متوازن اورکامیاب زندگی کیلیے کھیل بھی انتہائی ضروری ہیں،پروفیسرفوزیہ
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)متوازن اور کامیاب زندگی کے لیے کھیل بھی اتنے ہی ضروری ہیں جتنی کہ تعلیم ہے۔ان خیالات کا اظہار گورنمنٹ گرلز ڈگری کالج لطیف آباد نمبر 8 کی پرنسپل پروفیسر فوزیہ صابرنے چیف ڈائریکٹر فزیکل ایجوکیشن پروفیسر ریحانہ بھٹی کی زیرنگرانی کالج میں ہونے والے اسپورٹس گالا کی افتتاحی تقریب سے خطاب کرتے ہوئے کیا۔تقریب میں پرنسپل پروفیسر فوزیہ صابر کی آمد پر پرتپاک استقبال کیا گیا اور اسپورٹس گالا کی آرگنائزر ریحانہ بھٹی نے پھولوں کا گلدستہ اور اجرک پیش کی۔ اس موقع پر پرنسپل فوزیہ صابر نے کہا کہ طلباء میں جسمانی فٹنس اور اسپورٹس مین شپ کو فروغ دینے میں ریحانہ بھٹی نے اہم کردار ادا کیا ہے جس کی وجہ سے کالج کا نام روشن ہوا ہے۔ اس موقع پر پروفیسر صدف عباسی، پروفیسر مس طاہرہ، پروفیسر مس شازیہ، مس رداہ لغاری، فوزیہ فاروقی کے علاوہ کالج کے معزز پروفیسرز لیکچراربھی موجود تھیں۔ اسپورٹس گالا میں فلائنگ ڈسک، روپ اسکیپنگ، والی بال، ٹیبل ٹینس شامل ہیں مختلف قسم کے کھیل پیش کیے جائیں گے۔ اس موقع پر مس ریحانہ بھٹی نے کہا کہ کھیلوں مقابلے طلباء کو اپنی صلاحیتوں، ٹیم ورک اور کھیل کود کو دکھانے کے مواقع فراہم کرتے ہیں۔پرنسپل پروفیسر فوزیہ صابر نے آرگنائزنگ کمیٹی کی کاوشوں کوبھی سراہا۔
ذریعہ
ذریعہ: Jasarat News
کلیدی لفظ: ریحانہ بھٹی
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ