ہیں تو انہیں فوری طور پر رہا کیا جائے۔ عدالت نے اس سلسلے میں سپرنٹنڈنٹ کیمپ جیل کو بھی باضابطہ روبکار ارسال کر دی ہے۔
واضح رہے کہ لاہور ہائیکورٹ نے گزشتہ پیر کو جوئے کی ایپلیکیشنز کی پروموشن سے متعلق کیس میں 10 لاکھ روپے کے مچلکے جمع کرانے کے بعد ڈکی بھائی کی درخواست ضمانت منظور کی تھی۔
اسماعت کے دوران جسٹس شہرام سرور نے ریمارکس دیتے ہوئے کہا تھا کہ سپریم کورٹ کے فیصلے کے مطابق اس نوعیت کے کیسز میں ضمانت نہ ہونا غیر معمولی بات ہے۔
ذریعہ: Daily Mumtaz
کلیدی لفظ: ڈکی بھائی
پڑھیں:
عمران خان اور بشریٰ بی بی کی ضمانت میں 23 دسمبر تک توسیع
اسلام آباد کی ڈسٹرکٹ اینڈ سیشن عدالت نے منگل کے روز بانی پی ٹی آئی عمران خان اور ان کی اہلیہ بشریٰ بی بی کی 9 مئی سمیت 5 دیگر مقدمات میں قبل از گرفتاری ضمانت میں توسیع کر دی۔
سابق وزیر اعظم عمران خان کے خلاف مئی 9 کے واقعے اور اس سے منسلک 5 مقدمات میں ضمانت سے متعلق درخواستوں کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی۔
عدالتی ذرائع کے مطابق سابق وزیراعظم عمران خان کی آج عدالت میں عدم حاضری کے باعث ان کی ضمانت سے متعلق دلائل نہ سن سکے، جس پر عدالت نے سماعت 23 دسمبر تک ملتوی کر دی۔
عمران خان، جو 2023 سے جیل میں ہیں، بدعنوانی، زمین فراڈ اور سرکاری راز افشا کرنے کے الزامات کا سامنا کر رہے ہیں، جب کہ مئی 9 کے فسادات سے متعلق اسی نوعیت کے دیگر مقدمات بھی ان کے خلاف جیل میں ہی سکیورٹی بنیادوں پر چلائے جا رہے ہیں۔
حکومت نے الزام عائد کیا ہے کہ عمران خان اور دیگر پی ٹی آئی رہنماؤں نے 9 مئی 2023 کے ان احتجاجی واقعات کو ہوا دی، جن کے دوران مظاہرین نے راولپنڈی میں جی ایچ کیو، لاہور میں جناح ہاؤس سمیت متعدد فوجی و سرکاری عمارتوں پر حملے کیے تھے۔
سابق وزیراعظم ان تمام الزامات کی تردید کرتے ہوئے انہیں سیاسی انتقام قرار دیتے ہیں اور کہتے ہیں کہ ان مقدمات کا مقصد ان کی جماعت کو کمزور کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی پی ٹی آئی توسیع ضمانت عمران خان محمد افضل مجوکہ
برداشت، رواداری قیام پاکستان کی بنیاد ہیں، وزیراعظم شہباز شریف